Ar Prezeger 12:1 - Bibl Koad 21: Ar Bibl e Brezhoneg evit ar Vretoned

¹ Az pez soñj eus da Grouer e-pad deizioù da yaouankiz, a-raok ma teuio an deizioù fall, a-raok ma erruo ar bloavezhioù ma lavari diwar o fenn: Ne gemeran ket plijadur enno,

Ar Prezeger 12:1 Iomraidhean Croise

Geneliezh 39:2

An AOTROU a voe gant Jozef, hag e rae berzh. Edo e ti e vestr an Ejipsian.

Geneliezh 39:23

Penn an toull-bac'h ne adwele netra eus ar pezh en doa Jozef etre e zaouarn, abalamour ma oa an AOTROU gantañ ha ma lakae da ober berzh kement a rae.

2 Samuel 19:35

Oadet on hiziv a bevar-ugent vloaz. Ha gellout a c'hellfen disheñvelaat ar mad diouzh an droug? Da servijer, ha blasaat a rafe ar pezh a zebrfe hag a evfe? Ha gellout a c'hellfen c'hoazh klevout mouezh ar ganerien hag ar c'hanerezed? Perak e vefe c'hoazh da servijer ur bec'h evit ar roue va aotrou?

2 Samuel 19:36

Da servijer a yelo un tammig en tu all d'ar Jordan gant ar roue, met perak e fellfe d'ar roue reiñ din un hevelep gopr?

1 Rouaned 14:13

Holl Israel a zougo kañv dezhañ hag e vo sebeliet. Eñ hepken a-douez ti Jeroboam a yelo en ur bez, rak an AOTROU Doue Israel en deus kavet un dra bennak a vat ennañ hepken a-douez ti Jeroboam.

1 Rouaned 18:12

Hag e c'hoarvezo, pa vin aet diganit, ma vi douget gant Spered an AOTROU d'ul lec'h n'anavezin ket, hag ez in da lavarout kement-se da Akab, ha ne gavo ket ac'hanout, hag e lazho ac'hanon. Hogen da servijer a zouj an AOTROU adalek e yaouankiz.

Nehemia 4:14

Goude e sellis, e savis hag e lavaris d'ar re vras, d'ar renerien ha da nemorant ar bobl: N'ho pet ket aon razo, ho pet soñj eus an AOTROU, a zo bras ha spontus, ha stourmit evit ho preudeur, ho mibien, ho merc'hed, ho kwragez hag ho tiez.

Levr Job 30:2

Petra am befe graet eus nerzh o daouarn? Ar gozhni a oa aet da goll enno.

Salmoù 119:55

En noz em eus soñj eus da anv, o AOTROU, hag e viran da lezenn.

Salmoù 34:11

Al leoned yaouank a anavez kernez ha naonegezh, met ar re a glask an AOTROU n'o devo ezhomm ebet.

Salmoù 63:6

Va ene en deus e walc'h a vel hag a lard, va genoù a veul ac'hanout gant kriadennoù a levenez.

Salmoù 90:10

Deizioù hor bloavezhioù a zeu da zek vloaz ha tri-ugent, hag evit ar re greñvañ da bevar-ugent vloaz. Hag ar c'haerañ eus an deizioù-se n'eo nemet poan ha trubuilh, rak tremen a ra buan hag ez eomp kuit.

Krennlavarioù 22:6

Kelenn ar bugel diwar-benn an hent a dle heuliañ, zoken pa vo kozh ne bellaio ket dioutañ.

Krennlavarioù 8:17

Me a gar ar re am c'har, hag ar re am c'hlask am c'hav.

Ar Prezeger 11:10

Kas kuit ar glac'har diouzh da galon, ha pella ar poanioù diouzh da gig, rak oad tener ha yaouankiz n'int nemet avel.

Ar Prezeger 11:2

Ro ul lodenn anezhañ da seizh ha da eizh zoken, rak n'ouzout ket peseurt droug a zeuio war an douar.

Ar Prezeger 11:8

Met pa vevfe un den un niver bras a vloavezhioù, ra vo laouen e-pad an holl vloavezhioù-se, ha ra en devo soñj eus deizioù an deñvalijenn a vo niverus. Kement a c'hoarvez a zo avel.

Izaia 26:8

Ya, da c'hortozomp, o AOTROU, en hent da varnedigezhioù! Da anv ha da eñvor eo c'hoant hon ene.

Klemmganoù 3:27

Mat eo d'an den dougen ar yev e-pad e yaouankiz.

Daniel 1:17

Doue a roas d'ar pevar den yaouank-mañ gouiziegezh ha meiz en pep lennegezh ha furnez. Ha Daniel a gomprene pep gweledigezh ha pep huñvre.

Ozea 7:9

An diavaezidi o deus lonket e nerzh, met ne oar ket. E benn a zo hadet a vlev gwenn, met ne oar ket.

Sant Lucas 1:15

rak bras e vo dirak an Aotrou. N’evo na gwin nag evaj kreñv ebet, ha leuniet e vo eus ar Spered-Santel adalek kof e vamm.

Sant Lucas 18:16

Jezuz, o c’hervel anezho d’e gavout, a lavaras: Lezit ar vugale vihan da zont davedon ha na zifennit ket outo, rak rouantelezh Doue a zo d’ar re a zo heñvel outo.

Efeziz 6:4

Ha c’hwi tadoù, na hegit ket ho pugale met savit anezho e kenurzh hag e kelennadur an Aotrou.

Adlezenn 8:18

Az pez soñj eus an AOTROU da Zoue, rak eñ eo a roio dit an nerzh da brenañ madoù, evit kadarnaat an emglev en deus touet da'z tadoù, evel m'emañ hiziv.

2 Timote 3:15

Abaoe da vugaleaj ec’h anavezez ar Skriturioù Santel a c’hell da zeskiñ evit ar silvidigezh dre ar feiz a zo e Jezuz-Krist.

1 Samuel 1:28

Evel-se e prestan anezhañ d'an AOTROU , prestet e vo d'an AOTROU evit holl zeizioù e vuhez. Hag e stoujont eno dirak an AOTROU .

1 Samuel 16:7

Met an AOTROU a lavaras da Samuel: Na laka ket evezh ouzh e zremm nag ouzh uhelder e vent, rak taolet em eus kuit anezhañ. An AOTROU ne wel ket evel ma wel an den. An den a sell ouzh diavaez an dud, met an AOTROU a sell ouzh ar galon.

1 Samuel 2:18

Samuel a servije dirak an AOTROU , ar bugel a oa gourizet gant un efod lin.

1 Samuel 2:26

Ha Samuel yaouank a greske hag a blije d'an AOTROU ha d'an dud.