1 Korintiz 10:4 - Bibl Koad 21: Ar Bibl e Brezhoneg evit ar Vretoned

⁴ hag o deus evet holl eus an hevelep evaj speredel, rak evañ a raent eus ar roc’h speredel a heulie anezho, hag ar roc’h-se a oa Krist.

Testamant Nevez 1897 (Jenkins)

⁴ hag ho deuz holl evet euz ar memeus evach spirituel; rag eva a rent dour euz ar roc’h spirituel pehini a heullie anezhe, hag ar roc’h‐ze a oa ar C’hrist;

1 Korintiz 10:4 Iomraidhean Croise

Geneliezh 40:12

Jozef a lavaras: Setu amañ an displegadenn: An tri brank a zo tri devezh.

Geneliezh 41:26

Ar seizh buoc'h vrav a zo seizh vloaz hag ar seizh tañvouezenn vrav a zo seizh vloaz: un hevelep huñvre eo.

Salmoù 105:41

Digeriñ a reas ar roc'h hag an doureier a redas, mont a rejont dre al lec'hioù sec'h evel ur stêr.

Salmoù 78:15

Faoutañ a reas ar reier er gouelec'h, hag e roas dezho da evañ dour e-leizh.

Salmoù 78:20

Setu, skoet en deus gant ar roc'h ha doureier o deus redet, gwazhioù a zo en em skuilhet. Daoust hag e c'hello reiñ bara ha kempenn kig d'e bobl?

Ermaeziadeg 17:6

Setu, en em zalc'hin eno dirazout war ar roc'h en Horeb, te a skoio war ar roc'h, hag e teuio dour er-maez, hag ar bobl a evo. Moizez eta a reas evel-se dirak henaourien Israel.

Izaia 43:20

Loened ar parkeier a roio gloar din, gant an aourgon hag ar struskañvaled, dre ma em bo lakaet doureier er gouelec'h, ha stêrioù el lec'h didud, evit reiñ da evañ da'm fobl, va re zibabet.

Izaia 48:21

N'o deus ket bet sec'hed p'en deus lakaet anezho da gerzhout dre ar gouelec'hioù, lakaet en deus da darzhañ evito dour eus ar roc'h, faoutet en deus ar roc'h ha ruilhet o deus an dourioù.

Daniel 2:38

Lakaet en deus etre da zaouarn mibien an dud, loened ar parkeier, ha laboused an neñvoù e pep lec'h ma'z emaint o chom, ha graet en deus dit ren warno. Te eo ar penn en aour.

Daniel 7:17

Ar pevar loen bras-se a zo pevar roue a savo eus an douar,

Niveroù 20:11

Moizez a savas e zorn hag a skoas war ar roc'h gant e wialenn div wech, hag e teuas dour e-leizh. Ar vodadenn a evas, hag o loened ivez.

Sant Ian 4:10

Jezuz a respontas dezhi: Mar anavezjes donezon Doue ha piv eo an hini a lavar dit: Ro din da evañ, ez pefe goulennet da-unan digantañ hag en defe roet dit dour a vuhez.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

Sant Ian 7:37

An deiz diwezhañ eus ar gouel bras, Jezuz a savas hag a grias: Mar en deus unan bennak sec’hed, ra zeuio da’m c’havout ha ra evo.

Galated 4:25

rak Agar eo Menez Sinai en Arabia, hag e ra unan gant ar Jeruzalem a zo bremañ hag a zo e sklavelezh gant he bugale.

Adlezenn 9:21

Kemeret em eus ho pec'hed, al leue ho poa graet, hag em eus e zevet en tan, hag em eus e freuzet ken na voe aet e poultr. Taolet em eus ar poultr er froud a ziskenne eus ar menez.

Koloseiz 2:17

kement-se a oa skeudenn an traoù a dlee dont, met ar c’horf a zo e Krist.

Hebreed 10:1

Gant al lezenn eta emañ skeud ar madoù da zont met n’emañ ket eiladur gwirion an traoù; neuze ne c’hell morse, dre an hevelep aberzhoù a ginniger dalc’hmat bep bloaz, peurwellaat ar re a dosta.

Apocalyps 22:17

Ar Spered hag ar bried a lavar: Deus. Ra lavaro an hini a glev: Deus. Ra zeuio an hini en deus sec’hed. Ra gemero dour a vuhez evit netra an hini a fell dezhañ.