2 Rouned 10:6 - Bibl Koad 21: Ar Bibl e Brezhoneg evit ar Vretoned

⁶ Skrivañ a reas dezho un eil lizher da lavarout: Mard oc'h evidon, mar sentit ouzh va mouezh, kemerit pennoù mibien ho mestr ha deuit da'm c'havout warc'hoazh d'an eur-mañ, da Jizreel. Mibien ar roue, dek ha tri-ugent anezho, a oa e ti ar re vras a save anezho.

2 Rouned 10:6 Iomraidhean Croise

2 Rouned 10:5

Penn an ti, penn ar gêr, an henaourien, ha gouarnerien ar vibien a gasas da lavarout da Jehu: Ni a zo da servijerien, hag e raimp kement a lavari deomp. Ne lakaimp den da roue. Gra ar pezh a gavi mat.

2 Rouned 10:7

Kerkent ha ma oa al lizher deuet dezho, e kemerjont mibien ar roue, hag e lazhjont an dek ha tri-ugent den-se. O vezañ lakaet o fennoù e paneroù, e kasjont anezho dezhañ da Jizreel.

2 Rouned 10:9

Da vintin ez eas er-maez, hag en em zalc'has dirak ar bobl en ur lavarout: Reizh oc'h! Setu em eus en em savet a-enep va mestr hag em eus e lazhet. Met piv en deus lazhet ar re-mañ?

2 Rouned 9:32

Hag e savas e zremm etrezek ar prenestr, hag e lavaras: Piv a zo ganin? Piv? Daou pe tri spazhad a sellas outañ.

Levr Job 21:19

Hag e vir Doue ar boan evit mibien an den fall? Ra baeo anezhañ e-unan evit ma ouezo!

Niveroù 25:4

An AOTROU a lavaras da Voizez: Kemer holl bennoù ar bobl ha kroug dirak an AOTROU, a-dal d'an heol, evit ma tistroio gwrez kounnar an AOTROU diouzh Israel.

Mazhev 12:30

An hini n’emañ ket ganin a zo a-enep din, hag an hini na zastum ket ganin a stlabez.

Sant Lucas 9:50

Jezuz a lavaras dezhañ: Na zifennit ket outañ, rak an hini n’emañ ket a-enep deomp a zo evidomp.

Adlezenn 5:9

ne stoui ket dirazo ha ne serviji ket anezho, rak me eo an AOTROU da Zoue, un Doue gwarizius a gastiz direizhder an tadoù war ar vugale betek an trede hag ar pevare rumm eus ar re a gasa ac'hanon,