1 Korintiz 13:4 - Bibl Koad 21: Ar Bibl e Brezhoneg evit ar Vretoned

⁴ Ar garantez a zo habask ha leun a vadelezh, ar garantez n’eo ket avius, ar garantez n’eo ket fougasus, n’en em c’hwez ket a ourgouilh,

Testamant Nevez 1897 (Jenkins)

⁴ Ar garantez a zo hir‐c’houzanvus, leun a vadelez; ar garantez n’eo ket c’hoantaüs; ar garantez ne blij ket dezhi en em veuli; n’em em c’houez ket gant an ourgouil;

1 Korintiz 13:4 Iomraidhean Croise

Geneliezh 30:1

Pa welas Rachel ne roe ket a vugale da Jakob, he doe gwarizi ouzh he c'hoar hag e lavaras da Jakob: Ro din bugale, pe anez e varvin!

Geneliezh 37:11

E vreudeur o doa gwarizi outañ, met e dad a zalc'has an traoù-mañ.

Nehemia 9:17

N'eo ket fellet dezho sentiñ ha n'o deus ket bet soñj eus ar burzhudoù az poa graet en o c'heñver. Met e reudjont o gouzoug, hag en o disentidigezh, e tibabjont ur penn evit distreiñ d'ar sklavelezh. Met te a zo un Doue a bardon, trugarezus ha truezus, gorrek da gounnariñ ha fonnus e madelezh, ha ne'c'h eus ket o dilezet.

Salmoù 10:5

E hentoù a ya dalc'hmat da benn-vat, da varnedigezhioù a zo pell a-us d'e weled, c'hwezhañ a ra a-enep e holl enebourien.

Krennlavarioù 10:12

Ar gasoni a atiz ar stourmadegoù, met ar garantez a c'holo an holl fazioù.

Krennlavarioù 13:10

Al lorc'h ne daol nemet stourmadegoù, met gant ar re a gemer kuzul emañ ar furnez.

Krennlavarioù 17:14

Deroù un tabut a zo evel digeriñ un tremen d'an dour; a-raok en em gav ar stourmadeg, dilez.

Krennlavarioù 17:9

An hini a guzh ur mank a glask karantez, met an hini a ziskuilh an dra a zisrann ar vignoned.

Krennlavarioù 19:22

Kaerder an den eo e vadelezh, ha gwelloc'h eo ar paour eget ar gaouiad.

Krennlavarioù 31:20

Astenn a ra he dorn d'ar paour, ha dougen a ra he daouarn d'an ezhommeg.

Krennlavarioù 31:26

Digeriñ a ra he genoù gant furnez, hag ul lezenn a vadelezh a zo war he zeod.

Ar Prezeger 10:4

Mar sav ez enep spered an hini a ren, na guita ket da lec'h, rak an douster a ziwall diouzh pec'hedoù bras.

Mazhev 27:18

Rak anavezout a rae e oa dre avi o doa e lakaet etre e zaouarn.

Actou an Ebestel 7:9

An uheldadoù, dre warizi, a werzhas Jozef evit an Ejipt, met Doue a voe gantañ.

Romaned 1:29

Bez’ ez int leuniet a bep direizhder, a loustoni, a fallentez, a bizhoni, a dromplerezh, a warizi, a vuntroù, a dabutoù, a widre, a fallagriezh,

Romaned 13:13

Kerzhomp gant onestiz evel ma reer en deiz, ha nann en diroll hag er vezventi, en hudurniezh hag er c’hadaliezh, en tabutoù hag er gwarizioù.

1 Korintiz 3:3

Rak pa’z eo gwir ez eus en ho touez gwarizi, tabutoù ha diemglevioù, ha n’oc’h ket kigel ha ne gerzhit ket hervez an dud?

1 Korintiz 4:18

Hogen hiniennoù a zo en em c’hwezhet gant an ourgouilh, evel ma ne dlejen ket dont en ho touez.

1 Korintiz 4:6

Breudeur, an traoù-se am eus treukaset warnon ha war Apolloz abalamour deoc’h, evit ma teskot ennomp tremen hep soñjal en tu-hont d’ar pezh a zo skrivet, hag evit na zeuio hini ac’hanoc’h d’en em c’hwezhañ gant an ourgouilh evit unan a-enep egile.

