Yunapi 13:8 - Godokono Wade Tabo

⁸ Numa꞉la꞉, Ya꞉su Kelisote dopamo keba kunu kokolinamile, ebete me tetelo eba kunu ba꞉kokolina, ebene ebete atumu uwomua꞉ uwomua꞉ tetelo iyama꞉ a꞉keda꞉namene.

Godokono Hido Tabo

⁸ Numa꞉la꞉, Ya꞉su Kelisote dopamo keba ka꞉na kemedenami, ebete ba꞉ma tetelo ba꞉ ba꞉ba ka꞉na ba꞉ka-emedena, ba꞉bene ebete atumu emedena emedena tetelo hiya꞉ma꞉ a꞉keda꞉namene.

Yunapi 13:8 Iomraidhean Croise

2 Kolini 1:19

Eiye! Na Poloko ega꞉walo Sailasiko ega꞉walo Timotiko, ale dopamo la꞉ magumulo Wade Tabo eba pa꞉kiyawaolo Godokono Gudu Ya꞉su Kelisokono tanalo ma kunu awokaliminakima꞉, ebete epetapiatamo “Iyo, na kosiyodilomamo” tabo a꞉da꞉ elemasigi gabodo gete, ebe tabone epetapiatamo olobigalo “Ao, na a꞉kosiyodilomo” tabo a꞉kegemene. Numa꞉la꞉, ebete nanidawama꞉ eba eda꞉nalo, a nanitabokobi midipi kowalubinama꞉ tete bilibilinomolo “Iyo” tabo kapiyanomo genako,

2 Kolini 1:20

mabu nanitabola, Godote a kowalubinama꞉ iyaiya tabo da꞉kiyawaonako, ebe tabo bilibilinomono tanaloma꞉ Ya꞉sute “Iyo” tabo eba genalo, ebe kapiyado ebe tanalate nanitabonomoma꞉ beda꞉onamene. Me mabuma꞉ ale Godokono wadewade osiyodilole tanaloma꞉ aimano towetowe tabamo ebe dowalogonakoma꞉, ale “Taula” tabo Ya꞉sukono mailamo ebema꞉ gelanakoma꞉.

Yunapi 1:12

Iyo, me opono inamabuate kolopoligoma꞉, a꞉ma꞉le a꞉imano ubilo ibi bilibilinomo iyabaiamo gito kalomoma꞉ta, lumagite oli kaliku pulima꞉ ebeno tagala kaliku iyabaiamo keba kunu kiyatinakole eba kunu. Wiyasiya a꞉ma꞉ iyakobi a꞉kolowiaemene, mabu uwomua꞉ uwomua꞉ tetelo a꞉imano igilote a꞉kolopoligonamene.”

Ya꞉imesi 1:17

mabu wadewade tanalo bilibilinomate Unu Duliyomolono Nabiwigodone ebeno nilakapolo atamo pelamena, wiyasiya kuba tanalate ebegodone ka꞉pelamena꞉. Ebe tobolo unu da꞉pukuimina ebe maweleno Namutudawala ega꞉walo ebe nanitabo nilakapo Kawodawanomola, ebema꞉ ebeno nilakapo tanalote atamo iyama꞉ keda꞉na꞉, ma kunu tete idilo kawonomamo kawokalimi, tete idilo kela꞉mo kawokalimi, ebete eba kunu kowagelena꞉.

Yuda 1:25

Ebe kapiya ebe Godotela, ebete aimano Kawodawa Ya꞉su Kelisodo aimano Igilo Mula꞉leamedawama꞉ eda꞉na. Nanitabola, ebeno amama tanalo ega꞉walo ebeno wade pukuilame tanalo, ebeno elawo kawonomo ega꞉walo ebeno kawo elawodubuno tanalo, me tanalate dopamo wagilimi mabune ebegodolo a꞉pola꞉namiya! Ebema꞉ modobola me tetelo ega꞉walo uwomua꞉ uwomua꞉ tetelo me atu tanalate ebe kapiyagodolo na꞉ka꞉pola꞉nama꞉na꞉! Me ebe naimano tabo uwomula. Taula.

Awokalilame Tanalo 1:11

Ebete natamo ma kunu gi, “A꞉ma꞉le naimano elawamo dulama꞉wenakomene ebe tanalo bilibilinomo kapiya bukamo akulola꞉wete, ebene ebe buka Epesese ega꞉walo Samena, Pegamama ega꞉walo Tayataila, Sadisi ega꞉walo Piladelapiya ega꞉walo Lodosiya, me sebeni duliyomolamo nalibiye ebe duliyomololo dilukuliona ebe sosi epo bilibilinomate keka꞉la꞉miolema꞉.”

Awokalilame Tanalo 1:4

Na Yonete me buka apuapuno tabo A꞉isiya opono sebeni duliyomolono sosi epatamo palibolitamo. Me opo wagilimia꞉no Godote dopamo okolinami, ega꞉walo me tetelo ebete bokolina, ega꞉walo ebete uwomua꞉ uwomua꞉ tetelo bokolinamene. Nanitabola, ebeno Uliyanano sebeni apuapuate ebeno Kawo Elawodawano okoli bai dopo apulo lamota꞉ona. Ega꞉walo ebeno nanitabo tanalo awokalimidawa ebe Ya꞉su Kelisotela, ebe a꞉e magumune demaigiya ebe Dopodawala, ega꞉walo ebe me opono kawokawo elawodubu bilibilinomono Watodawala. Ebema꞉ modobola nilakapo tanalo ega꞉walo milo tanalote la꞉ nanitabokobi midipi magumulo na꞉pola꞉nama꞉na꞉, mabu ebe netewa tanalate Godogodone ega꞉walo ebeno Uliyanagodone ega꞉walo Ya꞉sugodone la꞉tamo pena. Nanitabola, Ya꞉sute a nilakapolo malagidiloena, ega꞉walo ebete a꞉ka꞉tuwa꞉ ebeno kalimamo a aimano kuba osiyodilole magumune wagaite,

Awokalilame Tanalo 1:8

Kawodawa Godote negena, “Na Wagilimi Mabula ega꞉walo na Uwomula!” Nanitabola, ebe Elawodawanomola, ebete me opo wagilimia꞉no dopamo okolinami, ega꞉walo ebete me tetelo bokolina, ega꞉walo ebete uwomua꞉ uwomua꞉ tetelo bokolinamene!