2 Danevelloù 16:9 - Bibl Koad 21: Ar Bibl e Brezhoneg evit ar Vretoned

⁹ Rak daoulagad an AOTROU a astenn o sell war an holl zouar, evit kreñvaat a re a zo o c'halon a-grenn dezhañ. Graet ec'h eus evel un den diskiant diwar-benn kement-se, hag ez po brezelioù en amzer da zont.

2 Danevelloù 16:9 Iomraidhean Croise

1 Pêr 3:12

rak daoulagad an Aotrou a zo war ar re reizh hag e zivskouarn a zo evezhius d’o fedennoù, met dremm an Aotrou a zo a-enep ar re a ra an droug.

Krennlavarioù 15:3

Daoulagad an AOTROU a zo en holl lec'hioù, eveshaat a ra ouzh ar re zrouk hag ouzh ar re vat.

Jeremiaz 16:17

Rak va daoulagad a zo war o holl hentoù; n'int ket kuzhet ouzhin, hag o direizhder n'eo ket goloet a-zirak va daoulagad.

Krennlavarioù 5:21

Rak hentoù an den a zo dirak daoulagad an AOTROU, hag e pouezata e holl bazioù.

Salmoù 34:15

Distro diouzh an droug ha gra ar mad, klask ar peoc'h hag heuilh anezhañ.

Levr Job 34:21

Rak daoulagad Doue a zo war hentoù pep den, hag e sell ouzh e holl gammedoù.

Hebreed 4:13

N’eus krouadur ebet hag a vefe kuzhet dirazañ, met an holl draoù a zo en noazh ha dizolo da zaoulagad an hini e tleomp rentañ kont dezhañ.

Zakaria 4:10

Rak piv eo en deus disprizet amzer an deroù bihan? Laouen e vint o welout ar gordenn-vuzuliañ e dorn Zorobabel. Ar seizh-se a zo lagadoù an AOTROU oc'h ergerzhout an douar holl.

Jeremiaz 32:19

bras e kuzul, nerzhus e burzhudoù, da zaoulagad a zo digor war holl hentoù mibien an dud, evit reiñ da bep hini hervez e hentoù hag hervez frouezh e oberoù.

2 Danevelloù 6:20

Ra vo da zaoulagad digor, deiz ha noz, war an ti-mañ, war al lec'h ma ec'h eus lavaret e vefe lakaet da anv e-barzh. Selaou ar bedenn a ra da servijer dit el lec'h-mañ.

Salmoù 113:6

sellout a ra d'an traoñ ouzh an neñv hag ouzh an douar,

Salmoù 37:37

Evesha an den eeun, sell ouzh an den reizh, rak bez' ez eus un dazont evit an den a beoc'h.

Galated 3:1

O Galated diskiant! Piv en deus ho strobinellet evit na sentfec’h ken ouzh ar wirionez, c’hwi hag a zo bet diskouezet Jezuz-Krist ken sklaer dirak ho taoulagad evel kroazstaget ennoc’h?

Sant Lucas 12:20

Met Doue a lavaras dezhañ: Den diskiant! En noz-mañ memes, da ene a vo goulennet diganit. Ar pezh ac’h eus dastumet, da biv e vo?

1 Danevelloù 21:8

Ha David a lavaras da Zoue: Graet em eus ur pec'hed bras oc'h ober an dra-se. Ha bremañ, me az ped, lam direizhder da servijer, rak ent-diskiant em eus en em renet.

2 Rouned 20:3

hag e lavaras: O AOTROU, az pez soñj em eus kerzhet dirak da zremm gant fealded hag eeunded a galon, hag em eus graet ar pezh a zo dereat da'z taoulagad! Hag Ezekiaz a skuilhas daeroù e-leizh.

1 Samuel 13:13

Neuze Samuel a lavaras da Saül: Graet ec'h eus follentez, ne'c'h eus ket miret ar gourc'hemenn en deus roet dit an AOTROU da Zoue. Rak an AOTROU en dije bremañ startaet da ren war Israel da viken.

