Yunapi 13:2 - Godokono Wade Tabo

² Ega꞉walo piyate kapelapimu opo idine la꞉tamo da꞉pelamenaka, la꞉ ibi la꞉imano motamo kalakalago uwatema꞉ woki wadenomamo nalomonakiyala꞉. Nanitabola, dopamo nanitabokobi midipi epetapiate ibino ilukuli magumulo eba kunu eba osiyodilonalo, Godokono Unu Duliyomolono nopopi epetapiate iba꞉tamo da꞉pelamiya, iba꞉te ebe nopopino nanitabo tanalo iyatawaoa꞉no gito walubiliya.

Godokono Hido Tabo

² Ba꞉gala puya꞉te kapelapimo eta hopone la꞉tamo da꞉pelamenaka, la꞉ ibi la꞉eno genamamo kalakalago uwatema꞉ ukui hidamo na꞉miya꞉tenakuya꞉la꞉. Ba꞉ hibila, dopamo komo hibima꞉ midipa꞉te ibino emede ipuwalo ba꞉ba ka꞉na ba ododina, komo Godokono Hunu Haboeno nopopa꞉te iba꞉tamo da꞉pelamiya꞉, iba꞉te ba꞉bi nopopino hibi komo iya꞉tawahaheno ba꞉ dito owalubiliya꞉.

Yunapi 13:2 Iomraidhean Croise

Ma꞉tiyu 25:35

Mabu na bae kapete dunamenaki ebe tetelo la꞉le bae natamo ikanamonenakimata, ega꞉walo na obo kapete dunamenaki la꞉le na obamo owalubininakimata. Nale kapeladawamu la꞉tamo da꞉pemaiganakimo ebe tetelo la꞉le na kalakalago elawenenakimata,

Ma꞉tiyu 25:40

“Ebene Kawo Elawodawate iba꞉tamo kowaimene, ‘Me na waloma꞉enepi nulama꞉la꞉. Na la꞉tamo nani tabo gemo, la꞉le ibi magumulo lumagi da꞉pesonomotamo mako wade tanalo dosiyodilawenaima, la꞉le natamo osiyodilonaimata.’

Ma꞉tiyu 25:43

Na kapeladawamu da꞉pemaiganakimo, la꞉le na kalakalago kelawena꞉wenakia꞉, ega꞉walo na pupuliono inamabua꞉ tetelo gito da꞉lutanakimo la꞉le kaliku ka꞉pulinama꞉wenakia꞉. Gabugabute na dunamenaki ega꞉walo kubakubapi epetapiate na idoko motamo diyatininakiya, la꞉le na ka꞉powalubina꞉wenakia꞉.’

Oelamepino Ododili Komokomo 16:15

Ebema꞉ Lidiyako ega꞉walo ebeno moto epo, ale ibi obamo waduba꞉midaolete ebete a ma kunu anaiya, “La꞉le na Kawodawa Ya꞉sukono nanitabokobi mididawa idima꞉ nanitabolo degelaema, modobola la꞉ pelama꞉wete naimano motolo na꞉pilukuliyala꞉.” Ebene ebete a kawiya da꞉toweoamiya, ale ebeno tabamo tudila꞉ote eba꞉go gito pelamiyama꞉.

Loma 12:13

Ebene ebeno epo magumulo piyate modoboa꞉noma꞉ deda꞉ona, modobola la꞉le ibi nowalubilinakiyala꞉, ega꞉walo kapela epo atumu eba walubililo bae ega꞉walo lao bai iba꞉tamo nikalamolenakiyala꞉.

Loma 16:23

Ega꞉walo Ga꞉iyasite ebeno nilakapo tabo kapalibo, ebeno motamo sosi epate paladabutinaka, ega꞉walo na Polote eba꞉go eba okolinalo ebete na wadenomamo walubininako. Ebene me kawo duliyomolono gabamani apulo mani dumina ebe dubu Elastasiko, ebete aimano nanitabokobi midi ekawi Katasiago, iba꞉te la꞉tamo ibino nilakapo tabo atumu nakapaliba.

1 Timoti 3:2

Ebe mabuma꞉ ebe wokodawano osiyodilole tanalo magumulo kuba kapiya idi da꞉pesonomote itanama꞉ modoboa꞉. Ma kunu sosi watodawate kamiyale kapiyagodawama꞉ eda꞉te, ebene nanitabokobi midipi magumulo ebeno okoli tanalo tuputupunomolo eba itanalo, ebete wadewade mulo woki kapiya malagidilolelo ebe a꞉ka꞉tuwa꞉ ebeno tanalo wadenomamo nulamenakomene. Ebene ebete ebeno motolo kapela epo wadenomamo nowalubilinakomene, ega꞉walo modobola ebete Godokono tabo kiyawao magumulo wade iyatulamedawama꞉ neda꞉mene.

1 Timoti 5:10

modobola sosi epate ebeno osiyodilole tanalo dopamo nulamelema꞉na꞉. Ebema꞉ iba꞉te ebe wade kamiyalenomoma꞉ degelama꞉na꞉, ma kunu dopamo ebeno gudino egege tetelo ebete ibi wadewade iyatulame tanalamo dowalubilinaki, ega꞉walo me tetelo ebete iyaiya nilakapo tanalo bilibilinomo osiyodilolema꞉ ebeno ubi kawonomamo eba iyatinalo, ebete ebeno motolo kapela epo wadenomamo dowalubilinako, ega꞉walo nanitabokobi midipi epetapi walubilima꞉ agowa ukulaoleno obo iba꞉tamo dowadaenako, ega꞉walo tete epetapilo nigologolopi nilakapolo atumu da꞉kowalubilinako, modobola a꞉ma꞉ ebako amole kapiya walubi nowagilimiye.

Taitasi 1:8

Modobola ebe wiyasiya ebeno motolo kapela epo wadenomamo nowalubilinakomene, ega꞉walo ebete Godokono wade okoli tanalo kawonomamo eba malagidilonalo, ebe a꞉ka꞉tuwa꞉ ebeno iyaiya tanalo wadenomamo nulamenakomene. Ebene sosi watodawano tuputupunomo okoli magumulo modobola ebete ebeno ape Godokono woko kapiyamo eba iyatinalo kateneno kuba ubi tanalamo tuduwatama꞉ modoboa꞉,

1 Pita 4:9

Ega꞉walo modobola la꞉ ubia꞉ tabo gela꞉no epetapiate epetapi baeamo ega꞉walo lao baino tanalamo nowalubiuinakiyala꞉.

3 Yone 1:5

Naimano wade namutudawa, numa꞉, a꞉ma꞉le nanitabokobi midipi ekaki Godokono woko osiyodilo magumulo ulama꞉wete ibi baeamo ega꞉walo lao baino tanalamo dowalubila꞉wenaka, ebema꞉ a꞉ma꞉ atumu Godokono nani wokodawa idima꞉ eda꞉nata. Ega꞉walo kalakala kawonomola, Godokono wokopi bilibilinomo magumulo a꞉ma꞉ a꞉imano epo kapiya kowalubila꞉wena꞉, ao, piyate iyaiya kapela duliyomolone da꞉pelamenaka a꞉ma꞉le ibi atumu wadenomamo a꞉kowalubilinakota.