Taitasi 2:2 - Godokono Wade Tabo

² Ebema꞉ piyate nanitabokobi midipi magumulo nabima꞉ deda꞉ona, modobola a꞉ma꞉ ibi nanaliye, iba꞉te wadewade mulo woki uwatelo ibi a꞉ka꞉tuwa꞉ ibino tanalo wadenomamo eba ulamenalo, ibino ilukuli tanalate epetapino umi magumulo wadewadenoma꞉ neda꞉oma꞉na꞉. Iyo, na ubila iba꞉te ibino nanitabokobi midi magumulo ega꞉walo ibino nilakapo awokalimi magumulo ega꞉walo ibi Ya꞉suko mabuma꞉ duwatenaka, ebe temeteme magumulo iba꞉te kodakodalo nelamota꞉onama꞉na꞉.

Godokono Hido Tabo

² Ba꞉bema꞉ puya꞉te hibima꞉ midipi ipuwalo nabima꞉ deda꞉hana, wadiyala ama꞉ ibi na꞉kiyalamiya꞉, iba꞉te hidohido mulu ukui uwatelo ibi ha꞉kiya ibino komo hidamo ba ulamena, ibino emede komate komopino umi ipuwalo hidonomoma꞉ neda꞉hamena꞉. Iyo, na ubila iba꞉te ibino hibima꞉ midi ipuwalo ba꞉gala ibino malemale hawakalimi ipuwalo ba꞉gala ibi Ya꞉suku mabuma꞉ duwatenaka, ba꞉bi temeteme ipuwalo iba꞉te kodakodalo na꞉la꞉mota꞉hanamena꞉.

Taitasi 2:2 Iomraidhean Croise

Maka 5:15

Iba꞉te ebetamo pemaimite, dopamo kubakuba uliyana bilibilinomago dokolinami ebe dubu ebo pumiya, ebete kaliku pulite ebolo okoliti mabu ebeno woki a꞉tuputupuomiya. Me mabuma꞉ iba꞉te na꞉toletoleutiya,

Luku 8:35

epo bilibilinomate ebo pelamiya Ya꞉sute dosiyodiliya ebe tanalo uima꞉. Iba꞉te ebetamo pemaimite kubakuba uliyanate datepiya ebe dubu ebo pumiya, ebete kaliku pulite Ya꞉sukono agowa mabulo okoliti mabu ebeno woki a꞉tuputupuomiya. Me mabuma꞉ iba꞉te na꞉toletoleutiya.

Oelamepino Ododili Komokomo 24:25

Ebe tetelo Polote tabo geyageyadopo da꞉kiyawaiya, ebete Godokono tuputupu ilukuli tanalo ega꞉walo kateneno ubi tanalamo tudila꞉oa꞉no ebe tanalo Pilikisitamo ebo awokalilamiya. Ebene Godote epono tanalo danagilamelelaemene ebe Kawo Egelano pe tanalo Polote da꞉kiyawauti, Pilikisite tole lawete ebe naniya, “Taula! A꞉ma꞉ na꞉toa! Na wade tete duimo a꞉ma꞉ pema꞉ tabo walo kakapalibomamo.”

Loma 12:3

Ebema꞉ nale Godokono woko kosiyodilonama꞉ ebete kebe iyanomo elawo natamo nilakapolo kikanamiyale, nale ebe tanalamo la꞉ bilibilinomo ma kunu analemata, amama magumulo la꞉ a꞉ka꞉tuwa꞉ la꞉ kawokawopima꞉ akomidila꞉la꞉. Wiyasiya Godote la꞉imano nanitabokobi midi tanalodo la꞉tamo kebakobako iyaiya elawo dikalamoletiyala, modobola la꞉ ebe tanalo tuputupu wokiago nemalagidilolenala꞉, mabu la꞉ eba kunu nanitabolo kiyatawaomamota la꞉le ebetamo kebe iyaiya woko modobolo kosiyodilawenama.

1 Kolini 15:34

Ebema꞉ naimano Kolini sosi epala꞉, modobola la꞉ wadewade wokino tanalamo walo na꞉kolobila꞉la꞉, iyo, la꞉imano kuba osiyodilole tanalo na꞉miyapala꞉. Eiye! Nale ilipo la꞉tamo kikalametama꞉ me kodakoda tabo ebema꞉ kiyawaomo, mabu la꞉ epetapiate Godokono tanalo nanitabolo kiyatawawena꞉!

