Ezdra 3:8 - Bibl Koad 21: Ar Bibl e Brezhoneg evit ar Vretoned

⁸ D'an eilvet bloaz adalek o donedigezh e ti Doue e Jeruzalem, d'an eil miz, Zorobabel mab Salatiel, Jezua mab Jozadak, gant an nemorant eus o breudeur, an aberzhourien, al Levited, hag an holl re a oa deuet diouzh an harlu da Jeruzalem a stagas gant al labour. Hag e lakajont Levited, adalek an oad a ugent vloaz ha dreistoc'h, evit eveshaat ouzh labour ti an AOTROU.

Ezdra 3:8 Iomraidhean Croise

1 Danevelloù 23:4

Bez' e oa en o zouez pevar mil warn-ugent evit eveshaat ouzh labour ti an AOTROU , c'hwec'h mil evel skribed ha barnerien,

1 Danevelloù 3:17

Mibien Jekonia a voe: Asir, Shealtiel e vab,

Ezdra 10:18

E-touez mibien an aberzhourien, e voe kavet hiniennoù hag o doa kemeret gwragez estren: a-douez mibien Jezua mab Jozadak hag a-douez e vreudeur, Maaseja, Eliezer, Jarib, Gedalia,

Ezdra 2:2

Dont a rejont gant Zorobabel, Jezua, Nehemia, Seraja, Reelaja, Mardoke, Bilshan, Mispar, Bigvai, Rehum, Baana. Niver an dud eus pobl Israel a voe:

Ezdra 3:2

Neuze Jezua mab Jozadak a savas gant e vreudeur, an aberzhourien, ha Zorobabel mab Salatiel gant e vreudeur, hag e savjont un aoter da Zoue Israel, evit kinnig al loskaberzhoù, evel ma'z eo skrivet e lezenn Moizez, den Doue.

Ezdra 4:24

Neuze labour ti Doue e Jeruzalem a baouezas, hag e voe harzet betek eilvet bloaz ren Dariuz roue Persia.

Ezdra 4:3

Met Zorobabel, Jezua hag ar pennoù tadoù all eus Israel a lavaras dezho: N'eo ket dereat e savfemp, c'hwi ha ni, un ti d'hon Doue. Met ni hon-unan en savo d'an AOTROU Doue Israel, evel m'en deus gourc'hemennet deomp Kiruz roue Persia.

Ezdra 5:16

Neuze ar Sheshbazar-mañ a zeuas hag a ziazezas ti Doue a zo e Jeruzalem. Adalek an amzer-se betek bremañ ec'h adsavomp anezhañ, ha n'eo ket echu c'hoazh.

Ezdra 5:2

Neuze Zorobabel mab Salatiel ha Jezua mab Jozadak a savas, hag en em adlakajont da sevel ti Doue a zo e Jeruzalem; ha ganto e oa profeded Doue, ouzh o skoazell.

Agge 1:1

D'an eilvet bloaz eus ar roue Dariuz, d'ar c'hwec'hvet miz, d'an deiz kentañ eus ar miz, komz an AOTROU a voe disklêriet dre Agge ar profed da Zorobabel mab Salatiel, gouarnour Juda, ha da Jozue mab Jozadak, an aberzhour-meur, o lavarout:

Zakaria 4:9

Daouarn Zorobabel o deus soliet an ti-mañ, hag e zaouarn a echuo anezhañ, hag e ouezi ez on bet kaset davedoc'h gant AOTROU an armeoù.

Zakaria 6:12

Komz dezhañ o lavarout: Evel-henn e komz AOTROU an armeoù: Setu un den a zo Diwan e anv, a ziwano eus e lec'h hag a savo templ an AOTROU.

Niveroù 4:3

adalek an oad a dregont vloaz hag ouzhpenn betek an oad a hanter-kant vloaz, an holl re a ya er rumm evit servijañ e teltenn an engalv.