1 Danevelloù 16:1 - Bibl Koad 21: Ar Bibl e Brezhoneg evit ar Vretoned

¹ Degas a rejont eta arc'h Doue, hag e lakajont anezhi e-kreiz an deltenn en doa savet David. Hag e voe kinniget loskaberzhoù hag aberzhoù a drugarekadennoù dirak Doue.

1 Danevelloù 16:1 Iomraidhean Croise

1 Rouaned 3:15

Neuze Salomon a zihunas, ha setu e oa un huñvre. Hag e teuas da Jeruzalem, hag en em zalc'has dirak arc'h emglev an AOTROU. Kinnig a reas loskaberzhoù hag aberzhoù a drugarekadennoù, hag e reas ur fest d'e holl servijerien.

1 Rouaned 8:62

Ar roue hag holl Israel gantañ a ginnigas aberzhoù dirak an AOTROU.

1 Danevelloù 15:1

David a savas tiez evitañ e-unan e kêr David, hag e kempennas ul lec'h evit arc'h Doue, hag e savas un deltenn eviti.

1 Danevelloù 15:12

hag e lavaras dezho: C'hwi hag a zo pennoù tadoù al Levited, en em santelait, c'hwi hag ho preudeur, ha degasit arc'h an AOTROU Doue Israel betek al lec'h ma em eus kempennet dezhi.

1 Danevelloù 15:3

David a zastumas holl Israel e Jeruzalem, evit degas arc'h an AOTROU betek al lec'h en doa kempennet dezhi.

1 Danevelloù 16:2

P'en doe echu David da ginnig al loskaberzhoù hag an aberzhoù a drugarekadennoù, e vennigas ar bobl en anv an AOTROU .

1 Danevelloù 6:16

Mibien Levi a voe: Gershon, Kehad, Merari.

2 Danevelloù 1:4

Met David en doa degaset arc'h Doue eus Kirjad-Jearim d'al lec'h en doa kempennet, rak savet en doa eviti un deltenn e Jeruzalem.

Salmoù 132:8

Sav, o AOTROU, deus da lec'h da ziskuizh, te hag arc'h da nerzh!

Leviegezh 3:9

Kinnig a raio eus an aberzh a drugarekadennoù ur prof graet dre an tan dirak an AOTROU, al lard, al lost en e bezh a vo rannet tost d’ar mell-kein, al lard a c’holo ar bouzelloù hag al lard a zo a-us d’ar bouzelloù,