2 Rouned 11:12 - Bibl Koad 21: Ar Bibl e Brezhoneg evit ar Vretoned

¹² Neuze e lakaas da zont er-maez mab ar roue, hag e lakaas warnañ ar gurunenn hag an Testeni. Ober a rejont anezhañ roue, hag ec'h olevjont anezhañ, hag o stlakañ o daouarn, e lavarjont: Ra vevo ar roue!

2 Rouned 11:12 Iomraidhean Croise

2 Samuel 1:10

Tostaet em eus eta outañ, hag e lakaet em eus d'ar marv, peogwir e ouien ne vevje ket goude bezañ kouezhet evel-se. Neuze em eus kemeret ar gurunenn a oa war e benn hag an dro-vrec'h a oa ouzh e vrec'h, hag em eus o degaset amañ da'm aotrou.

2 Samuel 12:30

Kemer a reas kurunenn o roue diwar e benn, hag e poueze un talant aour, hag e oa enni mein prizius. Lakaet e voe war benn David, a gasas gantañ eus kêr un diwisk bras-meurbet.

2 Samuel 16:16

Pa voe erruet Hushai an Arkiad, mignon David, da gavout Absalom, Hushai a lavaras da Absalom: Ra vevo ar roue! Ra vevo ar roue!

2 Samuel 2:4

Tud Juda a zeuas da oleviñ eno David da roue war di Juda. Hag e voe kaset ur c'heloù da Zavid o lavarout: Tud Jabez Galaad o deus sebeliet Saül.

2 Samuel 2:7

Bremañ eta ra en em greñvaio ho taouarn, ha bezit tud kadarn. Rak Saül hoc'h aotrou a zo marv, ha ti Juda en deus va olevet da roue warnañ.

2 Samuel 5:3

Holl henaourien Israel a zeuas eta etrezek ar roue da Hebron, ha David a reas ganto un emglev en Hebron dirak an AOTROU. Hag ec'h olevjont David da roue war Israel.

1 Rouaned 1:25

Rak diskennet eo hiziv, lazhet en deus ejened, leueoù lart ha deñved e-leizh, ha pedet en deus holl vibien ar roue, pennoù an arme, hag an aberzhour Abiatar. Ha setu, emaint e tebriñ hag oc'h evañ dirazañ, hag e lavaront: Ra vevo ar roue Adonija!

1 Rouaned 1:34

Ra vo olevet eno gant an aberzhour Zadok hag ar profed Natan, da roue war Israel. Hag e sonot gant ar shofar hag e lavarot: Ra vevo ar roue Salomon!

1 Rouaned 1:39

An aberzhour Zadok a gemeras eus an deltenn korn an eoul, hag ec'h olevas Salomon. Hag e sonjont gant ar shofar, hag an holl bobl a lavaras: Ra vevo ar roue Salomon!

1 Rouaned 2:44

Hag ar roue a lavaras da Shimei: Gouzout a rez an holl zroug ac'h eus graet da Zavid va zad, gouzout a rez kement-se ez kalon, setu perak an AOTROU a ra da'z trougiezh kouezhañ war da benn.

2 Rouned 11:11

Ar rederien en em renkas tost ouzh ar roue, tro-dro, pep hini o terc'hel e armoù en e zaouarn, adalek tu dehou an templ betek tu kleiz an templ, a-hed an aoter hag an templ.

2 Rouned 11:2

Met Josheba, merc'h ar roue Joram, c'hoar Akazia, a gemeras Joaz mab Akazia, hag e laeras anezhañ a-douez mibien ar roue a lakaed d'ar marv, hag e kuzhas anezhañ ouzh daoulagad Atalia, eñ gant e vagerez, e sal ar gweleoù, ha ne voe ket lakaet d'ar marv.

2 Rouned 11:4

D'ar seizhvet bloaz, Jehojada a gasas da gerc'hat ar pennoù a gantoù, an ofiserien hag ar rederien, hag o lakaas da zont d'e gavout e ti an AOTROU. Hag e reas emglev ganto, hag e reas dezho touiñ le e ti an AOTROU, hag e tiskouezas dezho mab ar roue.

2 Rouned 9:13

Neuze e kemerjont a-hast pep hini e wiskamant, a lakajont dindanañ war uhel an diri, ha seniñ a rejont ar shofar en ur lavarout: Jehu a zo roue!

2 Rouned 9:3

Kemer a ri ar vuredad eoul, a skuilhi war e benn en ur lavarout: Evel-henn e komz an AOTROU: Da oleviñ a ran da roue war Israel! Goude e tigori an nor hag e tec'hi hep gortoz.

2 Danevelloù 23:11

Neuze e lakajont da zont er-maez mab ar roue, hag e lakajont warnañ ar gurunenn hag an Testeni, hag e rejont anezhañ roue. Jehojada hag e vibien a olevas anezhañ hag a lavaras: Ra vevo ar roue!

