1 Korintiz 5:1 - Bibl Koad 21: Ar Bibl e Brezhoneg evit ar Vretoned

¹ Klevout a reer lavarout a bep tu ez eus en ho touez gadaliezh, hag ur c’hadaliezh ken bras ma n’eo ket anvet zoken e-touez ar baganed. Evel-se unan ac’hanoc’h en deus kemeret gwreg e dad.

Testamant Nevez 1897 (Jenkins)

¹ Brudet eo dre holl penaos ez euz en ho touez dizurzou, ha dizurzou ker braz, ma n’int ket anavezet zo‐ken e‐touez ar Jentiled; unan‐benag ac’hanoc’h hen deuz kemeret greg he dad.

1 Korintiz 5:1 Iomraidhean Croise

Geneliezh 35:22

E-pad ma voe Israel o chom er vro-se, e c'hoarvezas ma yeas Ruben da gousket gant Bilha adwreg e dad. Israel a glevas-se. Jakob en doa daouzek mab.

Geneliezh 37:2

Setu amañ lignez Jakob. Jozef, oadet a seitek vloaz, a vesae al loened gant e vreudeur. Ar bugel a oa e-kichen mibien Bilha ha mibien Zilpa, gwragez e dad. Ha Jozef a zegase d'e dad o c'homzoù fall.

Geneliezh 49:4

Bervus out evel an dour, ne vo ket an dreisted ganit! Rak pignet out war wele da dad, huduraet ec'h eus va gwele en ur bignat ennañ.

2 Samuel 16:22

Savet e voe eta un deltenn evit Absalom war doenn an ti, hag Absalom a yeas etrezek serc'hed e dad, dirak holl Israel.

2 Samuel 20:3

Pa en em gavas David en e di e Jeruzalem, e kemeras an dek serc'h en doa lezet evit diwall e di, hag o lakaas en ul lec'h evezhiet. Pourvezañ a reas d'o ezhommoù eno, met n'eas ket d'o c'havout. Evel-se e voent serret betek deiz o marv, o vevañ evel intañvezed.

1 Danevelloù 5:1

Setu mibien Ruben kentañ-ganet Israel, rak eñ a oa ar c'hentañ-ganet; met dre m'en doa saotret gwele e dad, e henañded a voe roet da vibien Jozef mab Israel; koulskoude hemañ ne oa ket evit bezañ merket el lignezouriezh evel henañ.

Jeremiaz 2:33

Pegen ijinus ez out ez hentoù, evit klask karantez! Ha zoken ec'h eus desket da dorfedoù d'ar re zrouk.

Ezekiel 16:47

Ne'c'h eus ket hepken kerzhet en o hentoù ha graet an hevelep euzhusterioù, re nebeut e oa kement-se, met en em saotret ec'h eus muioc'h egeto gant da holl hentoù.

Ezekiel 22:10

noazhder an tad a zo bet dizoloet en da greiz, gwallet eo bet ar vaouez e mare he saotradur en da greiz,

Leviegezh 18:8

Ne zizoloi ket noazhder gwreg da dad, noazhder da dad eo.

Leviegezh 20:11

Mar kousk un den gant gwreg e dad, e tizoloio noazhder e dad; bez’ e vint o-daou lakaet d’ar marv, o gwad a vo warno.

Amoz 2:7

Plijout a ra dezho gwelout war benn an ezhommeg poultr an douar, hag e kweont gwir an ezhommeg. Un den hag e dad a ya da gavout an hevelep plac'h evit disakrañ va anv santel.

Actou an Ebestel 15:20

met skrivañ dezho en em virout diouzh pep saotr an idoloù, diouzh ar c’hadaliezh, diouzh al loened mouget ha diouzh ar gwad.

Actou an Ebestel 15:29

da lavarout eo, m’en em virot diouzh ar pezh a zo bet aberzhet d’an idoloù, diouzh ar gwad, diouzh ar pezh a zo bet mouget ha diouzh ar c’hadaliezh. Mat a reot diwall diouzh an traoù-se. Yec’hed deoc’h!

