Yuda 1:16 - Godokono Wade Tabo

¹⁶ Ebema꞉ modobola la꞉ me kuba osiyodilolepino tanalo wadenomamo niyatawala꞉. Iba꞉godolo ubia꞉ tabo gela kawonomola, ega꞉walo ibi a꞉ka꞉tuwa꞉ ibino kuba ulamea꞉no epo epetapi kubakubapima꞉ ka꞉la꞉minaka. Iba꞉te ibino kateneno ubi gabodo wapata꞉laema꞉ elawoelawonomola, ega꞉walo ibi a꞉ka꞉tuwa꞉ ibi walogolelo lumagi idi a꞉da꞉ elemasigi gabodo demoioma꞉na꞉, ebe tetelo iba꞉te ubi niyatina ibino tabo kiyawao tanalodo ebegodone wade tanalo idi gito kelaema꞉.

Godokono Hido Tabo

¹⁶ Ba꞉bema꞉ wadiyala la꞉ ba꞉moi kuba ododilipino komo hidamo niya꞉tawahala꞉. Iba꞉godolo ubiha꞉ tabo ga꞉la konomola, ba꞉gala ibi ha꞉kiya ibino kuba ulameheno komopi kubapima꞉ ka꞉laminaka. Iba꞉te ibino kateneno ubi gabodo wapata꞉lamema꞉ helohelonomola, ba꞉gala ibi ha꞉kiya ibi awagaminalelo eta lumagi ha꞉da amiho gabodo da꞉milimihomena꞉, ba꞉ba tetelo iba꞉te ubi bihatena ibino tabo olamagi komodo ebegodone eta hido komo dito kolawema꞉.

Yuda 1:16 Iomraidhean Croise

Luku 15:2

Ebene Pa꞉lisi tanebapi ega꞉walo Godokono Totomu iyatulamepiate eba dowaolo negeliya, “Numa꞉la꞉, me dubute kubakuba epo kalakalago uwatete iba꞉go bae ebo nanako!”

Luku 19:7

ebene epo bilibilinomate ebe tanalo umite ubia꞉ tabo ma kunu geliya, “Ebete kuba lumagino motamo a꞉to.”

Luku 5:30

Ebene Pa꞉lisi tanebapi ega꞉walo ibino totomu tabo iyatulamepi ibi epetapiate Ya꞉suko waloma꞉tapi kawiya nanaliya, “Mabu keleka꞉ la꞉le ta꞉kese mani elemasigilo uwatepi ega꞉walo Godokono Totomu Tabo uwatea꞉ epago da꞉imi obo niawete iba꞉go bae denawenakoma?”

Yone 6:41

Ebene Yu epo epetapiate Ya꞉sukono tanaloma꞉ ubia꞉ tabo geliya, mabu ebete tabo ma kunu giya, “Na ebe Unu Duliyomolone da꞉piya ebe igilo baela.”

Yone 6:61

Iba꞉te ebeno iyatulame tanaloma꞉ kebe ubia꞉ tabo degelitiya, Ya꞉sute iyatawate negiya, “Mabu keleka꞉ naimano iyatulame tanalote la꞉imano nanitabokobi midi tanalo da꞉kubailamita?

1 Kolini 10:10

Ebene tete idilo ibi epetapiate ubia꞉ tabo Godokono wokopiatamo degeliya, ebema꞉ Godokono A꞉e Nopodawate ibi ebo anakapulamiya. Eiye! Ale ebako ubia꞉ tabo gela wagilima꞉ modoboa꞉!

Galesiya 5:16

Ebema꞉ nale la꞉ analemata, Godokono Uliyanano elawamo eba wapata꞉lamenalo la꞉le la꞉imano kateneno kuba ubi tanalamo gito akotudila꞉oala꞉,

Galesiya 5:24

Iyo, numa꞉la꞉, piyate ibino kateneno kuba ubi tanalo elawoelawonomo danakapulamiya, iba꞉te Ya꞉su Kelisokono nani epoma꞉ eda꞉ona.

Pilipai 2:14

Ebema꞉ la꞉imano osiyodilole tanalo bilibilinomo magumulo epetapiate epetapiatamo ubia꞉ tabo gela꞉no akoapaminateuinakala꞉.

1 Tesalonaika 4:5

Numa꞉la꞉, piyate ibino kateneno iyaiya ilipo tanalo elawonomamo dowaloma꞉talena ebe kuba osiyodilolepiate Godokono tanalo iyatawa꞉, ebe mabuma꞉ ebe ubia꞉nola la꞉le ibi keba kunula꞉ka꞉ ebako epoma꞉ eda꞉oma꞉.

