2 Danevelloù 22:9 - Bibl Koad 21: Ar Bibl e Brezhoneg evit ar Vretoned

⁹ Klask a reas Akazia, a oa kuzhet e Samaria. Tapet e voe ha degaset etrezek Jehu, hag e voe lakaet d'ar marv. Hag e voe sebeliet, rak lavaret e voe: Mab Jozafad eo, an hini en deus klasket AOTROU eus kreiz e galon. Ha ne voe den ken eus ti Akazia a vefe gouest da ren.

2 Danevelloù 22:9 Iomraidhean Croise

1 Rouaned 13:21

hag e krias d'an den Doue deuet eus Juda o lavarout: Evel-henn e komz an AOTROU: Dre ma'z out bet disent ouzh urzh an AOTROU, ha ma ne'c'h eus ket miret an urzh en doa roet dit an AOTROU da Zoue,

1 Rouaned 14:13

Holl Israel a zougo kañv dezhañ hag e vo sebeliet. Eñ hepken a-douez ti Jeroboam a yelo en ur bez, rak an AOTROU Doue Israel en deus kavet un dra bennak a vat ennañ hepken a-douez ti Jeroboam.

2 Rouned 9:34

O vezañ aet e-barzh, e tebras hag ec'h evas, hag e lavaras: Kit da welout bremañ ar villigadenn-se, ha sebeilhit-hi, rak merc'h ur roue eo.

2 Danevelloù 19:3

Koulskoude traoù mat a vez kavet ennout, rak lamet ec'h eus an Asheraoù, hag out en em staget ez kalon da glask Doue.

2 Danevelloù 21:17

Pignat a rejont eta a-enep Juda, ec'h argadjont hag e preizhjont an holl binvidigezhioù en em gave e ti ar roue, hag e tegasjont ivez e vibien hag e wragez, en doare ma ne chomas mab ebet gantañ, nemet Joakaz, an hini yaouankañ eus e vibien.

2 Danevelloù 21:20

Daou vloaz ha tregont e oa a pa zeuas da roue, hag e renas eizh vloaz e Jeruzalem. Mont a reas kuit hep ma voe keuz dezhañ, hag e voe sebeliet e kêr David, met nann e bezioù ar rouaned.

2 Danevelloù 21:4

Pa voe savet Joram war rouantelezh e dad, ha ma voe kreñv, e lazhas gant ar c'hleze e holl vreudeur hag hiniennoù eus pennoù Israel.

2 Danevelloù 22:8

Evel ma sevene Jehu ar varnedigezh war di Akab, e kavas pennoù Juda ha mibien breudeur Akazia a oa e servij Akazia, hag e lazhas anezho.

2 Danevelloù 24:25

Pa voent pellaet dioutañ, goude bezañ e lezet e poanioù bras, e servijerien a iriennas a-enep dezhañ, en abeg da wad mibien an aberzhour Jehojada, hag e lazhjont anezhañ war e wele, hag e varvas. Sebeliet e voe e kêr David, met ne voe ket sebeliet e bezioù ar rouaned.

2 Danevelloù 25:27

Adalek ar mare ma tistroas Amazia a-ziouzh an AOTROU, e voe graet un irienn a-enep dezhañ e Jeruzalem, hag e tec'has da Lakish. Met kaset e voe war e lerc'h da Lakish, hag e voe lazhet eno.

2 Danevelloù 33:24

E servijerien a iriennas a-enep dezhañ, hag a lakaas anezhañ d'ar marv en e di.

Jeremiaz 29:13

Va c'hlask a reot, hag em c'havot, dre ma klaskot ac'hanon a-greiz-kalon.