Yunapi 13:20 - Godokono Wade Tabo

²⁰ Nanitabola, aimano Kawodawa Ya꞉su Kelisote ebeno sipi-goeogoeo Elawo Ulamedawanomoma꞉ eda꞉na, mabu ebeno a꞉e tetelo deka꞉ka꞉liya ebe kalimate Godokono uwomua꞉ teteno nopo ebe kodakodaimina. Ebema꞉ potele ebe a꞉e magumune dadipatiya, ebe Kawodawa Godoko ebe epatamo milo dikalamena ebe dawala,

Godokono Hido Tabo

²⁰ Ba꞉ hibila, aeno Kodawa Ya꞉su Kelisote ebeno sipi-goegoe Helonomo Ulamedawama꞉ eda꞉na, mabu ebeno hoe tetelo da꞉ka꞉ka꞉liya꞉ ba꞉be hawiti Godokono emedena teteno nopo bekodakoduimina. Ba꞉bema꞉ pote ebe hoe ipuwane dadipatiya꞉, ba꞉be Kodawa Godoko ba꞉ tawakaluba꞉tamo hete dikalamena ba꞉be dawala,

Yunapi 13:20 Iomraidhean Croise

Ma꞉tiyu 26:28

mabu Godote epago milolo kilukulinama꞉ nopo diyatiya, me naimano kalimate ebe nopo kodakodaimina, iyo, me kalimate epo epetapi bilibilinomono kuba egebolelaema꞉ keka꞉ka꞉liyamene.

Maka 14:24

Ya꞉sute iba꞉tamo negeni, “Godote epago milolo kilukulinama꞉ nopo diyatiya, naimano kalimate ebe nopo kodakodaimina, iyo, me kalimate epo epetapi bilibilinomo walubilima꞉ keka꞉ka꞉liyamene.

Luku 22:20

Ebene ibino bae nao tanalo dolopoligoni, ebete kalili walo kelawenate negeni, “Me kalili ebe Godote epago milolo kilukulinama꞉ oli nopo diyatiya me ebe tanalola. La꞉ mabuma꞉ deka꞉ka꞉liyamene, me naimano kalimate ebe nopo kodakodaimina.

Yone 10:11

“Ebema꞉ na ebe Wade Sipi-goeogoeo Ulamedawala. Naimano kalakala bitana, nale naimano igilo iyabaiamo eba iyatilo ibino igilo ka꞉mula꞉lelaema꞉.

Yone 10:14

Ebene Ya꞉sute walo na꞉kegiya, “Na ebe Wade Sipi-goeogoeo Ulamedawala. “Nale naimano sipi-goeogoeono tanalo iyatawala, ega꞉walo ibi atumu naimano tanalo iyatawala, Nabiwi Godote naimano tanalo keba kunu kiyatawanale ega꞉walo nale ebeno tanalo atumu keba kunu kiyatawanamo eba kunu. Ebe mabuma꞉ naimano kalakala bitana, nale naimano igilo iyabaiamo eba iyatilo ibino igilo ka꞉mula꞉lelaema꞉.

Oelamepino Ododili Komokomo 13:30

Wiyasiya Godote a꞉ene ebe walo akadipatiya,

Oelamepino Ododili Komokomo 17:31

mabu ebete ibi bilibilinomono tanalo kanagilamelelaema꞉ ebeno Kawo Egela iyalo iyatiya. Iyo, ebete elawo kebe dawatamo kikamiyale, ebe Tuputupu Dubuno anagiyamida magumulo epo bilibilinomate ibino kuba wiya ega꞉walo wade wiya modobonomolo kuwatema꞉na꞉. Ebema꞉ mabu keleka꞉ epate me tabono tanalo nanitabokobi da꞉midima꞉na꞉? Mabu bitana Godote epono ololo apulo ebe Tuputupu Dubu Ya꞉suko a꞉e magumune adipatiya!”

Oelamepino Ododili Komokomo 2:24

Wiyasiya Godote Ya꞉sukono a꞉e temeteme palamilimite ebe a꞉e magumune ebo adipati, mabu a꞉ete ebe laema꞉ elawo puliyala.

