1 Rouaned 16:29 - Bibl Koad 21: Ar Bibl e Brezhoneg evit ar Vretoned

²⁹ En eizhvet bloaz ha tregont eus Asa roue Juda, e teuas Akab mab Omri da roue war Israel. Akab mab Omri a renas war Israel e Samaria daou vloaz warn-ugent.

1 Rouaned 16:29 Iomraidhean Croise

1 Rouaned 16:21

Neuze pobl Israel en em lodennas e daou du: un hanter eus ar bobl a yae war-lerc'h Tibni mab Ginad evit e lakaat da roue, hag an hanter all war-lerc'h Omri.

1 Rouaned 16:23

Er c'hentañ bloaz ha tregont eus Asa roue Juda, e teuas Omri da roue war Israel evit daouzek vloaz. Ren a reas c'hwec'h vloaz e Tirza,

1 Rouaned 16:24

hag e prenas menez Samaria digant Shemer evit daou dalant arc'hant. Sevel a reas war ar menez-se, hag ec'h anvas ar gêr en doa savet Samaria, diwar anv Shemer, aotrou ar menez.

1 Rouaned 16:28

Hag Omri a c'hourvezas gant e dadoù, hag e voe sebeliet e Samaria. Hag Akab e vab a renas en e lec'h.

1 Rouaned 16:30

Akab mab Omri a reas ar pezh a zo fall dirak daoulagad an AOTROU, muioc'h eget an holl re a oa bet a-raok dezhañ.

1 Rouaned 16:33

Akab a reas ivez un Ashera, hag Akab a reas muioc'h c'hoazh eget holl rouaned Israel a oa bet a-raok dezhañ evit kounnariñ an AOTROU Doue Israel.

1 Rouaned 21:18

Sav, diskenn da gavout Akab roue Israel a zo e Samaria, rak setu, emañ e gwinienn Nabod, e-lec'h m'eo diskennet evit he ferc’hennañ.

2 Danevelloù 25:13

Tud ar strolladoù en doa kaset kuit Amazia evit na zeufent ket gantañ d'ar brezel, en em daolas war gêrioù Juda, adalek Samaria betek Bet-Horon, hag e lazhjont tri mil den hag e skrapjont ur preizh bras.

Jeremiaz 41:5

e teuas tud eus Sichem, eus Silo hag eus Samaria, pevar-ugent den, touzet o barv ha roget o dilhad, o vezañ graet flañchoù dezho o-unan, gant profoù hag ezañs en o daouarn, evit o degas da di an AOTROU.

Ozea 13:1

Pa gomze Efraim, an dud a grene, uhelsavet e oa en Israel, met eo en em rentet kablus dre Vaal, hag ez eo marv.

Mika 6:16

Rak miret eo bet reolennoù Omri hag holl zoareoù-ober ti Akab, hag e kerzhez hervez o c'huzulioù. Dre-se e rin ganit un distruj, ha gant da annezidi un dra a c'hoapaerezh, hag e tougot dismegañs va fobl.