1 Rouaned 22:35 - Bibl Koad 21: Ar Bibl e Brezhoneg evit ar Vretoned

³⁵ Hag en deiz-se ar stourm a voe garv. Ar roue a chomas en e garr, a-dal d'ar Siriz, hag e varvas d'an abardaez. Gwad e c'houli a redas e foñs ar c'harr.

1 Rouaned 22:35 Iomraidhean Croise

1 Rouaned 20:42

An den-mañ a lavaras: Evel-henn e komz an AOTROU: Dre ma ec'h eus lezet da vont eus da zaouarn an den am boa lakaet da verz, da vuhez a vo evit e vuhez ha da bobl evit e bobl.

1 Rouaned 22:28

Mika a respontas: Mar distroez e peoc’h, an AOTROU n'en deus ket komzet ouzhin. Hag e lavaras: Selaouit, c'hwi holl bobloù!

1 Rouaned 22:34

Neuze un den a dennas gant e wareg dre zegouezh, hag e tizhas roue Israel etre ar juntoù hag an hobregon. Ar roue a lavaras d'an hini a rene e garr: Distro ha kas ac'hanon er-maez eus an emgannlec'h, rak gloazet on.

1 Rouaned 22:36

Evel ma kuzhe an heol, ar griadenn-mañ a dremene er renkoù: Pep hini d'e gêr, ha pep hini d'e vro.

2 Rouned 9:24

Jehu a grogas en e wareg hag a skoas ouzh Joram etre e zivskoaz, e doare ma treuzas ar bir e galon dezhañ, hag e kouezhas war e zaoulin en e garr.

Ar Varnerien 9:55

Tud Israel, o welout e oa marvet Abimelek, a yeas pep hini d'e di.