Oelamepino Ododili Komokomo 2:32

Nanitabola, Da꞉ibidite me tabo Kelisokono tanaloma꞉ akuloliya, iyo, me Kelisoko ebe Ya꞉sutela, Godote ebe a꞉e magumune dadipati ale aimano balidinomamo ebe ebo uima꞉,

Oelamepino Ododili Komokomo 3:15

Ebema꞉ epatamo igilo dikalamena la꞉le ebe Kawodawa anakapuimata, wiyasiya Godote ebe a꞉e magumune igilamo walo akadipati, iyo, me tanalo ale aimano balida꞉mo duima꞉ a ebema꞉ gelanama꞉.

Oelamepino Ododili Komokomo 4:10

Aimano watowatopiala꞉, modobola la꞉ ega꞉walo Isalaela opo epo bilibilinomo atumu, la꞉ bilibilinomate me tabo wadenomamo niyatawala꞉. Ka꞉lo la꞉imano ololo apulo wadenomamo dutita, me dubute Ya꞉su Kelisoko Nasalete duliyomolodawano elawamo wadekobi olowini. Numa꞉la꞉, me Ya꞉suko ebe la꞉le kewa olotolowamo da꞉tupuguima꞉ima ebe dawala, wiyasiya Godote a꞉ene igilamo ebe walo akadipati.

Oelamepino Ododili Komokomo 5:30

Nanitabola, Ya꞉suko la꞉le kewa olotolowamo tupuguima꞉wete ebo anakapuimata, wiyasiya aimano ewoniate damamatenamiya ebe Godote ebe a꞉ene adipati,

Loma 1:4

ega꞉walo ebete me opolo eba okolinalo Wade-talena Uliyanano ololonomamo okolinami, ebene Godote ebeno Guduno nanitabo tanalo kawokalima꞉ ebe a꞉e magumune igilamo adipatiya. Iyo, me Gudu ebe aimano Kawodawa Ya꞉su Kelisotela.

Loma 10:7

Ega꞉walo atu Buka tabote walo ma kunu kegena, “Opo lumagi, a꞉ma꞉ atumu daedale tabo idi ma kunu akogeala꞉, ‘Naimano nanitabo igilo ka꞉nelaema꞉, a꞉elao epono opamo potele na꞉ka꞉niwisigamene?’” Nanitabokobi mididawa, a꞉ma꞉ numa꞉, Kelisote ebamo iyalo niwisigate a꞉e magumune atamo walo ebo kemaigiya!

Loma 15:33

Epatamo milo dikalamena, modobola ebe Godote la꞉ bilibilinomagodolo nokolinamene. Me tabo ebe nanitabonomola, taula.

Loma 16:20

Ebene epatamo milo dikalamena, ebe Godote tete tatalila Saitanako la꞉imano agowa mabuamo ba꞉idilote, la꞉le ebe agowamo ebo ka꞉mikitamamota. Modobola Kawodawa Ya꞉sukono nilakapo tanalote la꞉godolo nitanamene.

Loma 8:11

Iyo, kebe dawate Ya꞉su Kelisoko a꞉e magumune igilamo dadipatiya, ebeno Uliyanate la꞉ magumulo nanitabolo dokolina, ebete atumu la꞉imano a꞉elao ape igilokobi ka꞉midilimene mabu ebeno Igilo Uliyanate la꞉ magumulo wade woko bosiyodilona.

1 Kolini 14:33

mabu Godoko ebe epatamo gelebadi ega꞉walo milo dikalamena ebe wadenomo Godola. Iyo, ebe ubia꞉nola ebeno sosi epate daladabutinaka, ibi bilibilinomate ibino ubi tetelo iyaiya geboo tanalo kosiyodilolema꞉, mabu ebe tanalo ebe nanitabo woko odiyobo tanalola! Ebema꞉ me tanalo idila. Godokono epo bilibilinomate ibino iyaiya sosi magumulo kebe tanalo kosiyodilone,

1 Kolini 15:15

Numa꞉la꞉, Kelisote a꞉e magumune maiga꞉notaleka꞉, ale Godokono osiyodilo tanaloma꞉ a꞉da꞉ tabo begelana꞉, mabu Wade Tabo kiyawao woko magumulo ale ma kunu kiyawaonakoma꞉, ebete Kelisoko a꞉e magumune nanitabolo adipatiya. Wiyasiya la꞉ epetapiate negelanamata Godote a꞉elaopi igilamo a꞉kowadipalatelemene. Eiye, ebe tanalote nanitaboma꞉ neda꞉taleka꞉, Godote Kelisoko a꞉e magumune nanitabolo akadipatiyana꞉!

