Yunapi 13:10 - Godokono Wade Tabo

¹⁰ La꞉ iyatawalata, aimano Yu epo epetapiate Godokono tagala nopodo ebe kebe motolo kamamatenake, kalimagono inamabu ikameopiate amamatepino kuba osiyodilole mabuma꞉ dabiole inamabu Godotamo eba ikameolo elamo ebo madolamenaka, ebema꞉ ebe katene naoma꞉ talena kawonomote iba꞉godolo bitana. Wiyasiya numa꞉la꞉, Ya꞉sute kewa olotolowalo ebeno ape kalimagono nilakapo inamabuma꞉ midite Godotamo dikamiya, a nanitabokobi midipiagodolo talena kitana꞉ ebe ikame tanalo kalakalago naoma꞉, iyo, piyate tagala nopo magumune ka꞉nemaimia꞉ me talenate ibi kapiyatamo italamena.

Godokono Hido Tabo

¹⁰ La꞉ iya꞉tawahala, aeno komo Yunapa꞉te Godokono pakala nopodo ebe kebe genamalo kadikuminaka, hawa꞉goeno ilina ikamehopa꞉te adikumipino kuba ododili mabuma꞉ hiya꞉hiya꞉ dabihole ilina Godotamo ba ikameho koa꞉mo ba꞉bo emadolamenaka, ba꞉bema꞉ ba꞉bi katene nahama꞉ talona konomote iba꞉godolo bitana. Huiyatiya numa꞉la꞉, Ya꞉suti keha pihigalo ebeno ape hawa꞉goeno malemale ilinama꞉ miditi Godotamo dikamiya꞉, a hibima꞉ midipa꞉godolo talona kitanaha꞉ ba꞉be ikame komo kalakalago nahama꞉, iyo, puya꞉te pakala nopo ipuwane kikuliha꞉ ba꞉moe talonate ibi kapiyatamo italama꞉na.

Yunapi 13:10 Iomraidhean Croise

1 Kolini 10:20

Ao, naimano tabono magumu eba kunua꞉! Nanitabo tanalo ebe ma kunula, ida꞉da꞉li amamalatelepiate ibino kalimagono inamabu Godotamo kikameonakoa꞉, iba꞉te wiyasiya ida꞉da꞉lino a꞉da꞉ elemasigi uliyanatamo ikalamolenaka. Ebe mabuma꞉ na ubia꞉nola la꞉ nanitabokobi midipiate la꞉imano osiyodilole magumulo ebako kuba uliyanago kapiyama꞉ keda꞉wenama꞉!

1 Kolini 9:13

Ega꞉walo me tanalo idila. La꞉ Yu epono tanalo iyatawala꞉ka꞉, ma kunu piyate Godoko Amamateno Iya Motolo woko dosiyodilona, iba꞉te ebe woko magumune ibino bae modobolo naonaka? Iyo, piyate Godoko watidilono patapata unamo kalimagono inamabu elamo dalomonaka, ibi a꞉ka꞉tuwa꞉ ibi kowalubilima꞉ ebe kalimagono inamabu magumune katene apuapu uwatenaka.

Yunapi 8:5

Ebema꞉ piyate me opolo woko dosiyodilona, ebe dubuno woko ebe aimano Kawodawate Unu Duliyomololo dosiyodilona ebe nanitabo wokono uli keba kunula꞉ka꞉ eba kunula. Eba kunu Mosesete Godoko amamateno sipi-goeogoeo tama awokowiamida moto dadipatiya, ebe motote Godokono Unu Duliyomololo da꞉ena ebe nanitabo motono ulima꞉ atumu keda꞉na. Iyo, ebe mabuma꞉ Mosesete ebe moto bulu opolo ete wagilimia꞉no, dopamo Godote ebe ma kunu aniya, “Nale naimano nanitabo motono uli a꞉ma꞉ Sainai Ununomo Damelalo keba kunu kiyatumitima, modobola a꞉ma꞉le na amamanateneno moto eba etelo motono iyaiya tanalo eba kunu nosiyodiloliye.”