2 Korintiz 7:3 - Bibl Koad 21: Ar Bibl e Brezhoneg evit ar Vretoned

³ Ne lavaran ket kement-mañ evit ho kondaoniñ, rak dija em eus lavaret ez oc’h en hor c’halonoù evit mervel asambles hag evit bevañ asambles.

Testamant Nevez 1897 (Jenkins)

³ Na lavaran ket an dra‐man evit ho condaoni; rag lavaret em euz dija penaos emoc’h en hor c’halonou, evit mervel assambles hag evit beva assambles.

2 Korintiz 7:3 Iomraidhean Croise

2 Korintiz 11:11

Perak? Dre ma n’ho karan ket? Doue a oar.

2 Korintiz 12:15

Me a zispigno a galon-vat hag en em zispigno c’hoazh va-unan evit hoc’h eneoù, petra bennak ma vin karet nebeutoc’h, o karout ac’hanoc’h gant kement a garantez.

2 Korintiz 13:10

Setu perak e skrivan an traoù-mañ o vezañ ezvezant, evit pa vin bezant, na’m bo ket da vezañ garv ganeoc’h, hervez ar galloud en deus an Aotrou roet din evit kenteliañ ha nann evit distrujañ.

2 Korintiz 3:2

C’hwi eo hol lizher, skrivet en hor c’halonoù, anavezet ha lennet gant an holl dud.

2 Korintiz 7:12

Evel-se pa em eus skrivet deoc’h, ne oa ket abalamour d’an hini en doa graet an droug nag abalamour d’an hini a oa bet graet dezhañ, met evit reiñ da anavezout deoc’h ar preder hon eus evidoc’h dirak Doue.

Filipiz 1:7

Reizh eo em befe ar menozioù-se ac’hanoc’h holl, rak me am eus ac’hanoc’h holl em c’halon, c’hwi kenlodeien ganin er c’hras, hag em ereoù hag e difenn an Aviel hag o startaat anezhañ.

1 Tesalonikiz 2:8

evel-se, leun a evezh evidoc’h, hor bije karet reiñ deoc’h nann hepken Aviel Doue, met ivez hor buhez hon-unan, rak hor boa evidoc’h ur garantez vras.