1 Korintiz 1:11

Rak diwar ho penn, va breudeur, roet eo bet din da anavezout gant ar re eus ti Kloe ez eus tabutoù en ho touez.

1 Korintiz 5:11

Met ar pezh am eus skrivet deoc’h, eo chom hep darempredoù gant unan bennak en em c’halv breur hag a zo hudur, pe gwallc’hoantek, pe idolour, pe droukkomzer, pe mezvier, pe laer, na zebrit ket zoken gant un hevelep den.

1 Korintiz 6:13

Ar boued a zo evit ar c’hof hag ar c’hof evit ar boued, met Doue a zistrujo an eil hag egile. Hogen ar c’horf n’eo ket evit an hudurniezh met evit an Aotrou, hag an Aotrou evit ar c’horf.

1 Korintiz 6:18

Tec’hit diouzh an hudurniezh. Kement pec’hed a ra un den a zo er-maez eus ar c’horf, met an hini a ra hudurniezh a bec’h a-enep e gorf e-unan.

1 Korintiz 6:9

Ha n’ouzoc’h ket penaos an dud direizh n’o devo ket rouantelezh Doue da hêrezh? Arabat deoc’h en em dromplañ, nag ar re hudur, nag an idolourien, nag an avoultrerien, nag ar sodomiz, nag ar skilbaotred,

2 Korintiz 12:21

hag o tistreiñ d’ho kavout, na rofe Doue din mezh en ho touez, na’m befe da ouelañ war meur a hini eus ar re o deus pec’het diagent ha n’o deus ket bet keuz eus an dic’hlanded, eus an hudurniezh hag eus ar c’hadaliezh o deus graet.

2 Korintiz 2:5

Mar en deus graet unan bennak lec’h d’an dristidigezh, n’eo ket me hepken en deus glac’haret met c’hwi holl, da vihanañ evit lod, evit na lavarfen ket re.

2 Korintiz 7:12

Evel-se pa em eus skrivet deoc’h, ne oa ket abalamour d’an hini en doa graet an droug nag abalamour d’an hini a oa bet graet dezhañ, met evit reiñ da anavezout deoc’h ar preder hon eus evidoc’h dirak Doue.

Galated 5:19

Hogen oberoù ar c’hig a zo anat: bez’ int avoultriezh, loustoni, hudurniezh, gadaliezh,

Efeziz 5:3

Ra ne vo ket klevet anv en ho touez, nag eus gadaliezh, nag eus hudurniezh ebet, nag eus droukc’hoant, evel ma tere d’ar sent,

Adlezenn 22:30

Den ne gemero gwreg e dad ha ne zizoloio goloenn e dad.

Adlezenn 27:20

Milliget ra vo an hini a gousk gant gwreg e dad, dre ma tizolo pallenn e dad! Hag an holl bobl a lavaro: Amen!

Koloseiz 3:5

Lakait eta da vervel en hoc’h izili ar pezh a zalc’h d’an douar, ar c’hadaliezh, an hudurniezh, an drouksoñjoù, an droukc’hoantoù, ar pizhoni a zo idolerezh,

1 Tesalonikiz 4:7

Rak Doue n’en deus ket hor galvet d’an dic’hlanded met d’ar santelezh.

Apocalyps 2:21

Roet em eus amzer dezhi evit m’he defe keuz eus he gadaliezh, met n’eo ket fellet dezhi kaout keuz.

Apocalyps 21:8

Met evit ar re zidalvez, ar re ziskredik, ar re euzhus, ar vuntrerien, ar c’hastaouerien, ar strobinellerien, an idolourien hag an holl c’haouiaded, o lod a zo er stank o teviñ gant tan ha soufr, ar pezh a zo an eilvet marv.

1 Samuel 2:24

Na rit ket an traoù-se, va mibien. Ar vrud a glevan n'eo ket mat, lakaat a rit da bec'hiñ pobl an AOTROU .