1 Rouaned 15:32

Ha brezel a voe etre Asa ha Baesha roue Israel, e-pad holl amzer o buhez.

1 Korintiz 15:36

Diskiant! Ar pezh a hadez ne zeu ket da vezañ bev ma ne varv ket.

2 Danevelloù 15:17

Met an uhellec'hioù ne voent ket lamet kuit a-greiz Israel. Koulskoude kalon Asa a voe eeun e-pad e holl zeizioù.

Mazhev 5:22

Met me a lavar deoc’h penaos piv bennak a fuloro ouzh e vreur hep abeg a zellezo bezañ barnet, an hini a lavaro d’e vreur: Raka! a zellezo bezañ kastizet gant ar sanedrin, hag an hini a lavaro d’e vreur: Diskiant! a zellezo bezañ kastizet gant tan ar gehenn.

Jeremiaz 5:21

Selaou eta kement-mañ, pobl sot ha diboell: Daoulagad hoc'h eus ha ne welit ket, divskouarn hoc'h eus ha ne glevit ket.

2 Samuel 24:10

Met David a voe tamallet en e galon goude m'en doa niveret ar bobl, hag e lavaras David d'an AOTROU: Graet em eus ur pec'hed bras oc'h ober an dra-se, ha bremañ, o AOTROU, pardon me az ped direizhder da servijer, rak graet em eus evel un diskiant!

2 Danevelloù 16:10

Asa a voe kounnaret a-enep ar gwelour, hag e lakaas anezhañ en toull-bac'h, rak fuloret e oa en e enep diwar-benn-se. Asa a wallgasas ivez darn eus ar bobl er mare-se.

Levr Job 31:4

Ha ne wel ket va hentoù? Ha ne niver ket va holl gammedoù?

Salmoù 33:15

graet en deus o c'halonoù dezho holl, ha teurel a ra evezh ouzh o holl oberoù.

Jeremiaz 5:1

Kit da bourmen dre straedoù Jeruzalem, sellit, eveshait, klaskit war al leurennoù, mar kavit un den, unan hepken, oc'h ober ar reizhder hag o klask ar wirionez, e pardonin dezhi.

Jeremiaz 5:3

AOTROU! Ha n'eo ket ouzh ar wirionez e sell da zaoulagad? Skoet ec'h eus warno, ha n'o deus poan ebet. Kuzumiñ a rez anezho, ha ne fell ket dezho degemer ar gentel. Kaledet o deus o dremm muioc'h eget ur roc'h, ha nac'het o deus distreiñ.

Geneliezh 31:28

Ne'c'h eus ket va lezet da bokat da'm mibien na da'm merc'hed! Graet ec'h eus kement-se gant follentez.

2 Danevelloù 15:19

Ne voe brezel ebet betek ar pempvet bloaz ha tregont eus ren Asa.

2 Danevelloù 19:9

Hag e roas urzhioù dezho, o lavarout: Ober a reot gant doujañs an AOTROU, gant fealded hag eeunder a galon.

Ezdra 5:5

Met lagad Doue a oa war henaourien ar Yuzevien, ha ne voe ket graet dezho paouez, betek ma voe kaset an afer dirak Dariuz, ha ma voe skrivet dezho war gement-se.

Levr Job 28:24

Rak sellout a ra betek harzoù ar bed, gwelout a ra dindan an holl neñvoù.

Salmoù 33:14

Eus e chomlec'h ec'h evesha holl dud a zo war an douar,

Salmoù 33:18

Setu, lagad an AOTROU a zo war ar re a zouj anezhañ, war ar re a zo en gortoz d'e vadelezh,

Izaia 31:1

Gwalleur d'ar re a ziskenn en Ejipt da glask sikour, d'ar re en em harp war gezeg, d'ar re a laka o fiziañs er c'hirri dre ma'z int kalz, hag er varc'hegerien dre ma'z int nerzhus, d'ar re na sellont ket ouzh Sant Israel ha na glaskont ket an AOTROU.