1 Kolini 9:25

Ega꞉walo me uli tabo idila. Bolamo kalakalaopiate taneba idino wato kikopu laema꞉ ubi eba iyatilo, kawo egela pea꞉no dopamo ibi bilibilinomate ibino ape na꞉kodakodailamenaka, iyo, ibi ubila wato kikopu lawe magumulo epate ibi kowalogolema꞉. Ebema꞉ numa꞉la꞉, iba꞉te delaema꞉na꞉ ebe kalakalate tete da꞉pesolo itanate ebo kolopoligomene, wiyasiya ale Godokono woko osiyodilo magumulo kebe wade wiya laema꞉ ubi diyatinama꞉, ebe tanalo iyanomola mabu ebe tanalono kalakalate uwomua꞉ tetelo agodolo a꞉kolopoligonamene.

2 Kolini 5:13

Eiye! Iba꞉te aimano nanitabo woko osiyodilo tanaloma꞉ a daedalepima꞉ degelana ebe tabo nanitabola꞉ka꞉? Ao, nanitaboa꞉, wiyasiya la꞉ epetapiate tabo eba kunu degelaema, kuba꞉, mabu a ebo kemalagidilomalema꞉ ale Godoko kapiya kowalogonama꞉ woko bosiyodilonama꞉. Ega꞉walo tete idilo la꞉le la꞉imano woki iyama꞉ mida꞉wete a daedalea꞉pima꞉ da꞉kegelaema, ebe tanalo atumu modoboma꞉ keda꞉mene, mabu ebe tetelo a ma kunu kemalagidilomalema꞉ aimano woko osiyodilo magumulo la꞉le nanitabo walubi tanalo elaemata.

Galesiya 5:23

lumagi ebe a꞉ka꞉tuwa꞉ ebe opamo iyati tanalo, ega꞉walo kateneno ubi tanalamo tuduwata꞉ tanalo. Nanitabola, piyate makomako tanalo dosiyodilolenaka, ibi kuba osiyodilolepima꞉ ka꞉la꞉ima꞉ totomu tabo idite me opo kawonomolo kitana꞉.

Pilipai 4:8

Ebema꞉ naimano nanitabokobi midipi ekakiala꞉, me leta uwomu apulo nale la꞉ ma kunu analemata, Godote kebe iyaiya tanalo tuputupu ilukuli tanaloma꞉ kegenale ega꞉walo ebete kebe tanalo kemoiolenale, modobola la꞉ ebe iyaiya tanalo kapiya la꞉imano tepo magumulo nemalagidilolenala꞉. Iyo, ebete kebe woki nanitaboma꞉ kegenale ega꞉walo mulo tanaloma꞉ kegenale, ebete kebe woki wadenoma꞉ kegenale ega꞉walo daleya꞉ tanaloma꞉ kegenale, ebete kebe woki nilakapo awokalima꞉ kegenale ega꞉walo kalakala adipate tanaloma꞉ kegenale, modobola la꞉ ebakobako woki kapiyamo la꞉imano tepo magumu netabokailameniyala꞉.

1 Tesalonaika 5:6

ebema꞉ epetapiate u delaonanaka ale ebako epoma꞉ eda꞉oma꞉ modoboa꞉, mabu idoko tete ebe ibino u lao tetela ega꞉walo idoko tete ebe ibino gamoda nio tetela. Modobola ale wiyasiya tuputupu wokilo eba ilukulinalo aimano Kawodawano pe tanaloma꞉ olowiolo kemakopelenamalema꞉,

1 Tesalonaika 5:8

iyo, a nanitabokobi midipi a egela teteno epola, ebema꞉ modobola ale tete bilibilinomolo tuputupu wokilo bilukulinama꞉. Ega꞉walo modobola ale Godoko nanitabokobi midi tanalo ega꞉walo nilakapo kimalagidilo tanalo, ebe netewa kawokawo tanalo aimano apa꞉mo ka꞉pupulimalema꞉, gowelaodawate ebeno negege inamabu da꞉pulinako eba kunu. Ega꞉walo ale aimano igilo mula꞉ tanalo Ya꞉sugodone nanitabolo laema꞉, modobola ale ebeno pe tanaloma꞉ olowiolo bemakopelenama꞉, mabu ebako olowio tanalo ebe goweladawano diba keba kunula꞉ka꞉ eba kunula.

