1 Rouaned 20:30 - Bibl Koad 21: Ar Bibl e Brezhoneg evit ar Vretoned

³⁰ An nemorant a dec'has da gêr Afek, e-lec'h ma kouezhas ar voger war seizh mil den warn-ugent a oa manet eno. Ben-Hadad ivez a dec'has hag a yeas da gêr, e-lec'h ma kuzhas a gambr da gambr.

1 Rouaned 20:30 Iomraidhean Croise

2 Samuel 18:8

An emgann en em astennas dre an holl vro, hag en deiz-se ar goadeg a zebras muioc'h a dud eget na zebras ar c'hleze.

1 Rouaned 20:10

Ben-Hadad a gasas da lavarout dezhañ: Ra raio an doueoù din hervez o brasañ rustoni, ma vefe a-walc'h a boultr e Samaria evit leuniañ boz dorn an holl bobl a zeu war va lerc'h.

1 Rouaned 20:20

Pep hini anezho a skoas war e zen, hag ar Siriz a dec'has, hag Israel a redas war o lerc'h. Ben-Hadad roue Siria a dec'has war ur marc'h, gant marc'hegerien.

1 Rouaned 20:26

Ur bloaz goude, Ben-Hadad a niveras ar Siriz hag a bignas da Afek, evit stourm a-enep Israel.

1 Rouaned 20:29

E-pad seizh devezh e chomjont o kampiñ an eil a-dal d'egile, met d'ar seizhvet deiz e krogas an emgann. Mibien Israel a skoas en un devezh war gant mil troadeg e-touez ar Siriz.

1 Rouaned 22:25

Mika a respontas: Kement-se a weli en deiz ma'z i eus kambr da gambr da guzhat.

2 Rouned 10:24

Mont a rejont eta evit kinnig aberzhoù ha loskaberzhoù. Jehu en doa lakaet er-maez pevar-ugent den, hag en doa lavaret dezho: An hini a lezo tec'hout unan eus an dud-se a lakaan etre ho taouarn, a baeo gant e vuhez buhez egile.

2 Rouned 9:2

Pa vi erru eno, sell e-lec'h ma vo Jehu mab Jozafad mab Nimshi. Goude, kae d'ober dezhañ sevel e-touez e vreudeur, ha laka anezhañ da vont en ur gambr kuzhet.

2 Danevelloù 18:24

Mika a respontas: Kement-se a weli en deiz ma'z i eus kambr da gambr evit kuzhat.

Salmoù 18:25

Neuze an AOTROU en deus rentet din hervez va reizhder, hervez purentez va daouarn dirak e zaoulagad.

Izaia 24:18

An hini a dec'ho dirak trouz ar spouron a gouezho er poull, an hini a vo adpignet eus kreiz ar poull a vo paket er roued, rak stouvelloù an nec'h a zigor, ha diazezoù an douar a gren.

Izaia 30:13

en abeg da-se e vo evidoc'h an drougiezh-mañ evel freuz ur voger uhel o kinnig kouezhañ en ur faoutañ, hag en em vruzun a-daol-trumm.

Jeremiaz 48:44

An hini a dec'h dirak ar spont a gouezho er poull, an hini a adpigno eus ar poull a vo tapet er roued. Rak warnañ, war Voab, e lakain da zont bloavezh e varnedigezh, eme an AOTROU.

Daniel 4:37

Bremañ eta, me Nebukadnezar a veul, a uhela hag a ro gloar da Roue an neñvoù, a zo reizh e holl oberennoù hag eeun e hentoù. Eñ a c'hell izelaat ar re a gerzh gant lorc'h.

Amoz 5:19

evel un den a dec'h dirak ul leon hag a gav un arzh, hag a ya d'e di, a harp e zorn ouzh ar voger hag a zo flemmet gant un naer.

Amoz 9:3

pa en em guzhfent war lein ar C'harmel, o c'hlaskin eno hag o zapin ac'hane, pa dec'hfent a-zirak va daoulagad betek foñs ar mor, e c'hourc'hemennin d'an naer flemmañ anezho,

Sant Lucas 13:4

Pe krediñ a rit an triwec’h den a gouezhas tour Siloa warno, o lazhañ anezho, a oa brasoc’h pec’herien eget holl dud Jeruzalem?

Jozue 13:4

war-zu ar c'hreisteiz, hag holl vro ar Gananeiz, ha Meara a zo d'ar Sidoniz, betek Afek ha betek harz an Amoreaned;

Ar Varnerien 9:40

Abimelek a redas war e lerc'h, evel ma tec'he dirazañ; ha kalz a gouezhas marv betek toull an nor.

1 Samuel 29:1

Ar Filistined a zastumas o armeoù en Afek, hag an Israeliz a gampas e-kichen ar feunteun a zo e Jizreel.