2 Rouned 24:7 - Bibl Koad 21: Ar Bibl e Brezhoneg evit ar Vretoned

⁷ Roue an Ejipt ned eas ken er-maez eus e vro, rak kemeret en doa roue Babilon kement a oa da roue an Ejipt, adalek froud an Ejipt betek stêr Eufratez.

2 Rouned 24:7 Iomraidhean Croise

Geneliezh 15:18

En deiz-se, an AOTROU a reas un emglev gant Abram, o lavarout: Me a ro ar vro-mañ da'z lignez, adalek stêr an Ejipt betek ar stêr vras, ar stêr Eufratez,

1 Rouaned 4:21

Salomon a rene war an holl rouantelezhioù adalek ar stêr betek bro ar Filistined ha betek harzoù an Ejipt. Degas a raent profoù, hag e voent sujet dezhañ e-pad holl amzer e vuhez.

Izaia 27:12

En deiz-se e tiskaro an AOTROU ar frouezh, adalek red ar stêr Eufratez betek froud an Ejipt, hag e viot dastumet hini hag hini, o mibien Israel!

Jeremiaz 46:2

Diwar-benn an Ejipt, diwar-benn arme Faraon Neko, roue an Ejipt, a oa e-kichen stêr Eufratez e Karkemish, hag a voe trec'het gant Nebukadnezar roue Babilon er pevare bloaz eus Jojakim mab Jozia, roue Juda:

Jeremiaz 46:6

Ra ne dec'ho ket ar skañvañ, ra ne redo ket ar c'hreñvañ! En hanternoz, war ribl stêr Eufratez, e strebotont hag e kouezhont!

Ezekiel 30:21

Mab an den, torret em eus brec'h Faraon roue an Ejipt, ha setu, n'eo ket bet bandennet evit he fareañ, n'eo ket bet paket evit hec'h eren hag he startaat, hag evit ma c'hellfe kregiñ ar c'hleze.

Ezekiel 30:22

Setu perak evel-henn e komz an Aotrou AOTROU: Setu em eus droug ouzh Faraon roue an Ejipt, hag e torrin dezhañ e zivrec'h, an hini yac'h hag an hini dorret, hag e lakain ar c'hleze da gouezhañ eus e dorn.

Niveroù 34:5

eus Azmon, an harz a droio war-zu froud an Ejipt, hag a yelo d'ar mor.

Jozue 15:4

hag e tremene dre Azmon, hag ez ae da froud an Ejipt; dibenn an harz a oa ar mor. Hennezh e voe an harz kreisteiz.