2 Rouned 4:14 - Bibl Koad 21: Ar Bibl e Brezhoneg evit ar Vretoned

¹⁴ Hag e lavaras: Petra ober eviti? Gehazi a respontas: Met n'he deus mab ebet, hag he gwaz a zo kozh.

2 Rouned 4:14 Iomraidhean Croise

Geneliezh 17:17

Abraham a gouezhas war e zremm. Neuze e c'hoarzhas hag e lavaras en e galon: Ha genel a rafe ur bugel d'un den en oad a gant vloaz? Ha Sara en oad a zek vloaz ha pevar-ugent, ha genel a rafe?

Geneliezh 25:21

Izaak a aspedas an AOTROU evit e wreg, rak houmañ a oa gaonac’h. An AOTROU a voe aspedet gantañ ha Rebeka e wreg a goñsevas.

Geneliezh 30:1

Pa welas Rachel ne roe ket a vugale da Jakob, he doe gwarizi ouzh he c'hoar hag e lavaras da Jakob: Ro din bugale, pe anez e varvin!

2 Rouned 4:13

Neuze e lavaras da C'hehazi: Lavar dezhi: Setu, kemeret ec'h eus an holl brederioù-se ganeomp, petra a c'hellimp ober evidout? Bez' ac'h eus da gomz ouzh ar roue, pe ouzh penn an arme? Hag e respontas: Emaon o chom e-touez va fobl.

2 Rouned 4:15

Elizea a lavaras: Galv-hi! Hag e c'halvas anezhi, hag hi en em zalc'has ouzh an nor.

Sant Lucas 1:7

N’o doa bugel ebet rak Elesbed a oa gaonac’h. O-daou e oant aet war an oad.

Ar Varnerien 13:2

Bez' e oa e Zora un den eus kerentiezh Dan anvet Manoak; e wreg a oa gaonac'h: n'he doa ket a vugale.

1 Samuel 1:2

Div wreg en doa, anv ar gentañ a oa Anna, hag anv an eil Penina. Ha Penina he doa bugale, met Anna n'he doa ket a vugale.

1 Samuel 1:8

Hag Elkana he gwaz a lavare dezhi: Anna, perak e ouelez? Perak ne zebrez ket? Perak eo trist da galon? Ha n'on ket gwelloc'h evidout eget dek mab?