Yone 1:1 - Godokono Wade Tabo

¹ Godote me opo osiyodiloa꞉no dopamo Tabote okolinami, ebete Godago eba okolionalo ebe ega꞉walo Godoko ibi kapiyanomola,

Godokono Hido Tabo

¹ Godote ba꞉moe hopo ododihino dopamo Tabote emedenami, ebete Godokoba꞉ ba emedena ebe ba꞉gala Godoko ibi ba꞉ kapiyanomola,

Yone 1:1 Iomraidhean Croise

Ma꞉tiyu 1:23

“Buwelete lamituma꞉ eda꞉te dubu gudu kalaimimene, ebene iba꞉te ebeno mailo Ima꞉nuwelama꞉ keka꞉ima꞉na꞉.” Buka ka꞉la꞉mioledawa, modobola a꞉ma꞉ niyatawa me Ima꞉nuwela mailono magumu nitana ‘Godote ago nokolina.’

Luku 24:53

ebene iba꞉te ebe duliyomololo eba ilukulinalo egela epetapi bilibilinomolo Godoko Amamateno Iya Motamo da꞉nodolonakiya, iba꞉te Godokono mailo unamo ebo adipatenakiya.

Yone 1:14

Ebene Tabote lumagino apa꞉mo pete ago eba pokolinalo ale ebeno alo kawonomo ebo umiyama꞉, ebako alo Nabiwi Godote ebeno kapiya Gudutamo ikamiya. Ebeno alono pukuilame magumulo ale me tanalo umiyama꞉, ebe Godokono nilakapo tanalo ega꞉walo nanitabo tanalo tabokanomola.

Yone 1:18

Lumagi idite Godokono ololo dopamo kuminakia꞉, wiyasiya Godokono Gudu kapiyate ebeno Nabiwino tanalo epatamo apawokalimiya, mabu Nabiwila Gudula ibi kapiyanomola ega꞉walo Gudute Nabiwino ololo apulo okolina.

Yone 1:2

ebema꞉ me opo wagilimia꞉no Tabote Godago kapimiya eba kunu okolionamiya.

Yone 16:28

Iyo, nanitabola, na Nabiwigodone me opamo piyamo, wiyasiya me ebe tetela, nale me opo atepate Nabiwitamo walo ka꞉ka꞉tomamo.”

Yone 17:5

O Nabiwi, me opo osiyodiloa꞉ tetelo nale a꞉ma꞉go eba okolinalo agodolo ditanami, modobola a꞉ma꞉le ebe elawo alamo na eba pukuinamelo a꞉imano ololo apulo na nowalogoniye.”

Yone 20:28

Tomasite ebeno tabo eba wiyanalo negeni, “A꞉ma꞉ naimano Kawodawalata! A꞉ma꞉ naimano Godolata!”

Yone 8:58

Ebene Ya꞉sute iba꞉tamo eba wiyalo negiya, “Na la꞉tamo nani tabonomo gemo, na ebe uwomua꞉ tetelo dokolinamo ebe Kawodawala. A꞉ibalayamate me opamo awokala꞉no na dopamo Godago okolinaimo.”

Loma 9:5

Ebene A꞉ibalayamako ega꞉walo kawokawo ewoni nabi epetapi, Yu epo ebe ebe dubuno walone gudila, ega꞉walo kalakala kawonomola, Kelisote ibi magumune opo lumagino apa꞉mo pawokaliya. Nanitabola, Kelisoko ebe Godotela! Iyo, ebeno elawo tanalote epetapi bilibilinomono elawo tanalo nodoilina, ebema꞉ modobola epate uwomua꞉ uwomua꞉ tetelo ebe nemoionakoma꞉na꞉! Taula!

Epesese 3:9

Ega꞉walo Godote ulama epetapi bilibilinomolo dowaminanami, ebete me tetelo ebe wamina nopono tanalodo woko keba kunu kosiyodilonale, nale ebe epo epetapiatamo atumu akawokaliminakomo. Nanitabola, me opolo ega꞉walo tobolo unulo da꞉pola꞉na, Godoko ebe inamabu bilibilinomo osiyodiloledawama꞉ eda꞉na, ebene ebete ebeno wamina nopono wamina tanalo magumulo ubi ma kunu iyatiya,

Pilipai 2:6

Ebete dopamo Godokono ololo kapiyamo okolinami, wiyasiya a walubi tete da꞉pemaigiya, ebe a꞉ka꞉tuwa꞉ ebeno tanalo kemalagidiloma꞉ ebete Godoma꞉ deda꞉na ebe tanalo kodakodalo katila꞉niya꞉.