1 Kolini 6:14

Numa꞉la꞉, Godote aimano Kawodawa a꞉e magumune eba adipatelo ebeno a꞉e ape igilokobi ebo midiya, ebema꞉ ebete ebeno elawamo a wadipaeatelo aimano a꞉elao ape atumu igilokobi ka꞉ka꞉midilimene.

2 Kolini 13:11

Ebema꞉ naimano nanitabokobi midipi ekakiala꞉, me leta uwomu apulo nale la꞉tamo yawo tabo kiyawaomo. Modobola la꞉ la꞉imano woki kawonomamo niyatinakiyala꞉, la꞉le la꞉imano nanitabokobi midi magumulo kodakodalo walo ka꞉kelamota꞉wenama꞉. Ega꞉walo la꞉le nigologolopi kowalubila꞉ema꞉ nale la꞉ danaletama, modobola la꞉ ebe tabamo na꞉tudilaoala꞉, ebene woki kapiyama꞉ eba eda꞉olo wade milo magumulo nilukulinala꞉. Ebema꞉ la꞉ eba kunu eba ilukulinalo, potele nilakapo tanalo ega꞉walo milo tanalo epatamo dikalamena, ebe Godote la꞉ magumulo bokolinamene.

2 Kolini 4:14

Iyo, a me tanalo iyatawala, potele aimano Kawodawa Ya꞉suko igilamo dadipatiya, ebe Elawodawate ebe keba kunu igilokobi ka꞉midiyale, ebete eba kunu a ebeno nani wokopi igilamo atumu kowadipaeatemene, ebene ebete la꞉la, ala, a bilibilinomo ebeno ololo apuamo nanitabolo gito kemagataemene.

Galesiya 1:1

Na ebe Polotela, Ya꞉su Kelisote ebeno sosi wagilima꞉ iyaiya opamo daliboliya, ebe wokopi magumulo na idila, iyo, potele ebe a꞉e magumune dadipatiya, ebe Nabiwi Godote eba꞉go na ebe woko kosiyodilonama꞉ eka꞉na꞉miya, lumagi idino ubi tanalodoa꞉.

Pilipai 4:9

Ebene la꞉ kebe tanalo naimano iyatulame tanalodo kolowiawenakima ega꞉walo naimano osiyodilole tanalodo kulama꞉wenakima, modobola la꞉ ebe tanalo bilibilinomo nosiyodilolenakiyala꞉. Me gabodo potele milo epatamo dikalamena, ebe Godote la꞉godolo nanitabolo bokolinamene.

Kolosi 2:12

Ebema꞉ numa꞉la꞉, la꞉imano Kelisoko nanitabokobi midi tanalo kawokalima꞉ sosi watowatopiate la꞉ obamo eba waduba꞉midaolelo la꞉le obo magumamo ebo niwitimata, dopamo tetelo epetapiate Kelisokono a꞉e ape bobo magumamo keba kunu kiyatiye eba kunu. Ega꞉walo la꞉ obo magumune demaimiaima, ebe tetelo la꞉ Godokono elawo nanitabokobi eba midilo ebete la꞉ igilamo ebo wadipalateliata, dopamo ebete Kelisoko igilamo keba kunu kadipatiyale eba kunu.

1 Tesalonaika 1:10

ega꞉walo Godokono Gudute Unu Duliyomolone pema꞉ la꞉le ebe tanalo demakopela꞉wenama, iba꞉te ebe tanaloma꞉ atumu na꞉kegelana. Me tanalo nanitabola, Godote ebeno Gudu a꞉e magumune igilamo adipatiya, ebema꞉ me Ya꞉sute a nanitabokobi midipino igilo na꞉mula꞉leamena, Godogodone da꞉pemene ebe dowa tanalo kawonomote a puwatekapoma꞉.

