1 Samuel 17:8 - Bibl Koad 21: Ar Bibl e Brezhoneg evit ar Vretoned

⁸ En em zerc'hel a reas eta, hag e krias da vagadoù renket Israel o lavarout: Perak e teufec'h er-maez, renket evit an emgann? Ha n'on ket ur Filistin, ha c'hwi servijerien Saül? Dibabit eta un den, ha ra ziskenno a-enep din.

1 Samuel 17:8 Iomraidhean Croise

2 Samuel 11:11

Uri a respontas da Zavid: An arc'h, hag Israel ha Juda, a zo o chom dindan teltennoù; va aotrou Joab ivez ha servijerien va aotrou a gamp er parkeier, hag ez afen da'm zi, evit debriñ hag evañ ha kousket gant va gwreg? Te a zo bev, ha da ene a zo bev, ne rin ket un hevelep tra!

1 Danevelloù 21:3

Joab a respontas: Ra fello d'an AOTROU kreskiñ e bobl kant gwech kement ha ma'z eo, o roue va aotrou! Ha n'int ket holl servijerien va aotrou? Perak e klask va aotrou kement-se? Perak e vefe Israel tamallet a gement-se?

1 Samuel 17:23

Evel ma komze ganto, setu, an den anvet Goliad, ar Filistin eus Gad, en em lakaas etre an daou lu, en ur bignat er-maez eus renkoù ar Filistined. Hag e lavaras an hevelep komzoù, ha David a glevas anezho.

1 Samuel 17:26

David a gomzas gant an dud a oa gantañ hag a lavaras: Petra vo graet d'an den a lazho ar Filistin-se hag a lamo an dismegañs diwar Israel? Rak piv eo ar Filistin-se, an diamdroc'h-se, evit dismegañsiñ armeoù an Doue bev?

1 Samuel 8:17

Sevel a raio an deog diwar ho tropelloù, hag e viot e sklaved.