1 Yann 3:13 - Bibl Koad 21: Ar Bibl e Brezhoneg evit ar Vretoned

¹³ Breudeur, na vezit ket souezhet e kasafe ar bed ac’hanoc’h.

Testamant Nevez 1897 (Jenkins)

¹³ Breudeur, na vezit ket souezet mar deu ar bed d’ho kasaad.

1 Yann 3:13 Iomraidhean Croise

Krennlavarioù 29:27

An den direizh a zo un euzhusted evit ar re reizh, hag an den eeun a zo un euzhusted evit ar re zrouk.

Ar Prezeger 5:8

Mar gwelez en ur proviñs ar paour gwasket, an eeunder hag ar reizhder gwallet, na vez ket souezhet. Rak un den a zo savet uheloc'h eget an hini a zo uhel, hag a daol evezh outañ, ha bez' ez eus reoù uheloc'h egeto c'hoazh.

Mazhev 10:22

Kasaet e viot gant an holl abalamour da’m anv, met an hini a gendalc’ho betek ar fin a vo salvet.

Mazhev 24:9

Neuze e roint ac’hanoc’h evit bezañ poaniet hag e lazhint ac’hanoc’h, hag e viot kasaet gant an holl vroadoù abalamour da’m anv.

Sant Marc 13:13

Kasaet e viot gant an holl abalamour da’m anv, met an hini a gendalc’ho betek ar fin a vo salvet.

Sant Lucas 21:17

Kasaet e viot gant an holl abalamour da’m anv.

Sant Lucas 6:22

Eürus e viot pa gasaio an dud ac’hanoc’h, pa gasint kuit ac’hanoc’h eus o zouez, pa lavarint dismegañs deoc’h ha pa daolint hoc’h anv evel fall abalamour de Vab an den,

Sant Ian 16:2

Kas a raint ac’hanoc’h kuit eus o sinagogennoù, hag an eur a zeu ma kredo piv bennak ho lakaio d’ar marv reiñ ul lid da Zoue.

Sant Ian 16:33

Lavaret em eus deoc’h an traoù-mañ evit ma ho po ar peoc’h ennon. Trubuilhoù ho po er bed, met bezit kalonek, me am eus trec’het ar bed.

Sant Ian 17:14

Roet em eus dezho da c’her hag ar bed en deus kasaet anezho, abalamour n’int ket eus ar bed, evel n’on ket va-unan eus ar bed.

Sant Ian 3:7

Na vez ket souezhet ma lavaran dit: Ret eo ma viot ganet eus an nec’h.

Sant Ian 7:7

Ar bed ne c’hell ket ho kasaat, met kasaat a ra ac’hanon, abalamour ma roan testeni anezhañ penaos eo fall e oberoù.

Actou an Ebestel 3:12

Pêr, o welout kement-se, a lavaras d’ar bobl: Tud Israel, perak oc’h souezhet a gement-mañ? Perak e virit ho taoulagad paret warnomp, evel pa vefe dre hor galloud hon-unan pe dre hon doujañs-Doue hor befe lakaet an den-mañ da gerzhout?

Romaned 8:7

rak karantez ar c’hig a zo enebiezh ouzh Doue, dre na sent ket ouzh lezenn Doue hag evit gwir ne c’hell ket henn ober.

2 Timote 3:12

Ya, kement hini a fell dezhañ bevañ hervez an doujañs-Doue e Jezuz-Krist a vo heskinet.

S. Jakes 4:4

Tud ha gwragez avoultr, ha n’ouzoc’h ket penaos karantez ar bed a zo enebiezh ouzh Doue? An neb eta a fell dezhañ bezañ mignon d’ar bed en em ra enebour da Zoue.

Apocalyps 17:7

Neuze an ael a lavaras din: Perak ez out souezhet? Me a lavaro dit mister ar wreg hag al loen a zoug anezhi, en deus seizh penn ha dek korn.