1 Tesalonaika 5:23

Nanitabola, kebe dawate a nanitabokobi midipiatamo milo dikaeamena, ebe Kawodawa ebe Godotela, ebema꞉ ale la꞉ mabuma꞉ ebe ma kunu toweomenakoma꞉, ebete la꞉imano ilukuli tanalo bilibilinomo magumulo la꞉ ebeno nani talenapima꞉ eba midililo, ebete la꞉imano uliyanano woki ega꞉walo tepo magumuno ubi tanalo ega꞉walo ape kawonomono osiyodilole tanalo wadenomamo nulamelelamenakoma꞉ta. Kalakala kawonomola, me gabodo Kawodawa Ya꞉su Kelisokono pe tetelo kuba da꞉peso idite la꞉ magumulo a꞉kitanamene.

2 Tesalonaika 3:16

Ebema꞉ milo atamo dikaeamena, modobola ebe Kawodawate la꞉ bilibilinomagodolo eba okolinalo tete bilibilinomolo ebe a꞉ka꞉tuwa꞉ la꞉imano tanalo bilibilinomo magumulo ebeno milo la꞉tamo nikalamenakoma꞉ta.

Yunapi 10:22

Ebe mabuma꞉ modobola aimano tepo magumulo woki bilibili tanalote itana꞉no, ale woki bilibilia꞉noma꞉ eba eda꞉onalo aimano nanitabokobi midi tanalodo Godoko niyakabonomamo ka꞉nemaimiomalema꞉. Nanitabola, Kelisote dopamo aimano tepo magumamo ebeno kalima danamogamidaoliya, ebema꞉ me tetelo aimano tepo magumuno wokite kuba osiyodilolepima꞉ keka꞉mina꞉, ega꞉walo ale me tanalo idi iyatawala, ale aimano apeno daleya tanalo atumu ka꞉kukulaleaema꞉ obamo iyalo a꞉niwitiyama꞉.

Yunapi 10:29

Ebema꞉ la꞉imano woki keba kunula꞉ka꞉? A tetelo Godokono Gudute atamo a꞉piya, ebema꞉ kebe lumagite ebetamo tuduwatama꞉ ubia꞉noma꞉ deda꞉na, Godote ebetamo kuba wiya dikaemene beda꞉ kawonomola꞉ka꞉! Eiye, Ya꞉sukono kalimate Godokono oli nopo eba kodakodaiminalo, ebe modobola ebe lumagino kuba iyabaiamo kowataema꞉! Wiyasiya ebe lumagite ebe wade kalima dologala inamabuma꞉ eba genalo, kebe Walubidawate ebetamo nilakapo awokalima꞉ dowagelenako ebete ebe Wade-talena Uliyana malogonako.

Yunapi 9:20

Ebene Mosesete ebe tanalo eba osiyodilolo epo ma kunu analiya, “Godote ebeno nopo la꞉tamo diyati, me kalimate ebe nopo kodakodaimi, ebema꞉ la꞉le ebe nopono tabono tanalo bilibilinomamo na꞉tudila꞉onakiyala꞉.”

1 Pita 1:21

ebene ebete da꞉iya ebe tetelo Godote a꞉e magumune ebe eba adipatelo ebeno elawo alonomago ebe ebo walogiya. Ebe mabuma꞉ la꞉le Kelisodo Godoko nanitabokobi eba midinalo, ebegodone la꞉imano wadewade tanalo nanitabolo uwatema꞉ ebeno pe tanalo olowiolo makopelenamata.

1 Pita 2:25

Ebema꞉ numa꞉la꞉, dopamo tetelo la꞉ iyaiya dalatidiawiyama ebe sipi-goeogoeomu ilukulionaimata, wiyasiya ka꞉lo Godote la꞉ walo a꞉kemagaeliyata la꞉imano Wade Sipi-goeogoeo Ulamedawa kowaloma꞉tawenama꞉, ebe la꞉imano tepo magumuno Woki Buiyalateledawala.

1 Pita 5:4

Ebema꞉ la꞉ eba kunu eba wagelenalo, la꞉ sipi-goeogoeo ulamepino Kawodawate da꞉pemaigamene, ebe tetelo kawokawo elawodubate ibino watamo da꞉pupulinaka, la꞉ ebakobako wadewade a꞉la꞉uwa꞉da꞉ole kelekele inamabu ebegodone kuwatemamota. Kalakala kawonomola, ebe kelekele inamabuno a꞉la꞉uwa꞉da꞉ole tanalote uwomua꞉ tetelo a꞉kolopoligonamene.