2 Rouned 15:8 - Bibl Koad 21: Ar Bibl e Brezhoneg evit ar Vretoned

⁸ En eizhvet bloaz ha tregont eus Azaria roue Juda, e teuas Zakaria mab Jeroboam da roue war Israel e Samaria, evit c'hwec'h miz.

2 Rouned 15:8 Iomraidhean Croise

2 Rouned 10:30

An AOTROU a lavaras da Jehu: Dre ma ec'h eus graet ar pezh a zo reizh dirazon, ha ma ec'h eus graet da di Akab kement am boa em c'halon, da vibien a vo azezet war dron Israel betek ar pevare rumm.

2 Rouned 14:21

Neuze holl bobl Juda a gemeras Azaria, a oa oadet a c'hwezek vloaz, hag en lakajont da roue e-lec'h Amazia e dad.

2 Rouned 14:29

Jeroboam a c'hourvezas gant e dadoù, gant rouaned Israel. Ha Zakaria e vab a renas en e lec'h.

2 Rouned 15:1

Er seizhvet bloaz warn-ugent eus Jeroboam roue Israel, e teuas Azaria mab Amazia da roue war Juda.

2 Rouned 15:13

Shallum mab Jabez a zeuas da roue en navet bloaz ha tregont eus Ozia roue Juda, hag e renas ur miz e Samaria.

2 Rouned 15:17

En navet bloaz eus Azaria roue Juda, e teuas Menahem mab Gadi da roue war Israel, evit dek vloaz e Samaria.

2 Rouned 15:23

En hanterkantvet bloaz eus Azaria roue Juda, e teuas Pekakia da roue war Israel e Samaria, evit daou vloaz.

2 Rouned 15:7

Azaria a c'hourvezas gant e dadoù, hag e voe sebeliet gant e dadoù e kêr David. Ha Jotam e vab a renas en e lec'h.

2 Rouned 15:9

Ober a reas ar pezh a zo fall dirak daoulagad an AOTROU, evel m'o doa graet e dadoù, ne zistroas ket diouzh holl bec'hedoù Jeroboam mab Nebad, en doa lakaet Israel da bec'hiñ drezo.

Krennlavarioù 28:2

En abeg da zisentidigezh ar vro ez eus meur a vestr, met ar gouarnamant a zo startaet gant un den fur ha skiantek.

Ozea 1:4

An AOTROU a lavaras dezhañ: Galv e anv Jizreel, rak bremaik e kastizin ti Jehu evit gwad Jizreel skuilhet, hag e lakain da baouez rouantelezh ti Israel.

Amoz 7:9

Lec'hioù uhel Izaak a vo gwasted, santualioù Israel a vo distrujet, hag e savin a-enep ti Jeroboam gant ar c'hleze.