1 Timoti 1:10

Ebene piyate buwelemele pilo ega꞉walo kamiyale pilo dosiyodilolena, piyate dubu gabatamo ega꞉walo egege guda꞉tamo ilipo tanalo dosiyodilolena, piyate ibino mibomibo woko wiya꞉no kosiyodilolenama꞉ epo epetapi pilolo duwatena, piyate gabamanino tanalo anagiyamida bailo ega꞉walo iyaiya tete epetapilo a꞉da꞉ tabo da꞉kiyawaona, Godote atumu ebe kuba osiyodilolepino tanaloma꞉ ebeno Totomu Tabo ebema꞉ ikalamiya. Iyo, me opo epo bilibilinomo magumulo kebe lumagite Ya꞉sukono dopo waloma꞉tapino iyatulame tabo kapiyanomo dadikamidalemene, ebe lumagino tanaloma꞉ Godokono Totomu Tabono tanalate ebema꞉ pola꞉na.

1 Timoti 1:14

Iyo, aimano Kawodawa Ya꞉su Kelisote ebeno nilakapo natamo kawonomamo dadipaniya, ebe tetelo ebegodone demaigana ebe nanitabokobi midi tanalo ega꞉walo nilakapo kimalagidilo tanalo naimano tepo magumulo emaimiya.

1 Timoti 1:2

O Timoti, a꞉ma꞉le nanitabokobi midi magumulo naimano nani guduma꞉ eda꞉nata, ebema꞉ nale me leta a꞉ma꞉tamo palibomo. Modobola Nabiwi Godoko ega꞉walo aimano Kawodawa Ya꞉su Kelisoko iba꞉te ibino nilakapo tanalo, ega꞉walo lumagitamo kuba wiya ikamea꞉ tanalo, ega꞉walo milo tanalo a꞉ma꞉tamo nikaema꞉ta.

1 Timoti 1:5

Ebema꞉ nale a꞉ma꞉ me tabo nanamata, mabu na ubila daleya꞉ tepo magumuno kimalagidilo tanalo ega꞉walo milo okoli tanalono mulo wokino tanalo ega꞉walo tuputupu nanitabokobi midi tanalonomo, ebe tanalate a꞉imano sosi epagodolo eba pola꞉nalo ebe iyaiya tanalo magumune nilakapo kimalagidilo tanalote bemaiganakomene.

1 Timoti 3:11

Ega꞉walo wokopi kamiyaleno ilukuli tanalate epetapino umi magumulo atumu wadewadenoma꞉ neda꞉oma꞉na꞉. Ma kunu iba꞉te epono iyaiya tanaloma꞉ kubakuba tabo akogelanakala꞉, ebene iba꞉te wadewade mulo woki kapiya malagidilolelo ibino osiyodilole tanalo bilibilinomo magumulo nanitabopinomoma꞉ neda꞉oma꞉na꞉.

1 Timoti 3:2

Ebe mabuma꞉ ebe wokodawano osiyodilole tanalo magumulo kuba kapiya idi da꞉pesonomote itanama꞉ modoboa꞉. Ma kunu sosi watodawate kamiyale kapiyagodawama꞉ eda꞉te, ebene nanitabokobi midipi magumulo ebeno okoli tanalo tuputupunomolo eba itanalo, ebete wadewade mulo woki kapiya malagidilolelo ebe a꞉ka꞉tuwa꞉ ebeno tanalo wadenomamo nulamenakomene. Ebene ebete ebeno motolo kapela epo wadenomamo nowalubilinakomene, ega꞉walo modobola ebete Godokono tabo kiyawao magumulo wade iyatulamedawama꞉ neda꞉mene.

1 Timoti 3:4

Ebene ebete ebeno moto epono tanalo wadenomamo ulamelelamete, modobola ebete ebeno gudi wadenomamo niyatulamenakomene, iba꞉te ibino osiyodilole tanalo bilibilinomodo ibino nabiwi eba malagidilolo ebeno tabamo ka꞉tudila꞉onama꞉.

1 Timoti 3:8

Ebema꞉ sosi watowatopi walubilidawano okoli tanalote epetapino umi magumulo atumu wadenoma꞉ neda꞉mene. Ma kunu ebete mena netewa lumagima꞉ akoeda꞉la꞉, ebene ebete elawo gala꞉ipi da꞉imi obo kawonomamo nioma꞉ modoboa꞉, ega꞉walo ebete a꞉da꞉ elemasigi gabodo inamabu bilibilidawama꞉ eda꞉ma꞉ ubi iyati modoboa꞉.

