Ar Prezeger 1:13 - Bibl Koad 21: Ar Bibl e Brezhoneg evit ar Vretoned

¹³ ha lakaet em eus va c'halon da glask ha da furchal gant furnez kement a vez graet dindan an neñvoù. Hennezh a zo un dra boanius roet digant Doue da vibien an dud, evit bezañ pledet ganti.

Ar Prezeger 1:13 Iomraidhean Croise

Geneliezh 3:19

Debriñ a ri bara dre c'hwezenn da zremm betek ma tistroi en douar ma'z out bet kemeret anezhañ, rak poultr out hag e tistroi er poultr.

Levr Job 28:3

Lakaet eo un dibenn d'an deñvalijenn, hag e vez klasket betek an harzoù pellañ mein kuzhet en deñvalijenn hag e skeud ar marv.

Salmoù 111:2

Oberennoù an AOTROU a zo bras, enklasket int gant an holl re a gav plijadur enno.

Krennlavarioù 18:1

An hini a chom en e gorn a heuilh e dech, en em galeta a-enep pep skiant.

Krennlavarioù 18:15

Kalon an den poellek a zastum anaoudegezh, ha skouarn an hini fur a glask anaoudegezh.

Krennlavarioù 23:26

Va mab, ro din da galon, ha ra lakaio da zaoulagad evezh ouzh va hentoù.

Krennlavarioù 25:2

Gloar Doue eo kuzhat an traoù, met gloar ar rouaned eo furchal an traoù.

Krennlavarioù 4:7

Ar furnez eo ar penn-kentañ; degemer ar furnez ha, gant kement ec'h eus, degemer ar poell.

Ar Prezeger 1:17

Lakaet em eus va c'halon da anavezout ar furnez, ha da anavezout ar sotoni hag ar follentez; met intentet em eus eo kement-se ivez ur boan spered.

Ar Prezeger 11:5

Evel ma n'ouzout ket pehini eo hent an avel, na penaos en em stumm an eskern e kof an dougerez, evel-se n'anavezez ket labour Doue, en deus graet an holl draoù.

Ar Prezeger 12:12

A-hend-all, va mab, laka evezh ouzh an traoù-mañ: d'ober kalz a levrioù, n'eus ket a ziwezh, ha kement a studi n'eo nemet skuizhder evit ar c'horf.

Ar Prezeger 2:23

Rak e holl zeizioù n'int nemet glac'har, hag e labour nemet enkrez, en noz zoken ne ziskuizh ket e galon. Kement-se ivez a zo avel.

Ar Prezeger 2:26

Reiñ a ra furnez, anaoudegezh ha levenez d'an den a blij dezhañ. Met d'ar pec'her e ro ar garg da dapout ha da zastum evit reiñ d'an hini a zo kavet mat gant Doue. Kement-se ivez a zo avel ha poan spered.

Ar Prezeger 3:10

Gwelet em eus al labour en deus roet Doue da vibien an dud evit e ober.

Ar Prezeger 3:11

Graet en deus pep tra kaer en hec'h amzer. Lakaet en deus zoken ar beurbadelezh en o c'halon, hep ma c'hellfe an den kompren adalek ar penn kentañ betek an dibenn petra a ra Doue.

Ar Prezeger 4:4

Gwelet em eus ivez pep labour ha pep ijin el labour, n'int nemet gwarizi eus an eil e-keñver egile. Kement-se ivez a zo avel ha poan spered.

Ar Prezeger 4:8

Un den a zo e-unan, hep eiler, n'en deus na mab na breur, ha koulskoude n'eus ket a diwezh d'e holl labour; e zaoulagad zoken n'o deus biken o gwalc'h a binvidigezh. Ne lavar ket: Evit piv e labouran hag e laman eurvad digant va ene? Kement-se ivez a zo avel ha labour poanius.

Ar Prezeger 7:25

Lakaet em eus va c'halon da anavezout, da furchal ha da glask ar furnez hag an abegoù a bep tra, ha da anavezout drougiezh ar follentez ha diskiantegezh ar sotoni.

Ar Prezeger 8:9

Gwelet em eus an holl draoù-se, ha lakaet em eus va c'halon da bep labour en em ra dindan an heol. Bez' ez eus un amzer ma ren an den war an den evit e walleur.

1 Timote 4:15

Kemer preder en traoù-mañ, en em ro atav dezho evit ma vo da greskadurezh anavezet gant an holl.