Efeziz 4:32 - Bibl Koad 21: Ar Bibl e Brezhoneg evit ar Vretoned

³² Bezit mat an eil e-keñver egile, madelezhus, o pardoniñ an eil d’egile, evel m’en deus Doue pardonet deoc’h ivez e Krist.

Testamant Nevez 1897 (Jenkins)

³² Mes bezit mad an eil e‐kenver egile, truezus, o pardoni an eil d’egile, evel ma hen deuz Doue pardonet deoc’h ive er C’hrist.

Efeziz 4:32 Iomraidhean Croise

2 Samuel 7:21

Abalamour da'z komz, hag hervez da galon, ec'h eus graet an holl draoù bras-se, evit o reiñ da anavezout da'z servijer.

Salmoù 112:9

Skuilhet en deus, roet en deus d'ar beorien, e reizhder a bad da viken hag e benn a sav gant gloar.

Salmoù 145:9

An AOTROU a zo mat evit an holl, hag e druez a zo ouzh e holl oberennoù.

Krennlavarioù 12:10

An den reizh a gemer preder gant ene e loen, met trugarez ar re zrouk a zo kriz.

Krennlavarioù 19:11

Poell an den a zalc'h e gounnar, hag e enor eo ankounac'haat ar mankoù.

Krennlavarioù 19:22

Kaerder an den eo e vadelezh, ha gwelloc'h eo ar paour eget ar gaouiad.

Izaia 57:1

An hini reizh a ya da get, ha den ne daol evezh; ar re vat a zo lamet kuit, ha den ne gompren ez eo dilamet an hini reizh dirak an droug.

Jeremiaz 38:12

Ebed-Melek an Etiopad a lavaras da Jeremiaz: Laka ar pilhoù kozh hag an truilhoù-se dindan da zivgazel, dindan ar c'herdin. Ha Jeremiaz a reas evel-se.

Mazhev 6:12

pardon deomp hor pec’hedoù evel ma pardonomp ivez d’ar re o deus manket ouzhimp,

Sant Marc 11:25

Ha pa deuot da bediñ, mar hoc’h eus un dra bennak a-enep unan bennak, pardonit, evit ma teuio ivez ho Tad a zo en neñvoù da bardoniñ deoc’h ho tisentidigezh.

Sant Lucas 1:78

dre garantez ar galon drugarezus eus hon Doue, an heol o sevel en deus hor gweladennet eus an nec’h drezi,

Sant Lucas 11:4

pardon deomp hor pec’hedoù, rak ni a bardon ivez d’ar re holl o deus manket ouzhimp, ha n’hon lez ket da gouezhañ en temptadur, met hon diwall diouzh an droug.

Sant Lucas 17:4

Mar pec’h seizh gwech an deiz en da enep ha mar distro seizh gwech an deiz da’z kavout, o lavarout: Keuz am eus, pardon dezhañ.

Sant Lucas 6:35

Met karit hoc’h enebourien, grit vad ha prestit hep gortoz netra, hag ho kopr a vo bras, ha c’hwi a vo mibien an Uhel-Meurbet, abalamour ma’z eo mat e-keñver ar re zizanaoudek hag ar re fall.

Sant Lucas 6:37

Na varnit ket ha ne viot ket barnet. Na gondaonit ket ha ne viot ket kondaonet. Pardonit hag e viot pardonet.

Actou an Ebestel 28:2

An annezerien a ziskouezas en hor c’heñver ur vadelezh dreist-ordinal. Rak enaouiñ a rejont un tan hag hon degemerjont holl, abalamour d’ar glav a gouezhe ha d’ar yenijenn.

Romaned 12:10

E-keñver ar garantez a vreur, bezit leun a deneridigezh an eil evit egile. En em ziaraogit oc’h en em enoriñ an eil egile.

1 Korintiz 13:4

Ar garantez a zo habask ha leun a vadelezh, ar garantez n’eo ket avius, ar garantez n’eo ket fougasus, n’en em c’hwez ket a ourgouilh,

2 Korintiz 2:10

D’an hini eta a bardonit, e pardonan ivez dezhañ, hag evidon ar pezh am eus pardonet, mar em eus pardonet un dra bennak, eo abalamour deoc’h dirak Krist,

2 Korintiz 2:7

en hevelep doare ma tleit pardoniñ dezhañ hag e frealziñ, gant aon na vefe bec’hiet gant un dristidigezh re vras.

2 Korintiz 6:6

er burentez, en anaoudegezh, er basianted, en douster, er Spered-Santel, en ur garantez gwirion,

Efeziz 5:1

Bezit eta heñvelerien ouzh Doue, evel bugale karet-mat,

S. Jakes 5:11

Setu, e tisklêriomp benniget ar re o deus gouzañvet gant dalc’hidigezh. Klevet hoc’h eus komz diwar-benn pasianted Job, ha ec’h anavezit an diwezh en deus roet an Aotrou dezhañ, rak an Aotrou a zo leun a drugarez hag a druez.

2 Pêr 1:7

gant an doujañs-Doue ar vadelezh a vreur, gant ar vadelezh a vreur ar garantez.

1 Yann 1:9

Mar anzavomp hor pec’hedoù, eñ a zo feal ha reizh evit o fardoniñ deomp hag evit hor glanaat a bep direizhder.

1 Yann 2:12

Bugale vihan, skrivañ a ran deoc’h dre ma’z eo pardonet ho pec’hedoù deoc’h abalamour d’e anv.

Levr Rud 2:20

Naomi a lavaras d'he merc'h-kaer: Ra vo benniget gant an AOTROU, a ziskouez an hevelep trugarez e-keñver ar re vev hag e-keñver ar re varv! Naomi a lavaras ivez: An den-mañ a zo kar deomp, hag emañ eus ar re o deus warnomp an droed a zaspren.