2 Korintiz 7:4 - Bibl Koad 21: Ar Bibl e Brezhoneg evit ar Vretoned

⁴ Komz a ran ouzhoc’h gant kalz a hardizhegezh, ul lec’h mat am eus da dennañ gloar ac’hanoc’h, leuniet on a frealz, karget on a levenez e-kreiz hon holl c’hlac’haroù.

Testamant Nevez 1897 (Jenkins)

⁴ Komz a ran ouzoc’h gant kalz a hardiegez; kalz a leac’h em euz d’en em c’hlorifia abalamour deoc’h; leun oun a gonsolation; karget a joa em holl afflictionou.

2 Korintiz 7:4 Iomraidhean Croise

Actou an Ebestel 5:41

Int eta en em dennas a-zirak ar sanedrin, leuniet a levenez da vezañ bet kavet dellezek da c’houzañv dismegañs evit e anv.

Romaned 5:3

N’eo ket e kement-se hepken, met e kavomp gloar ivez er glac’haroù, o c’houzout penaos ar glac’har a zegas an dalc’husted,

1 Korintiz 1:4

Trugarekaat a ran va Doue dalc’hmat evidoc’h, abalamour d’ar c’hras en deus Doue roet deoc’h e Jezuz-Krist,

2 Korintiz 1:14

evel ma hoc’h eus ivez anzavet un tamm ez omp ho kloar, hag evel ma viot ivez hon hini e deiz an Aotrou Jezuz.

2 Korintiz 1:4

hor frealziñ a ra en hon holl c’hlac’haroù, evit ma c’hellimp frealziñ ar re holl a zo en ur glac’har bennak dre ar frealz a resevomp hon-unan digant Doue.

2 Korintiz 10:8

Pa dennfen gloar muioc’h c’hoazh eus ar galloud en deus an Aotrou roet deomp evit kenteliañ ha nann evit ho tistrujañ, ne’m bo mezh ebet a gement-se,

2 Korintiz 11:21

Mezh am eus o lavarout-se, ni a zo bet dinerzh. Koulskoude, e komzan gant follentez, kement tra a c’hell unan all krediñ ober, me a gred ivez henn ober.

2 Korintiz 2:14

Grasoù ra vo roet da Zoue, dre ma laka ac’hanomp atav da drec’hiñ e Krist hag e skuilh drezomp c’hwezh-vat e anaoudegezh e pep lec’h.

2 Korintiz 3:12

O kaout eta un hevelep esperañs, en em renomp gant ul librentez vras,

2 Korintiz 7:14

Mar em eus tennet gloar ac’hanoc’h dirazañ en un dra bennak, n’em eus ket bet mezh a-se, met evel ma hon eus lavaret an holl draoù gant gwirionez, ar pezh hon eus tennet gloar anezhañ dirak Tit a zo en em gavet gwir.

2 Korintiz 8:24

Roit eta dezho, dirak an Ilizoù, prouennoù eus ho karantez hag eus al lec’h hon eus da dennañ gloar ac’hanoc’h.

Filipiz 1:14

hag an darn vrasañ eus ar vreudeur en Aotrou, o kemer kalon em ereoù, a gred disklêriañ ar ger gant muioc’h a hardizhegezh hag hep aon.

Filipiz 1:20

hervez va gortoz start ha va esperañs, penaos ne’m bo mezhegezh e netra, met penaos en holl fiziañs e vo rentet gloar da Grist em c’horf c’hoazh bremañ evel bepred, pe dre va buhez pe dre va marv.

Filipiz 1:26

evit m’ho po ennon, dre va distro en ho touez, ul lec’h d’en em veuliñ gant leunder e Jezuz-Krist.

Filipiz 2:17

Ha zoken ma’z on skuilhet war an aberzh hag ar servij eus ho feiz, em eus levenez a gement-se, hag en em laouenaan ganeoc’h holl.

Koloseiz 1:24

En em laouenaat a ran bremañ em poanioù evidoc’h, hag e peurechuan em c’hig da c’houzañv an dilerc’h eus poanioù Krist evit e gorf hag a zo an Iliz,

1 Tesalonikiz 2:19

Rak petra eo hon esperañs, hol levenez, hor c’hurunenn a c’hloar? Ha n’eo ket c’hwi, dirak hon Aotrou Jezuz-Krist en e zonedigezh?

1 Tesalonikiz 2:2

Petra bennak ma hor boa gouzañvet poanioù diagent ha resevet dismegañsoù e Filipi, evel ma ouzoc’h, hon eus kemeret hardizhegezh en hon Doue evit prezeg deoc’h Aviel Doue e-kreiz stourmoù bras.

2 Tesalonikiz 1:4

en hevelep doare ma tennomp gloar ac’hanoc’h en Ilizoù Doue, abalamour d’ho pasianted ha d’ho feiz en hoc’h holl heskinoù hag er c’hlac’haroù a c’houzañvit,

Filemon 1:7

Rak, va breur, da garantez he deus roet deomp ul levenez vras hag ur frealz mat, dre ma ec’h eus laouenaet kalonoù ar sent.

S. Jakes 1:2

Va breudeur, sellit evel ul levenez vras an temptadurioù a bep seurt en em gav ganeoc’h,