Yunapi 10:20 - Godokono Wade Tabo

²⁰ Nanitabola, ebete a꞉e magumulo ebeno ape Godotamo dikamiya, ebete Talena Bainomo kaliku ubili ebo a꞉iyamidiya ale ebamo ka꞉nopila꞉oma꞉, mabu ebeno ikame tanalodo ebeno ape ebe kaliku ubili keba kunula꞉ka꞉ eba kunu ediya, iyo, ebete kebe oli gabo atamo dosiyodiliya, ebe gabo ebe uwomua꞉ teteno igilo gabola.

Godokono Hido Tabo

²⁰ Ba꞉ hibila, ebete hoe ipuwalo ebeno ape Godotamo dikamiya꞉, ebete Talonanomo Haboeno kaliko ubili ba꞉bo a꞉hiya꞉miduya꞉ ale ba꞉bamo kona꞉pa꞉la꞉hama꞉, mabu ebeno ikame komodo ebeno ape ba꞉be kaliko ubili huiyama꞉ ediya꞉, iyo, ebete kebe uli gabo atamo da꞉hiduimia꞉miya꞉, ba꞉be gabo ba꞉ wiboha꞉ teteno ka꞉ka꞉ gabola.

Yunapi 10:20 Iomraidhean Croise

Ma꞉tiyu 27:51

Ebene Godoko Amamateno Iya Motono kaliku ubilite tulituliya bolegale unune wagiliminate opamo ebo piwisigani, ega꞉walo mumulute da꞉peni iyaiya maboele nokola damelate eba bolaliyaolenalo,

Maka 15:38

Ebene Godoko Amamateno Iya Motono kaliku ubilite tulituliya bolegale unune wagiliminate opamo ebo piwisigani.

Yone 10:7

Ebema꞉ Ya꞉sute iba꞉tamo walo na꞉kegiya, “Na la꞉tamo nani tabonomo gemo, na ebe sipi-goeogoeono kala gigiyula.

Yone 10:9

“Na ebe gigiyula. Kebe lumagite na magumudo da꞉popegamene ebete igilo mula꞉ tanalo nanitabolo ka꞉pelaemene. Iyo, ebako sipi-goeote adimo apuamo naimano kala magumamo ka꞉popega, duiya tetelo wade uwago nalema꞉ ka꞉to, ebete eba kunu eba wagelenalo nao inamabu modobolo bulamenakomene.

Yone 14:6

Ya꞉sute ebeno tabo eba wiyanalo negeni, “Na ebe gabola, ega꞉walo na nanitabo tanalo awokalimidawala, ega꞉walo na uwomua꞉ igilola. Lumagite nado Nabiwi Godotamo ka꞉tomene, gabo idido a꞉ka꞉toamene.

Epesese 2:15

Nanitabola, Godote dopamo Mosesedo Yu epatamo dikalamiya, Kelisote ebe iyaiya Totomu Tabo ega꞉walo pukala tanalo iyabaiamo alomiya, mabu ebe ubila Yu epo ega꞉walo Yua꞉pi ebete ibi bilibilinomo uwatete kapiya oli epoma꞉ eba midililo, iba꞉te walo gowelaoa꞉no ebe magumulo kapimiya kilukulionama꞉. Iyo, ebete kewa olotolowalo da꞉iya ebe tanalodo Yu epo ega꞉walo Yua꞉pi ibino gowelao tanalo nanitabonomolo anakapumiya, ega꞉walo ebe atu tetelo ebete ibi bilibilinomo uwatete Godokono namutupima꞉ keda꞉onama꞉ ibi ebetamo walo a꞉kemagaeliya.

1 Timoti 3:16

Ebema꞉ nanitabola, a nanitabokobi midipiate Godokono ubi gabodo ebe keba kunu kowaloma꞉tanama꞉, ebe tanalono magumu beda꞉ kawonomola꞉ka꞉! Aimano Kawodawate me opolo lumagino apa꞉mo awokaliya, ebene ebeno tuputupu okoli tanalo kawokalima꞉, ebete ebeno Uliyanano elawamo a꞉e magumune maigate, Godokono nopopiate ebe uwomua꞉ igilago ebo umiya. Ega꞉walo ebe waloma꞉tapiate ebeno tanalo me opo kawonomolo awokalimiya, ebene epo bilibilinomate ebe nanitabokobi eba midilo, ebete Godokono Unu Duliyomolamo ebo odoliya, ebeno ololo apulo kawo alo magumulo ka꞉nokolinama꞉.

Yunapi 6:19

Ebema꞉ aimano olowiolo makopele tanalote peno aga keba kunula꞉ka꞉ eba kunu eba eda꞉nalo aimano tepo magumuno woki na꞉kodakodailamena, ale aimano igilo mula꞉ baine gito wadauikapoma꞉. Ebene Godokono Unu Duliyomololo da꞉ena, aimano agate ebe Amamateno Iya Motono Talenanomo Bailo eba itanalo, ebeno alete Talena Bainomono kaliku ubilido petote a kodakodalo ebo matuoamoena, ebema꞉ kalakala kawonomola, ebe agano ale kodakodanomola, a꞉ketegalemene.

Yunapi 9:3

Ebene moto gunomolo tete idite na꞉kitanami, ebe teteno mailo ebe Talena Bainomola, ega꞉walo ebe talena baino dopo apulo kaliku ubili idite na꞉kitanami, ebe talena bailo talena inamabunomate waminale magumulo wadenomamo ka꞉pola꞉nama꞉.

Yunapi 9:8

Ebema꞉ ebe dawano woko osiyodilo tanalodo Godokono Uliyanate a me tanalo niyatuamena, dopamo Godoko amamateno sipi-goeogoeo tama awokowiamida motote da꞉enami, ebe tete geyageyanomolo epate Godokono Talena Bainomamo nopila꞉oma꞉ gabote a꞉iyamidalo kitanamia꞉.

1 Pita 3:18

Ebema꞉ modobola la꞉ Kelisokono tanalo nemalagidilala꞉. Ebe tuputupudawanomola, wiyasiya ebete me opo epono kuba osiyodilole tanalo bilibilinomoma꞉ kawokawo temeteme uwatete ebo a꞉iya, me gabodo ebete a Godotamo emagaeiya ale ebeno wadewade namutupima꞉ keda꞉onama꞉. Numa꞉la꞉, epate Ya꞉suko danakapumiya ebe tetelo ebeno katene apeno igilote gito olopoligiya, wiyasiya Godote a꞉e magumune ebe dadipatiya ebete uwomua꞉ igilo ape ebo kelawiya, iyo, ebete uwomua꞉ uwomua꞉ tetelo walo a꞉ka꞉enamene.

1 Yone 4:2

Ebema꞉ la꞉ Godokono Uliyanagono wokodawa ma kunu kiyatawaomamota, kebe lumagite ma kunu da꞉kiyawaonako, “Ya꞉su Kelisote lumagino apa꞉mo me opamo nanitabolo apawokaliya,” ebe Godokono Uliyanagonola.

2 Yone 1:7

Numa꞉la꞉, a꞉da꞉ masigiolepi epetapi bilibilinomate iyalo emaimiya, me tetelo me opo kawonomolo bilukuliona. Iyo, iba꞉te tabo ma kunu gelana, “Ya꞉su Kelisoko lumagino apa꞉mo me opamo kapawokaliya꞉,” ebema꞉ ebe tabo gela tanalamo iba꞉te ibino tanalo ma kunu awokalimina, ibi A꞉da꞉ Masigioledawa Kawonomo ega꞉walo Kelisotamo Gowela Tanalo Osiyodilodawano uliyanagopila.