Yunapi 10:38 - Godokono Wade Tabo

³⁸ Ebema꞉ epo magumulo potele naimano tuputupudawama꞉ deda꞉na, ebete na nanitabokobi midini tanalodo nanitabo igilo kelaemene, wiyasiya kebe dawate nanitabokobi midi tanalone dolobigamene, ebe mabuma꞉ naimano kalakalate ebetamo a꞉kitanamene.”

Godokono Hido Tabo

³⁸ Ba꞉bema꞉ tawakalubi ipuwalo pote naeno tuputupudawama꞉ deda꞉na, ebete na hibima꞉ midini komodo hibi ka꞉ka꞉ kolawema꞉ne, huiyatiya kebe dawate hibima꞉ midi komone dohobigamene, ba꞉be mabuma꞉ naeno kalakalate ebetamo a꞉kitanamene.”

Yunapi 10:38 Iomraidhean Croise

Ma꞉tiyu 12:18

“Me naimano wade Wokodawala, nale ebe dopamo eka꞉miyamo. Nale ebe nilakapolo eba malagidilonalo ebetamo kawonomamo nekalakalanamo, ebema꞉ nale naimano Wade-talena Uliyana ebe unamo nalibote, ebene ebete iyaiya opo epatamo ibino igilo mula꞉lelame tanaloma꞉ tabo ka꞉kiyawaomene.

Ma꞉tiyu 13:21

wiyasiya ibino tepo magumulo dolodolo puliyala. Ebema꞉ iba꞉te Godokono woko magumulo tete da꞉pesamo ilukula꞉tepate, ebene Godokono taboma꞉ temeteme tanalate iba꞉tamo da꞉pemaimioma꞉na꞉ ega꞉walo epate ibino tanaloma꞉ degelama꞉na꞉, iba꞉te samonomamo kalautioma꞉na꞉.

Loma 1:17

Nanitabola, Wade Tabote me tanalo awokalimina, Godote epo ibino nanitabokobi midi tanalo kapiyado tuputupupima꞉ midilinako, iyo, epate nanitabokobi midi tanalone wagilimite uwomuamo eba kunu ka꞉nemaimioma꞉na꞉, mabu Godokono Bukalo tabo idite ma kunu gena, “Piyate Godokono tuputupupima꞉ deda꞉ona, iba꞉te ebe nanitabokobi midi tanalodo nanitabo igilo kelaema꞉na꞉.”

Galesiya 3:11

Ebema꞉ numa꞉la꞉, a opo epo bilibilinomagodolo lumagi idite modoboa꞉noma꞉ eda꞉na Godokono Totomu Tabo bilibilinomamo ka꞉tuduwatama꞉, iyo, ebe tanalone a iyatawala, Totomu Tabamo tuduwata tanalodo Godote lumagi idi ebeno tuputupudawama꞉ a꞉ka꞉midimene. Nanitabola, ebe gabo kitana꞉, wiyasiya kalakala kawonomola, Godokono Bukalo tabo idite ma kunu gena, “Piyate Godokono tuputupupima꞉ deda꞉ona, iba꞉te ebe nanitabokobi midi tanalodo nanitabo igilo kelaema꞉na꞉.”

1 Tesalonaika 2:15

Ebema꞉ modobola la꞉ ebe nanitabokobi midia꞉ Yu epono tanalo nemalagidilala꞉, Godokono elawo tanalote iba꞉tamo kawonomamo itana, mabu iba꞉te epo nodiyobolena ebetamo pelaema꞉! Iyo, iba꞉te dopamo Godokono woki awokalimipi danakapulamenakiya, ebene ebe atu gabodo Kawodawa Ya꞉suko akanakapumiya ega꞉walo a ebe nanitabokobi midipi aimano opone elawamo gito a꞉na꞉ma꞉ateiya.

Yunapi 10:39

Wiyasiya kalakala kawonomola, piyate Godoko nanitabokobi midi tanalone olobila꞉oa꞉no ibino igilo mula꞉ tanalo kodakodalo datila꞉na, a ebe epola, iyo, Godokono nanitabo igilote agodolo akalatidimene.

Ya꞉imesi 5:6

Ega꞉walo me tanalo idila. Tete epetapilo la꞉le tuputupu epatamo dowaawete, ebene la꞉le ibi gabamaniatamo gito magatalenakomata iba꞉te iba꞉tamo a꞉e wiya kikalaema꞉. Eiye! Ebe epate la꞉tamo kuba idi kosiyodilonakoa꞉, wiyasiya ebe gabodo la꞉le ibi gito anakapulamenakomata!

1 Yone 2:19

Numa꞉la꞉, ebe dubate aimano taneba datepiya, ebe mabuma꞉ iba꞉te aimano taneba epoma꞉ nanitabolo keda꞉ona꞉. Kebe tetelo iba꞉te aimano tanebapima꞉ neda꞉onataleka꞉ iba꞉te a magumulo bilukulionana꞉, wiyasiya iba꞉te a nanitabolo da꞉miyapaiya ebe tanalote a niyatuamena, ibi magumulo lumagi idite aimano tanebadawama꞉ keda꞉na꞉.