1 Timoti 6:5

ega꞉walo ebete atu kubakuba wokiagopi epetapiago gowelao tanalo katepana꞉. Nanitabola, ebako dubu bilibilinomate Godokono nanitabo gabo iyalo atepiya, ebema꞉ ibino wokilo daedalenomoma꞉ eda꞉olo a꞉da꞉ tabo ma kunu gelana, lumagite Godoko waloma꞉ta magumulo inamabu bilibila꞉godawama꞉ keda꞉mene.

2 Timoti 4:3

Mabu tete na꞉pe, epate Ya꞉sukono iyaiya mulo iyatulame tanalo olowioma꞉ ubia꞉noma꞉ keda꞉oma꞉na꞉, wiyasiya iba꞉te ubi kawonomo biyatinama꞉na꞉ piyate ibino kateneno osiyodilole tanalo modoboma꞉ degelanaka ebako iyatulamepi kapiyatamo gawagawalo ka꞉tolaema꞉na꞉ ibino tabo ka꞉nolowioma꞉.

1 Pita 1:14

Ega꞉walo dopamo tetelo la꞉le Godokono nanitabo tanalo iyatawaoa꞉no kebe tanalo kosiyodilola꞉wenakima, la꞉ me tetelo ebegodone olobila꞉wete ebe kateneno iyaiya ubi tanalo osiyodilole tanalodo nanitabokobi midia꞉pimu walo akoilukulionala꞉.

1 Pita 2:11

Naimano wadewade namutupiala꞉, nale la꞉ toweolaemata la꞉ me opolo eba ilukulinalo kapelapima꞉ neda꞉onala꞉, mabu la꞉ Godokono Unu Duliyomolo epolata. Ebema꞉ la꞉imano kateneno ubi tanalamo akotudila꞉oala꞉, mabu ebe kuba ubi tanalate la꞉imano uliyanano igilago eba gowelaolo la꞉ kubailaema꞉ wagelena.

1 Pita 4:2

iyo, ebete ebeno a꞉e uwomuamo eba nemaigalo Godokono ubi tanalamo ba꞉tuduwatanakomene, ebeno kateneno ubi tanalamoa꞉.

2 Pita 2:10

Iyo, piyate ibino iyaiya kateneno daleya ubi magumulo eba wapata꞉lamenalo Godotamo tudila꞉oma꞉ ubia꞉noma꞉ deda꞉ona, Godote ebako epatamo kuba wiya kawonomamo nanitabonomolo kikalaemene. Numa꞉la꞉, ebe kuba osiyodilolepi ibi Godokono mailamo a꞉da꞉ tabo kiyawaopila. Ebema꞉ ibino ilukuli tanalo ma kunula, ibi a꞉ka꞉tuwa꞉ ibi unamo wadipalatelelo Unu Duliyomolono nopopi ka꞉tolelamena꞉, iyo, iba꞉te ibi emalogolenaka.

2 Pita 2:18

Eiye! Iba꞉te iyaiya amama tabono tanalo ega꞉walo daedale wokino tanalo gelanaka, ega꞉walo piyate Godotamo olobila꞉ma꞉ kuba osiyodilole magumune ka꞉ma꞉nomo da꞉pemaimia, iba꞉te ebe epo ibino kateneno ubi tanalamo walo kuwatete Saitanakono kuba gabamo ebo magatalenaka.

2 Pita 3:3

Ebema꞉ me kawo tanalo wadenomamo niyatawala꞉. Me opono uwomu tete eba tatalilo, nanitabokobi midia꞉pi epetapiate pemaimiote ibino kateneno kuba ubi tanalamo ebo ka꞉tudila꞉oma꞉na꞉. Ebene iba꞉te la꞉ kalakalatelelo

Yuda 1:15

ebete me opo epono tanalo bilibilinomo eba panagilamelelamelo ebeno ubi tanalamo tudila꞉oa꞉ epatamo kuba wiya ka꞉pikalaemene. Iyo, iba꞉te Godotamo kebe kubakuba tanalo dosiyodilolenaka ega꞉walo ebetamo kebe kuba tabo degelanaka, ebe iyaiya tanaloma꞉ kuba wiyate iba꞉tamo nanitabolo ka꞉pemene.”

Yuda 1:18

Iba꞉te la꞉tamo ma kunu geliya, “Uwomu tetelo kubakubapiate Godokono ubi tanalamo tudila꞉oma꞉ ubia꞉noma꞉ eda꞉olo ibino kateneno ubi gabodo eba wapata꞉lamelo la꞉ nanitabokobi midipi kekalakalatelema꞉ta.”