Ester 2:17

Ar roue a garas Ester muioc'h eget an holl wragez, hi a gavas gras ha madelezh dirazañ muioc'h eget an holl werc'hezed. Lakaat a reas ar gurunenn roueel war he fenn, hag e reas anezhi rouaned e-lec'h Vasti.

Ester 6:8

ra vo degaset dezhañ dilhad roueel en deus gwisket ar roue, hag ur marc'h en deus aet ar roue warnañ, ra vo lakaet ur gurunenn roueel war e benn,

Salmoù 132:18

Goleiñ a rin a vezh e enebourien, ha warnañ e lugerno e dalgen.

Salmoù 21:3

Roet ec'h eus dezhañ c'hoant e galon, ha ne'c'h eus ket taolet kuit pedenn e vuzelloù.  Ehan

Salmoù 21:4

Diaraoget ec'h eus anezhañ gant bennozhioù mat, lakaet ec'h eus war e benn ur gurunenn aour fin.

Salmoù 47:1

D'ar mestr-kaner; salm mibien Kora.

Salmoù 78:5

Diazezet en deus un testeni e Jakob. Lakaet en deus ul lezenn en Israel, a urzhias d'hon tadoù kelenn d'o mibien,

Salmoù 89:39

Met ec'h eus distaolet ha disprizet, kounnaret out bet a-enep da Olevad.

Salmoù 98:8

Ra stlako ar stêrioù o daouarn, ra gano ar menezioù gant levenez dirak an AOTROU!

Ermaeziadeg 25:16

Lakaat a ri en arc'h an Testeni a roin dit.

Ermaeziadeg 31:18

Pa en deus echuet Doue da gomz gant Moizez war Venez Sinai, e roas dezhañ div daolenn an Testeni, taolennoù maen skrivet gant biz Doue.

Izaia 55:12

Mont a reot er-maez gant levenez, hag e viot degaset e peoc'h. Ar menezioù hag ar c'hrec'hioù a laosko kriadennoù a levenez dirazoc'h, hag holl wez ar parkeier a stlako o daouarn.

Izaia 8:16

Golo an testeni-se, siell al lezenn-se e-touez va diskibien.

Izaia 8:20

D'al lezenn ha d'an testeni! Ma ne lavaront ket hervez ar gomz-se, gouloù-deiz ebet evito!

Klemmganoù 4:20

C'hwezh hor fri, olevad an AOTROU, a zo bet tapet en o foulloù, hag e lavaremp diwar e benn: En e skeud e vevimp e-touez ar broadoù.

Daniel 3:9

Komz a rejont ouzh ar roue Nebukadnezar, o lavarout: O roue, ra vevi da viken!

Daniel 6:21

Daniel a lavaras d'ar roue: O roue, ra vevi da viken!

Mazhev 21:9

Ar re a gerzhe a-raok hag ar re a heulie a grie: Hozanna da Vab David! Benniget ra vo an hini a zeu en anv an Aotrou! Hozanna el lec’hioù uhel meurbet!

Mazhev 27:29

O vezañ gweet ur gurunenn spern, e lakajont anezhi war e benn, gant ur gorzenn en e zorn dehou, hag, o plegañ o glin dirazañ, e raent goap anezhañ o lavarout: Salud, Roue ar Yuzevien!

Actou an Ebestel 4:27

Rak Herodez ha Poñs-Pilat, gant ar broadoù ha pobl Israel, a zo en em unanet er gêr-mañ a-enep da’z servijer santel Jezuz, an hini ac’h eus olevet

2 Korintiz 1:21

An hini en deus hon nerzhet ganeoc’h e Krist hag en deus hon olevet eo Doue,

Hebreed 1:9

karet ec’h eus ar reizhder ha kasaet an direizhder, dre-se, o Doue, da Zoue en deus da olevet gant un eoul a levenez dreist da genseurted.

Hebreed 2:9

Met gwelout a reomp Jezuz kurunet gant gloar hag enor; graet eo bet un nebeud izeloc’h eget an aeled dre ar marv en deus gouzañvet, evit dre c’hras Doue ma anavezje ar marv evit an holl.

Apocalyps 19:12

E zaoulagad a zo evel ur flamm-tan, war e benn ez eus meur a gurunenn. Bez’ en deus un anv a zo bet skrivet ha den n’anavez anezhañ nemet e-unan.

1 Samuel 10:1

Samuel a gemeras ur vured eoul, a skuilhas war benn Saül, hag e pokas dezhañ, hag e lavaras: An AOTROU , ha n'en deus ket da olevet evit bezañ rener war e hêrezh?

1 Samuel 10:24

Samuel a lavaras d'an holl bobl: Hag e welit an hini en deus dibabet an AOTROU? N'eus den ebet e-touez an holl bobl a vefe heñvel outañ. Hag an holl bobl a laoskas kriadennoù a levenez o lavarout: Ra vevo ar roue!

1 Samuel 16:13

Neuze Samuel a gemeras ar c'horn eoul hag a olevas anezhañ e-touez e vreudeur. Hag adalek an deiz-se e krogas Spered an AOTROU en David. Ha Samuel a savas hag a yeas da Rama.