2 Danevelloù 13:9 - Bibl Koad 21: Ar Bibl e Brezhoneg evit ar Vretoned

⁹ Ha n'hoc'h eus ket kaset kuit aberzhourien an AOTROU, mibien Aaron, hag al Levited? Ha n'hoc'h eus ket graet deoc'h aberzhourien evel pobloù ar broadoù? Pep hini a zo deuet evit bezañ kensakret gant ur c'hole yaouank ha seizh tourz, a zo deuet da vezañ aberzhour d'ar pezh n'eo ket Doue.

2 Danevelloù 13:9 Iomraidhean Croise

1 Rouaned 13:33

Koulskoude Jeroboam ne zistroas ket diouzh e hent fall, met a-nevez e lakaas da aberzhourien evit an uhellec'hioù tud a-douez an holl bobl. Lakaat a rae da aberzhour eus an uhellec'hioù an hini a felle dezhañ.

2 Rouned 19:18

ha taolet en tan o doueoù, rak ne oant ket doueoù, met oberennoù daouarn an dud, koad ha mein. Setu perak o deus o distrujet.

1 Danevelloù 29:5

an aour evit ar pezh a vo en aour, an arc'hant evit ar pezh a vo en arc'hant, evit pep labour a vo graet dre zaouarn ar vicherourien. Piv a fell dezhañ kinnig hiziv profoù a-youl-vat d'an AOTROU?

2 Danevelloù 13:10

Evidomp-ni, an AOTROU eo hon Doue, ha n'hon eus ket e zilezet. An aberzhourien a ra servij an AOTROU a zo mibien Aaron, hag al Levited a zo gant o labour,

2 Danevelloù 29:31

Ezekiaz a gomzas o lavarout: Bremañ hoc'h eus kensakret ho taouarn d'an AOTROU, tostait, degasit an aberzhoù hag aberzhoù a veuleudi da di an AOTROU. Hag ar vodadenn a zegasas an aberzhoù hag aberzhoù a veuleudi, hag an holl re o doa ur galon a-youl-vat a ginnigas loskaberzhoù.

Ermaeziadeg 29:1

Setu amañ ar pezh a ri dezho evit o santelaat, evit ma servijint ac'hanon evel aberzhourien. Kemer ur c'hole yaouank, daou dourz disi,

Ermaeziadeg 29:29

Gwiskamantoù santel Aaron a vo d'e vibien war e lerc'h, evit ma vint olevet ha gouestlet enno.

Ermaeziadeg 29:35

Ober a ri evel-se evit Aaron hag evit e vibien, hervez ar pezh am eus gourc'hemennet dit. O gouestlañ a ri e-pad seizh devezh.

Ermaeziadeg 32:29

Moizez a lavaras: Gouestlit hiziv ho taouarn d'an AOTROU pep hini ac'hanoc'h, zoken e priz e vab pe e vreur, evit tennañ hiziv warnoc'h ar vennozh.

Jeremiaz 2:11

Hag ez eus ur vroad hag he defe kemmet he doueoù? Ha koulskoude n'int ket doueoù. Va fobl he deus eskemmet he gloar evit ar pezh a zo didalvez.

Jeremiaz 5:7

Perak e pardonin dit? Da vibien o deus va dilezet, hag e touont dre ar pezh n'eo ket doue. Me am eus roet dezho o gwalc'h, hag o deus graet avoultriezh, aet int a-vernioù da di ar c'hast.

Ozea 8:6

Rak dont a ra eus Israel. Ur micherour en deus e c'hraet, n'eo ket Doue, setu perak e vo lakaet a-dammoù leue Samaria.

Leviegezh 16:32

An aberzhour olevet, gouestlet evit ar servij evel aberzhour war-lerc’h e dad, eo an hini a raio an dic’haou. Gwiskañ a raio an dilhadoù lin, ar gwiskamantoù santel.

Leviegezh 8:2

Kemer Aaron hag e vibien gantañ, ar gwiskamantoù, eoul an oleviadur, ar c’hole evit an aberzh-dic’haouiñ, an daou dourz ha paner ar bara hep goell,

Actou an Ebestel 19:26

hag e welit hag e klevit penaos, n’eo ket en Efez hepken met kazi en Azia a-bezh, en deus ar Paol-se gounezet ha distroet kalz a dud, o lavarout n’int ket doueoù ar re a zo graet gant daouarn an dud.

Galated 4:8

Gwechall, evit gwir, dre ma n’anavezec’h ket Doue, e servijec’h doueed ha n’int ket doueed dre o natur,

Adlezenn 32:17

Aberzhet o deus da ziaouled ha n'int ket Doue, da zoueoù n'anavezent ket, nevez deuet abaoe nebeut ha ne oant ket bet doujet gant o zadoù.