Yunapi 1:8 - Godokono Wade Tabo

⁸ Wiyasiya Godote ebeno Guduno tanaloma꞉ ebetamo negiya, “A꞉ma꞉ nani Godoma꞉ eba eda꞉nalo, a꞉imano Kawo Elawodawano tanalote uwomua꞉ uwomua꞉ tetelo bitanamene. Ebema꞉ a꞉ma꞉le a꞉imano epono tanalo tuputupu woki kapiyamo banagilamelelamenakoma꞉ta,

Godokono Hido Tabo

⁸ Huiyatiya Godote ebeno Guduino komoma꞉ ebetamo na꞉goiya꞉, “Ama꞉ hibi Godoma꞉ ba eda꞉na, amia꞉no Ko Gawadubu komote emedena emedena tetelo bitanamene. Ba꞉bema꞉ ama꞉le amia꞉no tawakalubino komo tuputupu ukui kapiyamo banagilamelelamenakomena꞉ta,

Yunapi 1:8 Iomraidhean Croise

Ma꞉tiyu 1:23

“Buwelete lamituma꞉ eda꞉te dubu gudu kalaimimene, ebene iba꞉te ebeno mailo Ima꞉nuwelama꞉ keka꞉ima꞉na꞉.” Buka ka꞉la꞉mioledawa, modobola a꞉ma꞉ niyatawa me Ima꞉nuwela mailono magumu nitana ‘Godote ago nokolina.’

Luku 1:75

Iyo, ale ebeno ololo apulo talena epoma꞉ eba eda꞉onalo, ale uwomua꞉ tetelo ebeno tuputupu gabodo bowapata꞉lamenama꞉.”

Yone 10:30

Nabiwi Godoko ega꞉walo na, a kapiyanomola.”

Yone 10:33

Iba꞉te nowaimiya, “Ale a꞉imano wade osiyodilo tanalo idi mabuma꞉ a꞉ma꞉ mapema꞉ kowagelita꞉. Ao, mabu bitana, a꞉ma꞉ me opo dawama꞉ eba eda꞉nalo wiyasiya a꞉ma꞉le negeata, a꞉ma꞉ ega꞉walo Godoko, la꞉ kapiyala! Godokono ololo apulo mako tabo kubanomola!”

Yone 20:28

Tomasite ebeno tabo eba wiyanalo negeni, “A꞉ma꞉ naimano Kawodawalata! A꞉ma꞉ naimano Godolata!”

Loma 9:5

Ebene A꞉ibalayamako ega꞉walo kawokawo ewoni nabi epetapi, Yu epo ebe ebe dubuno walone gudila, ega꞉walo kalakala kawonomola, Kelisote ibi magumune opo lumagino apa꞉mo pawokaliya. Nanitabola, Kelisoko ebe Godotela! Iyo, ebeno elawo tanalote epetapi bilibilinomono elawo tanalo nodoilina, ebema꞉ modobola epate uwomua꞉ uwomua꞉ tetelo ebe nemoionakoma꞉na꞉! Taula!

1 Timoti 3:16

Ebema꞉ nanitabola, a nanitabokobi midipiate Godokono ubi gabodo ebe keba kunu kowaloma꞉tanama꞉, ebe tanalono magumu beda꞉ kawonomola꞉ka꞉! Aimano Kawodawate me opolo lumagino apa꞉mo awokaliya, ebene ebeno tuputupu okoli tanalo kawokalima꞉, ebete ebeno Uliyanano elawamo a꞉e magumune maigate, Godokono nopopiate ebe uwomua꞉ igilago ebo umiya. Ega꞉walo ebe waloma꞉tapiate ebeno tanalo me opo kawonomolo awokalimiya, ebene epo bilibilinomate ebe nanitabokobi eba midilo, ebete Godokono Unu Duliyomolamo ebo odoliya, ebeno ololo apulo kawo alo magumulo ka꞉nokolinama꞉.

2 Pita 1:11

Iyo, me gabodo Godote la꞉tamo gigiyu ka꞉iyamidalaema꞉ta, la꞉le aimano Igilo Mula꞉leamedawano kalakala ilukuli duliyomolamo ka꞉nopila꞉oaema꞉, ebe Kawodawa ebe Ya꞉su Kelisotela ega꞉walo ebeno Kawo Elawodawama꞉ eda꞉ tanalote uwomua꞉ uwomua꞉ tetelo bitanamene.

1 Yone 5:20

Ega꞉walo a tanalo idi iyatawala, Godokono Gudute me opamo da꞉piya, ebete atamo wade mulo tanalo a꞉pikaeamiya ale Nanidawano tanalo wadenomamo kiyatawaonama꞉. Numa꞉la꞉, ebe Nanidawa ebe Godotela, ebe Uwomua꞉ Igilola, ebema꞉ kalakala kawonomola, ale ebeno Gudu Ya꞉su Kelisoko magumulo bilukulionama꞉!