Yunapi 12:5 - Godokono Wade Tabo

^5-6 Ebema꞉ me kawo tanalo akododomatiala꞉. Godote la꞉ ebeno gudima꞉ ka꞉la꞉minata, iyo, ebema꞉ ebeno Bukalo me tabote la꞉imano temeteme tanaloma꞉ gena, “Naimano gudu, temeteme tanalo epetapiate Kawodawano ubi tanalodo a꞉ma꞉tamo maimiote, ebete ebe tanalamo a꞉ma꞉ diyatumitamene, modobola a꞉ma꞉ ebe iyaiya iyatumi tanalamo na꞉tuduwatiye, ega꞉walo ebete a꞉imano kuba osiyodilo tanalo idima꞉ kawiya danatamene, a꞉ma꞉ kuiwodopoma꞉ akoeda꞉la꞉. Nanitabola, Kawodawate kebe epo nilakapolo demalagidilolena, ebete ibi temeteme tanalamo iyatulamenako, ega꞉walo ebete kebe lumagi ebeno guduma꞉ degenako, ebete ebe lumagino kuba osiyodilole tanaloma꞉ ebetamo iyaiya temeteme tanalamo wiya ikameonako.”

Godokono Hido Tabo

^5-6 Ba꞉bema꞉ ba꞉moe ko komo akadodala꞉. Godote la꞉ ebeno gugudima꞉ ka꞉laminata, iyo, ba꞉bema꞉ ebeno Bukalo ba꞉moe tabote la꞉eno temeteme komoma꞉ goena, “Naeno gudu, komo temeteme komate Kodawoeno ubi komodo ama꞉tamo ikuliti, ebete ba꞉bi komamo ama꞉ diya꞉tumimina꞉, wadiyala ama꞉ ba꞉bi iya꞉tumi komamo na꞉papamiwatuya꞉, ba꞉gala ebete amia꞉no eta kuba ododi komoma꞉ da꞉kiyahamemena꞉, ama꞉ kuiyodopoma꞉ akeda꞉la꞉. Ba꞉ hibila, Kodawate pui malemalelo demalagidolena, ebete ibi temeteme komamo iya꞉tulamenako, ba꞉gala ebete poko ebeno guduma꞉ da꞉ka꞉minako, ebete ba꞉be lumagino kuba ododili komoma꞉ ebetamo hiya꞉hiya꞉ temeteme komamo huiya ikamehonako.”

Yunapi 12:5 Iomraidhean Croise

Luku 24:6

Ebe malo puliyala, ebe emaigaka! Ebete Ga꞉lili opolo la꞉ danaletia, la꞉ ebe tabo nemalagidilala꞉.

Luku 24:8

Ebe tetelo ebe kamiyala꞉te Ya꞉sute iba꞉tamo dopamo kebe tabo kegiyale ebe tabo ebo malagidiliya,

1 Kolini 11:32

Nanitabola, kebe tetelo ebete a anagiyamidae magumulo kuba wiya dikaeaemene, ebeno ubi tanalo atamo ma kunu itananako, ebete a me tetelo temeteme tanalamo tuputupulo kilukulinama꞉ diyatuamenako, walone tetelo me opo epate ibino uwomua꞉ teteno kuba wiya eba uwatelo, a wiyasiya kuba wiya a꞉kelaema꞉.

Galesiya 6:9

Ebema꞉ modobola a aimano wadewade osiyodilole magumulo elawoa꞉noma꞉ a꞉keda꞉onama꞉, mabu ale elawoa꞉noma꞉ eda꞉oa꞉no walone tetelo a aimano wadewade wiya kuwatemalema꞉, lumagite pali woko osiyodilo magumune wadewade inamabu keba kunu kuwatenakole eba kunu.

1 Timoti 1:20

Iyo, Aimaneyasiko ega꞉walo A꞉lesandako ibi netewapi ebakopila, ebe mabuma꞉ nale ibi nanitabokobi midipino taneba magumune wagailite Saitanakono koto magumamo gito alomimo, iba꞉te ibino kuba wiya eba lawelo wade woki ma kunu kelaema꞉, iba꞉te Godokono tanaloma꞉ kubakuba tabo walo a꞉kegelanakoma꞉na꞉.

Yunapi 12:7

Iyo, numa꞉la꞉, me opo kawonomolo nabiate ibino gudi walubilima꞉ temeteme ikalame tanalamo ibi iyatulamenaka, iba꞉te kuba osiyodilole tanalo eba miyapalo wadewade tanalo kapiya kosiyodilolema꞉. Ebema꞉ la꞉ iyaiya temeteme magumulo da꞉pola꞉wenama elawoa꞉noma꞉ akoeda꞉oala꞉, mabu me opo epo keba kunula꞉ka꞉ Godote eba kunu la꞉ ebeno gudima꞉ eba genalo la꞉ temeteme tanalamo ebo iyatulamenakota. Ebema꞉ nanitabola, ebete la꞉ temeteme tanalamo iyatulamea꞉notaleka꞉, la꞉le ebeno nani gudima꞉ a꞉keda꞉wena꞉, la꞉ wiyasiya pilo gabodo dawokalaiya ebako gudima꞉ beda꞉wena꞉.

Yunapi 13:22

Ebema꞉ nanitabokobi midipi ekakiala꞉, nale la꞉ ka꞉toweolaemata, nale la꞉imano tepo magumuno woki walubilima꞉ me leta magumamo kebe tabo kakulolemo, la꞉ ebe tanalo bilibilinomo olowioma꞉ ubia꞉noma꞉ akoeda꞉oala꞉, mabu nanitabola, nale me leta magumulo naimano tabo ka꞉geyageyailama꞉tepalea꞉.

Ya꞉imesi 1:12

Ebema꞉ kebe nanitabokobi mididawate kawokawo temeteme magumulo kodakodanomolo dutinamene, modobola ebete nekalakalamene mabu ebete ebako wabudi magumulo kodakodama꞉ deda꞉mene ebete uwomua꞉ igilo wiya kelaemene. Numa꞉la꞉, me igilo ebe piyate Godoko nilakapolo demalagidilona ebete iba꞉tamo ikalaema꞉ nanitabolo degiya ebe tanalola.

Awokalilame Tanalo 3:19

Ebema꞉ a꞉ma꞉ me taboma꞉ ubia꞉noma꞉ akoeda꞉la꞉, wiyasiya a꞉imano nanitabokobi midi tanalo kodakodaima꞉wete kuba osiyodilole magumune natamo nanitabonomolo nolobigiye, mabu nanitabola, nale kebe gudi nilakapolo demalagidilolenamo, ebe guda꞉te naimano nanitabo gabo kiyatawaoma꞉ nale tete epetapilo ibi kawiya analenakomo ega꞉walo tete epetapilo ibi temeteme tanalamo iyatulamenakomo.