Ar Prezeger 11:5 - Bibl Koad 21: Ar Bibl e Brezhoneg evit ar Vretoned

⁵ Evel ma n'ouzout ket pehini eo hent an avel, na penaos en em stumm an eskern e kof an dougerez, evel-se n'anavezez ket labour Doue, en deus graet an holl draoù.

Ar Prezeger 11:5 Iomraidhean Croise

Levr Job 37:23

An Holl-C'halloudeg, ne c'hellomp ket e dapout; uhelaet eo e galloud, e barnedigezh, e reizhder, ha ne wask den.

Levr Job 38:4

Pelec'h e oas pa daolen diazezoù an douar? Lavar eta, ma ec'h eus poell.

Levr Job 5:9

Eñ a ra traoù bras na c'heller ket furchal, burzhudoù na c'heller ket niveriñ.

Salmoù 104:24

O AOTROU, pegen niverus eo da oberoù! An holl ac'h eus graet gant furnez. An douar a zo leun eus da binvidigezhioù.

Salmoù 40:5

Eürus an den a laka e fiziañs en AOTROU, ha na zistro ket da gavout ar re lorc'hus hag ar re en em ro d'ar gaou!

Salmoù 92:5

rak levenez am eus bet dirak da oberennoù, o AOTROU, hag e laouenain eus labourioù da zaouarn.

Ar Prezeger 1:13

ha lakaet em eus va c'halon da glask ha da furchal gant furnez kement a vez graet dindan an neñvoù. Hennezh a zo un dra boanius roet digant Doue da vibien an dud, evit bezañ pledet ganti.

Ar Prezeger 1:6

An avel a ya d'ar c'hreisteiz, hag a dro d'an hanternoz, mont a ra o treiñ amañ hag ahont, hag e tistro warnañ e-unan.

Ar Prezeger 11:4

An hini a sell ouzh an avel ne hado ket, hag an hini a sell ouzh ar c'houmoul ne vedo ket.

Ar Prezeger 3:10

Gwelet em eus al labour en deus roet Doue da vibien an dud evit e ober.

Ar Prezeger 3:11

Graet en deus pep tra kaer en hec'h amzer. Lakaet en deus zoken ar beurbadelezh en o c'halon, hep ma c'hellfe an den kompren adalek ar penn kentañ betek an dibenn petra a ra Doue.

Ar Prezeger 7:24

Ar pezh a zo pell, ar pezh a zo don, don, piv a c'hell e dapout?

Ar Prezeger 8:17

gwelet em eus holl labour Doue, ha gwelet em eus ne c'hell ket an den kavout an oberenn a vez graet dindan an heol. Petra bennak ma en em skuizh d'he c'hlask, n'he c'havo ket. Ha zoken ma lavar an den fur ec'h anavez anezhi, ne c'hell ket he c'havout.

Izaia 40:28

Ha n'ouzout ket? Ha ne'c'h eus ket e glevet? An AOTROU eo an Doue peurbadus, an hini en deus krouet pennoù an douar; n'eo na skuizh na faezh, ha ne c'heller ket furchal e skiant.

Sant Ian 3:8

An avel a c’hwezh e-lec’h ma kar hag e klevez an trouz, met n’ouzout ket nag a-belec’h e teu na pelec’h ez a. Evel-se e c’hoarvez gant pep den a zo ganet eus ar Spered.

Romaned 11:33

O donder pinvidigezh, furnez, ha gouiziegezh Doue! Pegen disont eo e varnedigezhioù ha pegen digompren eo e hentoù!