Ar Prezeger 8:13 - Bibl Koad 21: Ar Bibl e Brezhoneg evit ar Vretoned

¹³ Met ne vo ket a eurvad evit an den fall, ha ne hiraio ket e zeizioù muioc'h eget ar skeudenn, dre ma ne zouj ket dremm Doue.

Ar Prezeger 8:13 Iomraidhean Croise

Levr Job 14:2

Evel ur vleunienn e tifluk hag eo troc'het; evel ur skeud e tec'h ha ne bad ket.

Levr Job 18:5

Ya, sklêrijenn an den drouk a vo mouget, flammenn e dan ne lugerno ket.

Levr Job 20:5

youc'hoù trec'h an den drouk ne badont ket, ha levenez an den dizoue a zo evit ur predig?

Levr Job 21:30

ez eo miret an den fall evit deiz ar glac'har, hag ez eo degaset evit deiz ar fulor?

Salmoù 11:5

An AOTROU a furch an hini reizh, met e ene a gasa an hini drouk hag an hini a gar an taerder.

Salmoù 144:4

An den a zo heñvel ouzh ur c'hwezhadenn, e zeizioù a zo evel ur skeudenn a dremen.

Salmoù 37:1

Salm David. Na gounnar ket a-enep ar re fall, na'z pez ket avi ouzh ar re a ra an droug.

Salmoù 39:5

AOTROU, ro din da anavezout va diwezh, ha pe muzul o deus va deizioù, ma ouezin pegen berr eo va buhez.

Salmoù 55:23

Disamm da vec'h war an AOTROU hag e harpo ac'hanout, ne lezo biken an den reizh da vezañ brañsellet.

Ar Prezeger 3:14

Anavezet em eus e pado da viken kement en deus graet Doue, n'eus netra da lakaat ouzhpenn ha netra da lemel. Ha Doue en gra evit bezañ doujet.

Ar Prezeger 5:7

Rak evel ma ez eus avel en huñvreoù niverus, ez eus ivez kalz e komzoù niverus. Met douj Doue.

Ar Prezeger 6:12

Rak piv a oar ar pezh a zo mat evit an den en e vuhez, e-pad deizioù e vuhez a avel emañ o tremen evel ur skeud? Ha piv a c'hell lavarout d'un den ar pezh a vo war e lerc'h dindan an heol?

Ar Prezeger 7:15

Gwelet em eus kement-mañ holl e-pad deizioù va avel: bez' ez eus un den reizh o vervel en e reizhder, hag un den fall o hiraat e zeizioù en e fallentez.

Ar Prezeger 7:18

Mat eo derc'hel soñj eus kement-mañ ha chom hep tennañ e zorn diouzh kement-se, rak an neb a zouj Doue a ya kuit eus pep tra.

Ar Prezeger 8:8

An den n'eo ket mestr d'e spered evit gallout e zerc'hel, ha n'en deus galloud ebet war zeiz ar marv. N'eus diskarg ebet eus an emgann-se, hag an drougiezh ne zieubo ket ar re a berc'henno anezhi.

Izaia 3:11

Gwalleur d'an hini fall! Gwalleur! Rak dastum a raio gopr e zaouarn.

Izaia 30:13

en abeg da-se e vo evidoc'h an drougiezh-mañ evel freuz ur voger uhel o kinnig kouezhañ en ur faoutañ, hag en em vruzun a-daol-trumm.

Izaia 57:21

N'eus ket a beoc'h evit ar re zrouk, eme va Doue.

Izaia 65:20

Ne vo ken eno ur bugel pe ur c'hozhiad n'en devo ket peurc'hraet e zeizioù, rak an hini a varvo oadet a gant vloaz a vo yaouank, met ar pec'her hag a vo oadet a gant vloaz a vo milliget.

Jeremiaz 44:10

N'int ket en em izelaet betek hiziv, n'o deus ket bet doujañs, n'o deus ket kerzhet em lezenn nag em reolennoù, am boa roet deoc'h ha d'ho tadoù.

Malaki 3:18

Hag e welot a-nevez an diforc'h etre an den reizh hag an hini direizh, etre an den a servij Doue hag an hini na servij ket anezhañ.

Sant Ian 5:29

ar re o devo graet ar mad en adsavidigezh a vuhez, hag ar re o devo graet an droug en adsavidigezh a varn.

S. Jakes 4:14

N’ouzoc’h ket petra a vo warc’hoazh. Rak petra eo ho puhez? N’eo nemet ur vogedenn en em ziskouez evit un nebeud amzer hag a dec’h goude.

2 Pêr 2:3

Dre zroukc’hoant e korvoint ac’hanoc’h gant gerioù touellus, met abaoe pell amzer ne ehan o c’hondaonidigezh da dostaat hag o c’hollidigezh ne chom ket morgousket.