Ezdra 3:7 - Bibl Koad 21: Ar Bibl e Brezhoneg evit ar Vretoned

⁷ Hag e rojont arc'hant d'ar venerien ha d'ar gilvizien, ha boued, evajoù hag eoul d'ar Sidoniz ha d'an Diriz, evit degas koad sedrez eus al Liban da vor Jafo, hervez an aotre roet gant Kiruz roue Persia.

Ezdra 3:7 Iomraidhean Croise

2 Samuel 5:11

Hiram roue Tir a gasas kannaded da gavout David, ha koad sedrez, kilvizien ha benerien, hag e savjont ti David.

1 Rouaned 5:6

Ha bremañ, gourc'hemenn ma vo troc'het din sedrez el Liban, ha va servijerien a vo gant da servijerien. Reiñ a rin dit ar gopr a c'houlenni evit da servijerien, rak te a oar n'eus den e-touez ac'hanomp o c'houzout troc'hañ koad evel ar Sidoniz.

2 Rouned 12:10

Pa welent e oa kalz a arc'hant er c'hef, skrib ar roue a bigne gant an aberzhour-meur, hag e tastument hag e niverent an arc'hant en em gave e ti an AOTROU.

2 Rouned 12:13

Eus an arc'hant-se a veze degaset da di an AOTROU, ne voe ket graet kirinoù arc'hant evit ti an AOTROU, na mougerigoù, na hanafoù, na trompilhoù, na listri en aour, na listri en arc'hant,

2 Danevelloù 34:10

Lakaet e voe etre daouarn ar re o doa ar garg eus al labour hag a eveshae ti an AOTROU. Hag int a roas anezhañ d'ar re o doa ar garg eus al labour hag a laboure e ti an AOTROU, evit adaozañ ha dresañ an ti,

Ezdra 3:6

Adalek deiz kentañ ar seizhvet miz, e krogjont da ginnig loskaberzhoù d'an AOTROU, petra bennak ma ne oa ket templ an AOTROU diazezet c'hoazh.

Ezekiel 27:17

Juda ha bro Israel a zo bet da varc'hadourien, oc'h eskemm gwinizh eus Minnid, pastezerezh, mel, eoul ha balzam ouzh da varc'hadourezh.

Jonaz 1:3

Met Jonaz a savas evit tec'hout da Darsiz, pell diouzh dremm an AOTROU. Diskenn a reas da Jafo, hag e kavas ul lestr a yae da Darsiz. Paeañ a reas e dreizh, hag ez eas enni evit mont ganto da Darsiz, pell diouzh dremm an AOTROU.

Actou an Ebestel 12:20

Herodez a oa droug ennañ a-enep tud Tir ha Sidon. Met int a zeuas a-unvan d’e gavout hag, o vezañ gounezet Blastuz, an hini a oa e penn da gambr ar roue, e c’houlennjont ar peoc’h, abalamour o bro a denne he bevañs eus hini ar roue.

Actou an Ebestel 9:36

Bez’ e oa e Jope un diskiblez anvet Tabita, da lavarout eo Dorkaz. Ober a rae kalz a oberoù mat hag a aluzenoù.

Actou an Ebestel 9:38

Evel ma’z emañ Lidda tost ouzh Jope, an diskibien, o vezañ gouezet e voe Pêr eno, a gasas daou zen d’e gavout ha d’e bediñ da zont hep dale d’o zi.

Actou an Ebestel 9:43

Pêr a chomas meur a zevezh e Jope e ti ur c’hourrezer anvet Simon.