1 Danevelloù 19:2 - Bibl Koad 21: Ar Bibl e Brezhoneg evit ar Vretoned

² David a lavaras: Madelezhus e vin e-keñver Hanun mab Nakash, rak e dad a zo bet madelezhus em c'heñver. David a gasas kannaded evit e frealziñ diwar-benn e dad. Servijerien David a zeuas da vro mibien Ammon da gavout Hanun, evit e frealziñ.

1 Danevelloù 19:2 Iomraidhean Croise

2 Samuel 9:1

Neuze e lavaras David: Ha ne van eta den eus ti Saül, evit ma rin vad dezhañ abalamour da Jonatan?

2 Samuel 9:7

David a lavaras dezhañ: Na'z pez ket aon, rak a-dra-sur e rin vad dit, abalamour da Jonatan da dad, hag e roin dit holl zouaroù Saül da dad, hag e tebri bara da viken ouzh va zaol.

2 Rouned 4:13

Neuze e lavaras da C'hehazi: Lavar dezhi: Setu, kemeret ec'h eus an holl brederioù-se ganeomp, petra a c'hellimp ober evidout? Bez' ac'h eus da gomz ouzh ar roue, pe ouzh penn an arme? Hag e respontas: Emaon o chom e-touez va fobl.

1 Danevelloù 19:1

Goude-se e varvas Nakash roue mibien Ammon, hag e vab a renas war e lerc'h.

1 Danevelloù 19:3

Met pennoù mibien Ammon a lavaras da Hanun: Ha soñjal a rez e vefe kaset frealzerien gant David evit enoriñ da dad? Ha n'eo ket evit imbourc'hiñ, distrujañ ha spiañ ar vro ez eo deuet e servijerien da'z kavout?

Nehemia 13:1

En amzer-se e voe lennet levr Moizez dirak ar bobl, hag e voe kavet skrivet ennañ e oa difennet ouzh an Ammonad hag ouzh ar Moabad mont e bodadenn Doue, da viken,

Nehemia 4:3

Ha Tobija an Ammonad, a oa en e gichen, a lavaras: Petra bennak ma savont, pa bigno ul louarn, e tiskaro o moger vein.

Nehemia 4:7

Pa glevas Samballad, Tobija, an Arabed, an Ammoniz hag an Asdodiz, e save mogerioù Jeruzalem, hag e oa an toulloù-freuz war o c'hlozadur, e voe droug enno-meurbet.

Ester 6:3

Ar roue a lavaras: Peseurt enor ha peseurt bri a zo bet kinniget da Vardoke evit kement-se? Ha tud ar roue a servije anezhañ a respontas: N'eus bet graet netra evitañ.

Ar Prezeger 9:15

Met enni e oa un den paour ha fur a zieubas kêr dre e furnez. Met den n'en deus bet soñj eus ar gwaz paour-se.

Sant Ian 11:19

ha kalz a Yuzevien a oa deuet da gavout Marta ha Mari evit o frealziñ diwar-benn o breur.

1 Samuel 30:26

Ha distroet e Ziklag, David a gasas diouzh ar preizh da henaourien Juda, d'e vignoned, o lavarout: Setu un donezon evidoc'h, eus ar preizh tapet war enebourien an AOTROU .