Yunapi 7:21 - Godokono Wade Tabo

²¹ Wiyasiya Ya꞉sute ebetamo kalimagono ikameodawama꞉ dediya, ebe tetelo Godote ebeno mailonomo eba ka꞉milo ebetamo nanitabonomolo ma kunu giya, “Na Kawodawa Godote a꞉imano wokoma꞉ naimano woki iyakobi a꞉ka꞉midimo, mabu nale naimano mailamo me nani tabonomo egemo, ‘Uwomua꞉ uwomua꞉ tetelo a꞉ma꞉ natamo kalimagono inamabu ikanamonedawama꞉ beda꞉nama꞉ta.’”

Godokono Hido Tabo

²¹ Huiyatiya Ya꞉suti ebetamo hawa꞉goeno ikamehodawama꞉ dediya꞉, ba꞉ba tetelo Godote ebeno mahilonomo ba ka꞉mi ebetamo hibinomolo ba꞉ma ka꞉na goiya꞉, “Na Kodawa Godote amia꞉no okoma꞉ naeno ukui hiya꞉ma꞉ a꞉kamida꞉mo, mabu nale naeno mahilamo ba꞉moe hibinomo tabo ba꞉ a꞉goemo, ‘Emedena emedena tetelo ama꞉ natamo hawa꞉goeno ilina ikanamehonedawama꞉ beda꞉namena꞉ta.’”

Yunapi 7:21 Iomraidhean Croise

Loma 11:29

Nanitabola, Godote dopamo kebe wadewade tanalo epatamo kikalamiyale, ebete woki iyakobi midite walo a꞉kuwatemene, ega꞉walo ebete dopamo kebe epo nilakapolo kuwatiyale, ebete walone tetelo ibi ubia꞉noma꞉ eda꞉te gito a꞉ka꞉miyapamene.

Yunapi 5:6

Ebene Godote ebeno Bukalo ebeno tanalo walo ma kunu kawokalimiya, “Uwomua꞉ uwomua꞉ tetelo a꞉ma꞉ natamo kalimagono inamabu ikanamonedawama꞉ beda꞉nama꞉ta, Mekisadekate dopamo naimano wokodawama꞉ keba kunu keda꞉namile eba kunu.”

Yunapi 7:17

Ebema꞉ nanitabola, Godote ebeno oli wokodawano tanaloma꞉ ebeno Bukalo tabo ma kunu iyatiya, “Uwomua꞉ uwomua꞉ tetelo a꞉ma꞉ natamo kalimagono inamabu ikanamonedawama꞉ beda꞉nama꞉ta, Mekisadekate dopamo naimano wokodawama꞉ keba kunu keda꞉namile eba kunu.”

Yunapi 7:20

Ega꞉walo me tanalo idila. Dopamo tetelo Libai gu dubate Godotamo kalimagono inamabu ikameopima꞉ eda꞉ote woko wagilimia꞉no, idite ibino tanaloma꞉ Godokono mailo keka꞉miya꞉ iba꞉te ebe woko ebeno elawamo kosiyodilonama꞉.

Yunapi 7:23

Ega꞉walo me tanalo idila. Dopamo Godotamo kalimagono inamabu dikameonakiya ebe dubate bilibilinomoma꞉ eda꞉onamiya, mabu ibi magumulo epetapi da꞉elaonakiya oli apepeo dubu epetapiate a꞉elaopino woko gobebobo gito kuwatenakiya.

Yunapi 7:28

Ebema꞉ ale me kawo tanalo wadenomamo uima꞉, Godote atamo Mosesedo dikaeamiya ebe iyaiya Totomu Tabodo tete geyageyanomolo tuputupua꞉ dubu epetapiate Godotamo kalimagono ikameopino ununomo watowatopima꞉ eda꞉onamiya. Wiyasiya walone tetelo ebete ebe Totomu Tabo iyabaiamo eba alomolo ebeno elawo mailamo nanitabonomolo ebo giya, ebeno Gudu kapiyate ebetamo kalimagono ikameo woko gobebobolo kokolinama꞉. Nanitabola, ebe Gudute ebe woko osiyodilo tanalo wadenomamo iyalo iyatawate, uwomua꞉ uwomua꞉ tetelo eba kunu bosiyodilonamene.