1 Rouaned 6:38 - Bibl Koad 21: Ar Bibl e Brezhoneg evit ar Vretoned

³⁸ hag en unnekvet bloaz, da viz Bul, a zo an eizhvet miz, an ti a voe echuet, gant e holl zalc'hoù hag hervez ma oa ret. Seizh vloaz a voe lakaet d'ober anezhañ.

1 Rouaned 6:38 Iomraidhean Croise

1 Rouaned 6:1

Salomon a savas an ti d'an AOTROU pevar c'hant pevar-ugent vloaz goude ma voe mibien Israel aet kuit eus bro Ejipt, er pevare bloaz eus ren Salomon war Israel, da viz Ziv, a zo an eil miz.

1 Rouaned 6:14

Evel-se Salomon a savas an ti hag en echuas.

1 Rouaned 6:37

Er pevare bloaz, da viz Ziv, diazezoù ti an AOTROU a voe lakaet,

1 Rouaned 6:9

Sevel a reas eta an ti hag en echuas, hag e c'holoas an ti gant plenk ha gant treustoù sedrez.

1 Rouaned 7:1

Salomon a savas ivez e di, hag ec'h echuas anezhañ a-benn trizek vloaz.

1 Rouaned 9:10

A-benn ugent vloaz, e voe savet gant Salomon an daou di, ti an AOTROU ha ti ar roue.

1 Danevelloù 28:19

Kement-se holl a zo dre skrid eus dorn an AOTROU , ha roet en deus din da gompren holl labourioù ar skouer-se.

1 Danevelloù 28:20

David a lavaras eta da Salomon: En em galoneka ha bez kreñv, ha dit da labourat; na spont ket ha na'z pez ket aon, rak an AOTROU Doue, va Doue, a vo ganit, ne zilaosko ket ac'hanout, ne zilezo ket ac'hanout, ken na vo echuet ganit an holl labour evit servij ti an AOTROU .

2 Danevelloù 8:1

Hag e c'hoarvezas, a-benn ugent vloaz, ma voe savet gant Salomon ti an AOTROU hag e di,

2 Danevelloù 8:16

Evel-se e voe kempennet holl labour Salomon, betek an deiz ma voe diazezet ti an AOTROU, ha betek ma voe echuet. Hag evel-se e voe peurc'hraet ti an AOTROU.

Ezdra 5:11

Ha respontet o deus deomp evel-henn: Ni a zo servijerien Doue an neñvoù hag an douar, hag ec'h adsavomp an ti a oa bet savet gwechall pell 'zo; ur roue bras eus Israel en doa e savet hag echuet.

Ermaeziadeg 39:32

Evel-se e voe echuet holl labour an tabernakl, teltenn an engalv. Mibien Israel a rejont evel m'en doa gourc'hemennet an AOTROU da Voizez; ober a rejont evel-se.

Ermaeziadeg 39:42

Mibien Israel o doa graet an holl labour hervez kement en doa gourc'hemennet an AOTROU da Voizez.

Ermaeziadeg 39:43

Moizez a welas an holl labour ha setu: graet o doa al labour evel m'en doa gourc'hemennet an AOTROU ; graet o doa evel-se. Ha Moizez o bennigas.

Zakaria 4:9

Daouarn Zorobabel o deus soliet an ti-mañ, hag e zaouarn a echuo anezhañ, hag e ouezi ez on bet kaset davedoc'h gant AOTROU an armeoù.

Sant Ian 2:20

Ar Yuzevien a lavaras dezhañ: C’hwec’h vloaz ha daou-ugent a zo bet ret evit sevel an templ-mañ, ha te en adsavfe e tri devezh?