Kolosi 1:15

Ega꞉walo me tanalo idila. A opo epate Godoko balida꞉mo uima꞉ modoboa꞉, wiyasiya Kelisote ebeno ololo kapiyamo atamo a꞉pemaigiya, ebe Nabiwino dopo Gudunomola, iyo, me opono inamabu bilibilinomo pawokalaoa꞉ tetelo ebete dopamo okolinami.

Kolosi 1:17

ega꞉walo ibi bilibilinomo magumulo idite pawokala꞉no ebete dopamo okolinami. Ebe mabuma꞉ ebe kapiyagodolo elawo bitana ibi bilibilinomatamo igilo kikalamolema꞉.

1 Timoti 3:16

Ebema꞉ nanitabola, a nanitabokobi midipiate Godokono ubi gabodo ebe keba kunu kowaloma꞉tanama꞉, ebe tanalono magumu beda꞉ kawonomola꞉ka꞉! Aimano Kawodawate me opolo lumagino apa꞉mo awokaliya, ebene ebeno tuputupu okoli tanalo kawokalima꞉, ebete ebeno Uliyanano elawamo a꞉e magumune maigate, Godokono nopopiate ebe uwomua꞉ igilago ebo umiya. Ega꞉walo ebe waloma꞉tapiate ebeno tanalo me opo kawonomolo awokalimiya, ebene epo bilibilinomate ebe nanitabokobi eba midilo, ebete Godokono Unu Duliyomolamo ebo odoliya, ebeno ololo apulo kawo alo magumulo ka꞉nokolinama꞉.

Taitasi 2:13

Eba kunu aimano Igilo Mula꞉leamedawa Ya꞉su Kelisokono Wade Egelanomote maigama꞉ ale olowiolo bilukulinama꞉, mabu ebe tetelo ebete ebeno alo kawonomago atamo nanitabolo ka꞉pemene, iyo, ebe aimano Kawodawa Godotela.

Yunapi 13:8

Numa꞉la꞉, Ya꞉su Kelisote dopamo keba kunu kokolinamile, ebete me tetelo eba kunu ba꞉kokolina, ebene ebete atumu uwomua꞉ uwomua꞉ tetelo iyama꞉ a꞉keda꞉namene.

Yunapi 7:3

Numa꞉la꞉, Godokono Bukalo tabo idi kitana꞉ me kawodawano tanaloma꞉ a kiyatuaema꞉, ebema꞉ a iyatawa꞉ ebeno ewonino tanalo ega꞉walo ebeno menokola nabiwila ibino mailo, iyo, ebeno awokala tete ega꞉walo a꞉e tete atumu atamo kawokalilamena꞉. Eba kunu ebe Godokono Gudu keba kunula꞉ka꞉ eba kunula, mabu uwomua꞉ uwomua꞉ tetelo ebete Godotamo kalimagono ikameodawama꞉ beda꞉namene.

2 Pita 1:1

Na ebe Saimono Pitatela, Ya꞉su Kelisokono wokodawala, iyo, ebete ebeno sosi wagilima꞉ iyaiya opamo daliboliya, ebe wokopi magumulo na idila. Nanitabola, Ya꞉su Kelisoko ebe aimano Igilo Mula꞉leamedawala, ebe Godotela. Ega꞉walo ebete ebeno tuputupu osiyodilole gabodo piyatamo nanitabokobi midi tanalo dikalamiya, la꞉ ebe epolata, ebema꞉ nale me leta la꞉tamo palibomo, mabu la꞉imano nanitabokobi midi tanalo ega꞉walo aimano nanitabokobi midi tanalo ebe kapiyanomola.

1 Yone 5:20

Ega꞉walo a tanalo idi iyatawala, Godokono Gudute me opamo da꞉piya, ebete atamo wade mulo tanalo a꞉pikaeamiya ale Nanidawano tanalo wadenomamo kiyatawaonama꞉. Numa꞉la꞉, ebe Nanidawa ebe Godotela, ebe Uwomua꞉ Igilola, ebema꞉ kalakala kawonomola, ale ebeno Gudu Ya꞉su Kelisoko magumulo bilukulionama꞉!

