Adlezenn 20:20 - Bibl Koad 21: Ar Bibl e Brezhoneg evit ar Vretoned

²⁰ Koulskoude e tistruji hag e troc'hi ar gwez ma c'houzout n'int ket gwez o reiñ boued; hag e savi ganto ramparzhioù a-enep ar gêr a rez outi brezel, betek ma kouezho.

Adlezenn 20:20 Iomraidhean Croise

2 Rouned 3:19

Skeiñ a reot war an holl gêrioù kreñv hag an holl gêrioù brasañ, hag e tiskarot an holl wez mat, hag e stouvot an holl mammennoù dour, hag e wastot gant mein an holl barkeier gwellañ.

2 Danevelloù 26:15

Ober a reas ivez e Jeruzalem mekanikoù kavadennet gant un ijinour, evit bezañ lakaet war an tourioù hag ar c'hornioù, da dennañ biroù ha mein bras. E vrud en em astennas pell, rak skoazellet e voe en un doare burzhudus, ken na voe deuet da vezañ galloudek-meurbet.

Ar Prezeger 9:14

Bez' e oa ur gêr vihan, gant nebeut a dud enni; a-enep dezhi e teuas ur roue bras, hag e sezizas anezhi, hag e savas kreñvadurioù bras outi.

Izaia 37:33

Setu perak evel-henn e komz an AOTROU diwar-benn roue Asiria: Ne zeuio ket er gêr-mañ, ne daolo bir ebet enni, ne lakaio ket ar skoed dirazi, ne savo ket a gae en hec'h enep.

Jeremiaz 33:4

Rak evel-henn e komz an AOTROU, Doue Israel, diwar-benn tiez ar gêr-mañ ha tiez rouaned Juda a vo diskaret dre an tosennoù ha dre ar c'hleze:

Jeremiaz 6:6

Rak evel-henn e komz AOTROU an armeoù: Troc'hit ar gwez, savit tosennoù a-enep Jeruzalem. Amañ emañ ar gêr da gastizañ, n'eus nemet gwaskerezh en he c'hreiz.

Ezekiel 17:17

Ha Faraon gant un arme vras ha soudarded niverus, ne raio netra evitañ er brezel, pa vo savet tosennoù ha graet kreñvlec’hioù, evit lakaat da vervel tud niverus.

Adlezenn 1:28

Da belec'h emaomp o pignat? Hor breudeur o deus lakaet hor c'halonoù da deuziñ o lavarout: Ur bobl vrasoc'h hag a vent uheloc'h egedomp eo; ar c'hêrioù a zo bras ha mogeriet betek an neñv; gwelet hon eus eno mibien Anak.

Adlezenn 20:19

Pa sezizi ur gêr e-pad pell amzer, oc'h ober brezel outi evit he c'hemer, ne zistruji ket he gwez gant toalioù bouc'hal, met diouto e tebri ha n'o zroc'hi ket, rak gwezenn ar parkeier, hag un den eo evit bezañ sezizet ganit?

Adlezenn 21:1

Mard eo kavet, er vro en devo an AOTROU da Zoue roet dit da berc'hennañ, un den lazhet astennet en ur park, hep gouzout piv en devo e lazhet,