Yunapi 2:15 - Godokono Wade Tabo

¹⁵ iyo, piyate uwomua꞉ tetelo ibino a꞉elao tanaloma꞉ da꞉toletoleonamiya, Ya꞉sute ubi iyatiya ebe epo tole tanalono elawo magumune kowagailima꞉.

Godokono Hido Tabo

¹⁵ iyo, puya꞉te emedena tetelo ibino ha꞉laha komoma꞉ da꞉toletolehonama꞉, Ya꞉suti ubi ba꞉bo ihatiya꞉ ba꞉bi tawakalubi tole komoeno helo ipuwane kuluhukulatelema꞉.

Yunapi 2:15 Iomraidhean Croise

Loma 8:15

ebema꞉ Godote la꞉tamo dikalametiyala ebe Talena Uliyanado la꞉le tole tanalo kelawa꞉wena꞉. Iyo, wiya꞉ wokopiate woko eba osiyodilonalo ibino woko namutudawano dowa tanalamo keba kunu ka꞉toletoleone la꞉ eba kunu kowagela꞉wena꞉, mabu Uliyanate la꞉ ebeno nani gudima꞉ a꞉midiliyata, wiya꞉ wokopima꞉ ka꞉midilitiya꞉. Ebe mabuma꞉ ale ebeno elawamo aimano Nabiwi Godoko Abama꞉ ka꞉milo towetowe tabo ebetamo gelanakoma꞉,

2 Kolini 1:10

Nanitabola, ebete ebako kawo a꞉e olalatinomo magumulo aimano igilo a꞉mula꞉leami, ebema꞉ a iyatawala ebete walone tetelo aimano igilo walo ka꞉ka꞉mula꞉leaemene, iyo, la꞉le a towetowe tabamo eba walubilo ale aimano iyaiya olalati tanalo bilibilinomo magumulo aimano nanitabokobi midi tanalo Godotamo biyatinama꞉ ebete aimano igilo ka꞉mula꞉leaema꞉. Ebema꞉ numa꞉la꞉, Godote la꞉imano towetowe tabo bilibilinomo dolowiona ebe tanalodo ebete a wadenomamo bowalubinakomene, iyo, epo epetapi bilibilinomate kalakala tabo ebetamo ebema꞉ badipatenakoma꞉na꞉.

Galesiya 4:21

Ebema꞉ la꞉ piyate Godokono Totomu Tabono elawo magumulo walo ilukulima꞉ ubi diyata꞉wenama, la꞉ me tanalo na nanana꞉la꞉. Mosesete Godokono Buka magumamo kebe Totomu Tabo kakuloliyale, la꞉ modobola꞉ka꞉ ebe Totomu Tabono kawo magumunomo nanitabonomolo laema꞉?

2 Timoti 1:7

Numa꞉, ale Godokono woko osiyodilonama꞉ ebete atamo tole tanalo kikaeamiya꞉. Ao, ebete wiyasiya ebeno elawo atamo ikaeamete, ebene ebeno nilakapo kimalagidilo tanalo atumu atamo kikaeamete, ebene ebete wade woki atamo atumu akoikaeamiya ale kateneno ubi tanalamo tudila꞉okapoma꞉.

Yunapi 2:16

Ebema꞉ Ya꞉sukono osiyodilole magumulo a me tanalo uminama꞉, ebete Unu Duliyomolono nopopi walubilia꞉no A꞉ibalayamakono walone gudi kapiya walubilinako.