1 Yone 5:7

Ebema꞉ Kelisokono tanalo kawokaliminama꞉ me netewa-kapiya tanalate ba꞉pola꞉nama꞉na꞉,

Awokalilame Tanalo 1:11

Ebete natamo ma kunu gi, “A꞉ma꞉le naimano elawamo dulama꞉wenakomene ebe tanalo bilibilinomo kapiya bukamo akulola꞉wete, ebene ebe buka Epesese ega꞉walo Samena, Pegamama ega꞉walo Tayataila, Sadisi ega꞉walo Piladelapiya ega꞉walo Lodosiya, me sebeni duliyomolamo nalibiye ebe duliyomololo dilukuliona ebe sosi epo bilibilinomate keka꞉la꞉miolema꞉.”

Awokalilame Tanalo 1:17

Ebema꞉ nale ebe Kawodawa duimo, nale ebeno agowa mabuamo gito adogelimo, a꞉e lumagi keba kunula꞉ka꞉ eba kunu. Ebe tetelo ebete ebeno tumudi kotamo na eba ologinilo negi, “A꞉ma꞉ akotoletola꞉la꞉, na Wagilimi Mabula ega꞉walo na Uwomula.

Awokalilame Tanalo 1:2

Ebema꞉ na Yonete kebe tanalo nopodawagodolo dulaimo, nale ebe iyaiya tanalo me bukamo akulolemo, iyo, kebe iyaiya tabo Godogodone natamo da꞉pemaimiya ega꞉walo Ya꞉sute natamo kebe nanitabo tanalo dawokalilami, nale ebe tanalo bilibilinomo a꞉ma꞉ buka ka꞉la꞉mioledawatamo kiyawautamo.

Awokalilame Tanalo 1:8

Kawodawa Godote negena, “Na Wagilimi Mabula ega꞉walo na Uwomula!” Nanitabola, ebe Elawodawanomola, ebete me opo wagilimia꞉no dopamo okolinami, ega꞉walo ebete me tetelo bokolina, ega꞉walo ebete uwomua꞉ uwomua꞉ tetelo bokolinamene!

Awokalilame Tanalo 19:13

Ebene epate ebe deka꞉minaka ebe mailo ebe Godokono Tabola, ega꞉walo ebete da꞉puli ebe ga꞉ga꞉ kaliku kalimagonola, ebe kalima ebe piyate eba꞉go da꞉gowelaona ebe dubuno kalimala.

Awokalilame Tanalo 2:8

Ebene Kawodawate tabo walo natamo na꞉kegi, “Modobola a꞉ma꞉ Samena sosi nopodawatamo tabo ma kunu naliba. Na ebe Wagilimi Mabula ega꞉walo na ebe Uwomula. Nale da꞉iyamo igilo walo a꞉kelawiyamo, ebema꞉ nale la꞉ Samena nanitabokobi midipiatamo tabo ma kunu kiyawautamo.

Awokalilame Tanalo 21:6

Ebene ebete natamo walo na꞉kegi, “Taula, naimano woko bilibilinomo olopoligo! Na Wagilimi Mabula ega꞉walo na Uwomula, iyo, na Dopola ega꞉walo Walogabola! Ebema꞉ obo kapete kebe epo dulamena, nale iba꞉tamo gito da꞉peka꞉ka꞉liyana ebe obo wiya꞉no kikalaemamo iba꞉te uwomua꞉ uwomua꞉ tetelo kigilonama꞉.

Awokalilame Tanalo 22:13

Na ebe Wagilimi Mabula ega꞉walo na Uwomula, iyo, na ebe Dopola ega꞉walo Walogabola!

Awokalilame Tanalo 3:14

Ebene Kawodawate tabo walo natamo na꞉kegi, “Modobola a꞉ma꞉ Lodosiya sosi nopodawatamo tabo ma kunu naliba. Na ebe Godokono Uwomu Tabo Kiyawaodawala, ega꞉walo na ebe Godokono nanitabo tanalo wadenomamo dawokaliminamo ebe dawala. Ega꞉walo Godote me opono inamabu bilibilinomo dosiyodiloliya, na ebe woko osiyodilo tanalono Elawo Mabudawala, ebema꞉ nale la꞉ Lodosiya nanitabokobi midipiatamo tabo ma kunu kiyawautamo.