Yone 1:4 - Godokono Wade Tabo

⁴ Ebe tetelo nanitabo igilote Tabogodolo itanami, ebene me igilote aloma꞉ eda꞉te opo epo bilibilinomo ebo pukuilamiya.

Godokono Hido Tabo

⁴ Ba꞉ba tetelo hibi ka꞉ka꞉te Tabogodolo itanami, ba꞉bene ba꞉moe ka꞉ka꞉te aloma꞉ eda꞉te hopo tawakalubi hiliyonomo ba꞉bo a꞉la꞉minaliya꞉.

Yone 1:4 Iomraidhean Croise

Ma꞉tiyu 4:16

Piyate idoko magumulo dilukuliona, iba꞉te alo kawonomo kuima꞉na꞉, iyo, piyate a꞉e magumulo dilukuliona, wiyasiya igilo alote ibi ka꞉pukuilaemene.”

Luku 2:32

Iyo, a꞉imano igilo mula꞉ tanalo ebe wade alola, ebe alote Yua꞉piatamo a꞉imano ubi gabo eba awokaliminalo, a꞉imano Isalaela epatamo kawonomamo ba꞉pukuilamenamene.”

Yone 11:25

Ebene Ya꞉sute ebetamo negiya, “Na ebe a꞉e magumune maiga tanalono elawo mabula, ega꞉walo na uwomua꞉ igilola, ebema꞉ kebe lumagite na nanitabokobi da꞉midinimene, a꞉e magumudo ebete uwomua꞉ igilo ka꞉nelaemene.

Yone 12:35

Ebene Ya꞉sute walo na꞉kegiya, “Godokono alote la꞉ magumulo tete kele geyageyadopo kitanamene, ebema꞉ modobola la꞉ me alo magumudo nowapata꞉lamenala꞉. La꞉ nanisiwale, idoko tanalote la꞉tamo akopa꞉la꞉, mabu idoko magumudo depata꞉na ebe lumagi iyatawa꞉ ebete kebe gabodo ka꞉tonale!

Yone 12:46

Nanitabola, na me opo pukuima꞉ piyamo, ebema꞉ kebe lumagite na nanitabokobi da꞉midinina ebete idoko magumulo a꞉kokolinamene.

Yone 14:6

Ya꞉sute ebeno tabo eba wiyanalo negeni, “Na ebe gabola, ega꞉walo na nanitabo tanalo awokalimidawala, ega꞉walo na uwomua꞉ igilola. Lumagite nado Nabiwi Godotamo ka꞉tomene, gabo idido a꞉ka꞉toamene.

Yone 3:19

Numa꞉, Godokono alote me opamo da꞉piya iba꞉te ubia꞉noma꞉ eda꞉iya, wiyasiya ibi ubila idoko magumulo kilukulionama꞉ mabu ibino osiyodilole tanalo kubakubanomola. Iyo, kuba osiyodilolepiate wade alo ubia꞉noma꞉ eba eda꞉olo alo magumamo ka꞉pelamenakoa꞉, mabu ibi ubia꞉nola alote ibino kuba pukuilamelelaema꞉, ebema꞉ nanitabola, ibino kuba anagiyamida tanalote iba꞉tamo ka꞉pemaigamene,

Yone 5:21

Nabiwite a꞉e lumagi igilamo keba kunu kadipatenakole, Gudute atumu eba kunu kowagelena, ebete kebe lumagitamo ubi diyatimene ebe lumagitamo nanitabo igilo kikaemene.

Yone 5:26

Nanitabola, Nabiwi Godoko kapiyagodolo uwomua꞉ igilo bitana, ebema꞉ ebete ebeno Gudutamo elawo iyalo ikamiya ebete atumu Igilo Mabudawama꞉ ka꞉keda꞉nama꞉,

Yone 8:12

Tete idilo Ya꞉sute Pa꞉lisi tanebapiatamo walo na꞉ka꞉kiyawaiya, “Na ebe me opo kawonomono alola. Kebe lumagite na dowaloma꞉enena ebete idoko magumulo a꞉kepata꞉namene mabu ebegodolo nanitabo igilo alote bitanamene.”

