Ma꞉tiyu 4:8 - Godokono Wade Tabo

⁸ Ebene Saitanate Ya꞉suko damela ununomo ida꞉mo magatate me opo kawonomono iyaiya opo kawokawo eba niyatumiolo, iba꞉te ebe opo bilibilinomo ega꞉walo kawokawo inamabu ebo ulamoliya.

Godokono Hido Tabo

⁸ Ba꞉bene Saitanate Ya꞉suku eta hununomo hakamo magatate ba꞉moe hopo konomoeno hiya꞉hiya꞉ koko hopo ba niya꞉tumiho, iba꞉te ba꞉bi hiliyonomo hopo ba꞉gala koko ilina bulameholiya꞉.

Ma꞉tiyu 4:8 Iomraidhean Croise

Ma꞉tiyu 16:26

Ebema꞉ lumagite opono inamabu bilibilinomo uwatenomo eba uwatelo, ebeno igilo datutimene ebe lumagino wiya keleka꞉? Ebete ebeno igilo walo ka꞉kelaema꞉ beda꞉ inamabu na꞉kikaemene? Gabo puliyala, kitana꞉.

Ma꞉tiyu 4:5

Ebene Saitanate Ya꞉suko Godokono wade-talena duliyomolo Yelusalemamo magatate Godoko Amamateno Iya Motono auba unamo nadipite

Yone 5:20

Mabu Nabiwi Godote ebeno Gudu nilakapolo eba malagidilonalo ebeno osiyodilole tanalo bilibilinomo Gudutamo awokalilamena. Nanitabola, walone tetelo Nabiwite ebeno Gudutamo tanalo epetapi kawokawonomo kawokalilaemene ebete kosiyodilolema꞉, ebema꞉ la꞉ bilibilinomate ebe tanalo ulama꞉wete kanoanomamota.

1 Pita 1:24

Ebe mabuma꞉ Godokono Bukalo tabote ma kunu itana, “Epo bilibilinomo ibi uwago keba kunula꞉ka꞉ eba kunula, ega꞉walo ibino iyaiya amama tanalo ebe kaiyakaiyano titi keba kunula꞉ka꞉ eba kunula. Ka꞉lo dapepeuta ebe uwagate dumutu egelalo kalawoma꞉na꞉, ega꞉walo ka꞉lo wade tita꞉gopi da꞉pola꞉na ebe kaiyakaiyate dumutu opamo gito kema꞉sila꞉ma꞉na꞉.

Awokalilame Tanalo 11:15

Ebene nopodawa idite ebeno tutele da꞉ka꞉moli, ebe sebeni tetema꞉ edi. Ebema꞉ ebe tetelo epetapiate Unu Duliyomololo ibino iyaiya tabo madodo unamo dowadipalateliya, na Yonete ibino tabo ma kunu olowimo, “Aimano Kawodawa Godoko ega꞉walo ebeno Alibodawa Kelisoko, ibi netewapiate elawo kawonomo elawa꞉, ebema꞉ me tetene wagilimite uwomua꞉ uwomua꞉ tetelo ebe kapiyate opo kawonomono Kawo Elawodawama꞉ beda꞉namene!”