1 Korintiz 5:2

Hag oc’h en em c’hwezhet gant an ourgouilh! Ha n’oc’h ket, er c’hontrol, bet er glac’har, evit ma vo lamet eus ho touez an hini en deus graet kement-se?

1 Korintiz 8:1

E-keñver an traoù aberzhet d’an idoloù, gouzout a reomp hon eus holl anaoudegezh. An anaoudegezh a c’hwez, met ar garantez a sav.

2 Korintiz 12:20

Rak aon am eus, pa’z in d’ho kavout, na gavin ket ac’hanoc’h evel ma fell din, ha na gavot ket ac’hanon evel ma fell deoc’h, na vo tabutoù, gwarizi, kasonioù, dirollerezh, droukkomzoù, falstamalloù, ourgouilh, trubuilhoù,

2 Korintiz 6:6

er burentez, en anaoudegezh, er basianted, en douster, er Spered-Santel, en ur garantez gwirion,

Galated 5:26

Na glaskomp ket ur gloar aner, oc’h en em vroudañ an eil egile hag o kaout avi an eil ouzh egile.

Efeziz 4:2

e pep izelegezh ha douster gant habaskted, oc’h en em c’houzañv an eil egile gant karantez,

Efeziz 4:32

Bezit mat an eil e-keñver egile, madelezhus, o pardoniñ an eil d’egile, evel m’en deus Doue pardonet deoc’h ivez e Krist.

Filipiz 1:15

Gwir eo penaos hiniennoù a brezeg Krist dre avi ha tabut, met reoù all a ra a volontez vat.

Koloseiz 1:11

kreñvaet e pep doare hervez e c’halloud glorius, evit kaout pep pasianted ha dalc’husted el levenez,

Koloseiz 2:18

Ra ne dapo den ar priz diganeoc’h dre un izelegezh a-ziavaez ha dre lid an aeled, o kemer preder eus traoù n’en deus ket gwelet, o vezañ c’hwezet a ourgouilh hep poell gant e skiant kigel,

Koloseiz 3:12

Gwiskit eta, evel tud dibabet gant Doue sent ha karet-mat, ur galon a drugarez, a vadelezh, a izelegezh, a zouster, a basianted,

1 Tesalonikiz 5:14

Ho pediñ a reomp ivez, breudeur, gourdrouzit ar re zizurzh, frealzit ar re a zo digalonekaet, sikourit ar re zinerzh, bezit habask e-keñver an holl.

1 Timote 6:4

c’hwezet eo gant an ourgouilh, ne oar netra, met bez’ en deus ar c’hleñved eus kudennoù ha tabutoù ar gerioù, ac’hane e teu ar c’hoant, an diroll, an diskred drouk, an diskredoù,

2 Timote 2:25

o reizhañ gant douster an enebourien, o c’hortoz ma roio Doue dezho ar geuzidigezh a zegaso anezho da anavezout ar wirionez,

2 Timote 3:10

Evidout, heuliet ec’h eus va deskadurezh, va c’hundu, va menoz, va feiz, va fasianted, va c’harantez, va dalc’husted,

2 Timote 4:2

prezeg ar ger, dalc’h en amzer hag e-maez an amzer, kroz, gourdrouz, ali, gant pep pasianted hag en ur gelenn.

Titus 3:3

Rak ni ivez a oa gwechall diskiant, disentus, diheñchet, dindan hon techoù hag hor plijadurioù direizh, o vevañ er fallentez hag en avi, dellezek a gasoni hag o kasaat an eil egile.

S. Jakes 4:5

Ha soñjal a rit e lavar ar Skritur en aner penaos: ar Spered a chom ennomp en deus c’hoantoù a zoug d’ar warizi?

1 Pêr 2:1

O tilezel eta pep fallentez, pep touellerezh, pep troidellerezh, pep gwarizi ha pep droukkomz,

1 Pêr 3:8

A-hend-all, bezit holl eus un hevelep santad, truezus, oc’h en em garout evel breudeur, leun a drugarez, a volontez vat,

1 Pêr 4:8

Dreist-holl, ho pet an eil evit egile ur garantez birvidik, rak ar garantez a c’holoio un niver bras a bec’hedoù.

2 Pêr 1:7

gant an doujañs-Doue ar vadelezh a vreur, gant ar vadelezh a vreur ar garantez.

1 Yann 4:11

Re garet-mat, mar en deus Doue hor c’haret evel-se, ni a dle ivez en em garout an eil egile.