Yone 9:5

Nale me opolo eba okolinalo na me opono aloma꞉ eda꞉namo.”

Oelamepino Ododili Komokomo 26:23

Me tabo ma kunula, Godokono Alibodawa Kelisote da꞉emene, a꞉e magumune igilamo walo da꞉kemaigamene ebete dopo lumagima꞉ keda꞉mene, ebene ebete igilo mula꞉no alo ebeno Yu epo ega꞉walo kapela Yua꞉pi ibi bilibilinomatamo kawokalimene.”

1 Kolini 15:45

Ebe mabuma꞉ ebeno Bukalo tabo idite ma kunu itana, “Godote dopo dubu A꞉da꞉meko osiyodilote igilo dikamiya, dubute igilagonoma꞉ ebo ediya.” Iyo, ebe dopo dubute me opolo ebema꞉ okolinami, wiyasiya a tetelo da꞉pemaigiya ebe walogabo A꞉da꞉me idi ebeno tanalo iyanomola, mabu ebe epatamo nanitabo igilo ikalame uliyanama꞉ ediya.

Epesese 5:14

ebema꞉ me opono tanalo bilibilinomo magumulo alote kebe tanalo da꞉pukuimene epate wadenomamo kuima꞉na꞉, wamina magumulo walo a꞉kitanamene. Me mabuma꞉ Godokono epate mulo tabo idi ma kunu gelana, “U dowatawita, a꞉ma꞉ nemaiga! A꞉ma꞉ a꞉e magumune pemaigawete igilo walo da꞉kelawa꞉emene, Kelisokono alote a꞉ma꞉ ebo ka꞉pukuima꞉ta.”

Kolosi 3:4

Ebema꞉ numa꞉la꞉, Kelisote ebeno elawo alonomago da꞉ka꞉pemene, ebe atu tetelo la꞉imano nanitabo igilote kawokalamene mabu Kelisoko kapiya ebe la꞉imano igilo mabula.

1 Yone 1:1

La꞉ olowiopiala꞉, ale Igilo Tabono tanalo me leta magumulo la꞉tamo dawokalimitama꞉, ebe Tabote dopamo wagilimi mabune dokolinami ebe Kawodawala. Nanitabola, ale me tetelo ebe Tabono tanalo aimano galamo olowiote ega꞉walo aimano balidinomamo a꞉kumiyama꞉, iyo, ale umite aimano kotonomamo ebe atumu ologiyama꞉.

1 Yone 1:2

Mabu ebe Igilote me opolo awokaliya ega꞉walo ale aimano balida꞉mo ebe umiyama꞉, ebema꞉ ale ebeno tanalo awokalimilo Nabiwi Godokono uwomua꞉ igilo tanaloma꞉ la꞉tamo me tabo ebema꞉ kiyawautama꞉. Numa꞉la꞉, kebe Igilote dopamo Godago dokolinami, ebe Igilo ebe walone atamo dapawokaliya ebe atu Igilola.

1 Yone 5:11

Nanitabola, Godote ebeno Guduno nanitabo tanalo awokalima꞉ me tanalo osiyodiliya, ebete ebeno Gudugodolo ditana ebe uwomua꞉ igilo atamo ikaeamiya.

Awokalilame Tanalo 22:1

Ebema꞉ naimano balidite iyama꞉ deda꞉onami ebe tanalote olopoligoa꞉no, nopodawate Godokono uwomua꞉ igilo kolomo tuli na ebo iyatunami, ebe obo ebe wade a꞉la꞉uwa꞉da꞉lenomola, Godoko ega꞉walo Sipi-goeo Da꞉peso ibino Kawo Elawodawano okoli baine eba pemaiganalo,

Awokalilame Tanalo 22:16

“Na ebe Ya꞉sutela, Da꞉ibidikono walonepi magumulo Kawo Elawodawama꞉ deda꞉namo ebetela, iyo, na Gugi Mawelela mabu oli egela walo tetelo na kawonomamo a꞉pukuilamenakomo. Me mabuma꞉ nale naimano nopodawa la꞉ iyaiya sosi epatamo apalibomo, la꞉le me iyaiya tanalo wadenomamo kiyatawaema꞉.”