1 Timoti 5:1

Ebema꞉ Timoti, nanitabokobi midipi magumulo kebe kadelete kuba dosiyodilomene, modobola a꞉ma꞉ ebe kawiya ana꞉no a꞉imano nani nabiwima꞉ gelo Godokono tabamo ebe nowalubiye. Ega꞉walo a꞉ma꞉go atu apepeo oli dubuno tanaloma꞉ modobola a꞉ma꞉ ibi a꞉imano ekaki ega꞉walo nanima꞉ midila꞉wete,

Taitasi 1:13

Numa꞉, ebe tabo nanitabonomola, ebema꞉ modobola a꞉ma꞉ Kuliti epo kawiya nanaliye iba꞉te ibino nanitabokobi midi magumulo wadewade woki kuwatema꞉.

Taitasi 1:8

Modobola ebe wiyasiya ebeno motolo kapela epo wadenomamo nowalubilinakomene, ega꞉walo ebete Godokono wade okoli tanalo kawonomamo eba malagidilonalo, ebe a꞉ka꞉tuwa꞉ ebeno iyaiya tanalo wadenomamo nulamenakomene. Ebene sosi watodawano tuputupunomo okoli magumulo modobola ebete ebeno ape Godokono woko kapiyamo eba iyatinalo kateneno kuba ubi tanalamo tuduwatama꞉ modoboa꞉,

Taitasi 2:7

Ega꞉walo naimano gudu, modobola a꞉ma꞉ a꞉imano osiyodilole tanalo bilibilinomo magumulo wade uli ebe oli ape dubatamo nawokaliminakiye iba꞉te a꞉ma꞉ wadenomamo kibamititanama꞉. Ma kunu Godokono tabo iyatulame wokono tanaloma꞉, mena netewa tanalote a꞉ma꞉godolo itana꞉no, modobola a꞉ma꞉le a꞉imano tabo olowiopino tanalo eba malagidilolenalo a꞉ma꞉ tuputupunomolo nokoliniye.

Pailimoni 1:9

Wiyasiya nale a꞉ma꞉ nilakapolo demalagidilotanama, ebema꞉ a꞉ma꞉le naimano ubi tanalo osiyodiloma꞉ nale a꞉ma꞉ kawiya akanatama, ao, na wiyasiya a꞉ma꞉ gelebadi gabodo toweoemata. A꞉ma꞉ numa꞉, na Polotela, na kadelema꞉ eba eda꞉nalo Ya꞉su Kelisoko mabuma꞉ idoko motolo okolinamo, ebema꞉ a꞉imano nilakapo natamo nanitabolo ditana, modobola ebe tanalo awokalima꞉ a꞉ma꞉ naimano towetowe tabono tanalamo na꞉tuduwatiye.

1 Pita 1:13

Ebema꞉ la꞉le Godokono wade woko kosiyodilawenama꞉ la꞉imano woki wadekobi na꞉midila꞉la꞉. Ega꞉walo modobola la꞉ Ya꞉su Kelisokono pe tanaloma꞉ olowiolo nilukulionala꞉, mabu ebete dapawokalamene ebe egelalo ebeno igilo mula꞉ tanalo la꞉tamo nilakapolo ka꞉pikalaema꞉ta.

1 Pita 4:7

Numa꞉la꞉, tete tatalila me opono tanalo bilibilinomate kolopoligoma꞉na꞉, ebema꞉ modobola la꞉ tepo kodakodailama꞉wete ebe tanalote pema꞉ olowiolo nilukuliniyala꞉, mabu me gabodo la꞉ Godotamo towetowe tabo gela magumulo elawonomoma꞉ keda꞉omamota.

1 Pita 5:8

La꞉ nanisiwale! La꞉ olowiolo nilukulionala꞉, mabu la꞉go gowelaodawa ebe Saitanatela, ebe layono-gaa kawonomo keba kunula꞉ka꞉ eba kunula, iyo, ebete epatamo tole kawonomo eba ikalamelo opola꞉go ibi naoma꞉ olena.

2 Pita 1:6

Ebene la꞉ Godokono tanalo nanitabolo eba iyatawaonalo, Godokono elawo laema꞉ tepo kodakoda tanalo nelawiyala꞉. Ebene la꞉ tepo kodakodalo eba lamota꞉onalo, kawokawo temeteme magumulo elawoa꞉noma꞉ eda꞉oa꞉no kalakala nelawiyala꞉. Ebene la꞉ temeteme magumulo elawoa꞉noma꞉ eda꞉oa꞉no eba lamota꞉onalo, Godotamo nanitabolo tuduwata tanalo nelawiyala꞉.