Yunapi 11:33 - Godokono Wade Tabo

³³ Nanitabola, ibi epetapiate ibino nanitabokobi midi tanalodo gowelao magumulo opo epetapino wato kikopu eba uwatelo ibino kapela kawokawo elawodubuma꞉ ebo eda꞉onakiya. Iyo, iba꞉te ibino ilukuli magumulo tuputupu tanalo dosiyodilolenakiya, ebema꞉ Godote iba꞉tamo kebe wadewade tanalo ikalaema꞉ nanitabolo danalenaki, iba꞉te ebe tanalo gito uwatenakiya. Eba kunu tete idilo ibi epetapiate layono-gaagaa gelebadikobi gito midiliya, ebe elawoelawo inamabuate ibi kubailamekapoma꞉.

Godokono Hido Tabo

³³ Ba꞉ hibila, komo iba꞉te ibino hibima꞉ midi komodo alaholoho ipuwalo komo hoponapino wato kikipo ba uwate ibino kapela koko gawadubuma꞉ ba꞉bo eda꞉hanakuya꞉. Iyo, iba꞉te ibino emede ipuwalo tuputupu komo dododilinakui, ba꞉bema꞉ Godote iba꞉tamo kebe hidohido komo ikalamema꞉ hibilo da꞉kiyalamenakui, iba꞉te ba꞉bi komo ba꞉ dito uwatenakuya꞉. Ba꞉ ba꞉ba ka꞉na eta tetelo komo iba꞉te layono-gahagaha dito gelebadilamiya꞉, ba꞉bi helohelo ilinate ibi kubahilamekapoma꞉.

Yunapi 11:33 Iomraidhean Croise

Ma꞉tiyu 5:12

Iyo, la꞉ kawonomamo nekalakalala꞉, mabu walone tetelo la꞉le Godokono Unu Duliyomololo la꞉imano wiya kawokawonomo ka꞉nuwatemamota. Numa꞉la꞉, dopamo tetelo dilukulinamiya ebe kubakubapiate atumu Godokono woki awokalimipiatamo kawokawo temeteme eba kunu kikalamenamiya.”

Galesiya 3:16

Eba kunu Godote ebeno Bukalo iyaiya tete epetapilo ebeno nopo A꞉ibalayamatamo eba iyatilo tabo nanitabolo ebo genaki, ebete ebe ega꞉walo ebeno walonepi kowalubilinakoma꞉, wiyasiya numa꞉la꞉, ebe tabono tanalate A꞉ibalayamakono walonepi bilibilinomono tanaloma꞉ unulo eba pola꞉nalo, ibino kawo magumu ebe walonedawa kapiyanomono tanaloma꞉ gena, ebe dawa ebe Kelisotela.

Yunapi 10:36

Iyo, modobola la꞉ me tetelo la꞉imano temeteme magumulo kodakodalo walo na꞉kelamota꞉onala꞉, mabu Godote la꞉tamo ikalaema꞉ nani tabonomo dopamo keba kunu kegiyale, la꞉ eba kunu ebeno ubi tanalamo tudila꞉o tanalodo wade wiya kuwatemamota.

Yunapi 11:17

Mabu A꞉ibalayamate Godoko nanitabokobi na꞉midinami, ebema꞉ ebete ebeno gudu Aisa꞉keko ebetamo ikaema꞉ ka꞉wokolomiya꞉. Numa꞉la꞉, dopamo Godote A꞉ibalayamatamo me tabo nanitabolo egiya, “Me gudu Aisa꞉kegodone a꞉imano walone gudi bilibilinomate kemaimioma꞉na꞉.” Wiyasiya Godote A꞉ibalayamakono nanitabokobi midi tanalo kuima꞉, ebete Aisa꞉keko kalimagono nilakapo inamabuma꞉ midite ebetamo ikaema꞉ daniya, ebe tetelo A꞉ibalayamate ebeno tabamo tuduwatama꞉ ebo olosiyodiliya,

Ya꞉imesi 2:18

Wiyasiya la꞉imano nanitabokobi midipino taneba magumulo epetapiate negelana, “Lumagigodolo wadewade osiyodilole tanalate pola꞉na꞉no kuba꞉, mabu Godoko nanitabokobi midi tanalo ebe tepo magumuno osiyodilo tanalola, apa꞉mo osiyodilo tanaloa꞉.” Ebema꞉ na Ya꞉imesite ibino tabo eba wiyalo negemo, “La꞉le wadewade tanalo dosiyodilola꞉ema nale la꞉imano nanitabokobi midi tanalo ebo kiyatawamamo, wiyasiya la꞉le osiyodilolea꞉no na a꞉kiyatawamo. Numa꞉la꞉, naimano tanalo ma kunula, epetapiate naimano nanitabokobi midi tanalo kiyatawaoma꞉ nale wadewade tanalo ebema꞉ osiyodilolenakomo.”

1 Pita 5:8

La꞉ nanisiwale! La꞉ olowiolo nilukulionala꞉, mabu la꞉go gowelaodawa ebe Saitanatela, ebe layono-gaa kawonomo keba kunula꞉ka꞉ eba kunula, iyo, ebete epatamo tole kawonomo eba ikalamelo opola꞉go ibi naoma꞉ olena.