Ma꞉tiyu 11:1 - Godokono Wade Tabo

¹ Ebene Ya꞉sute ebeno 12 waloma꞉tapi iyatulame dolopoligiya, ebete ebe duliyomolo atepate Yu epono duliyomolo epetapilo ibi iyatulama꞉go eba tolo Godokono tabo ebo kiyawaolamenatiya.

Godokono Hido Tabo

¹ Ba꞉bene Ya꞉suti ebeno 12 ta꞉matapi iya꞉tulame da꞉wibuya꞉, ebete ba꞉be haba miya꞉pate Yu tawakalubino komo habahabalo ibi iya꞉tulama꞉go ba to Godokono tabo ba꞉bo kiyahanatuya꞉.

Ma꞉tiyu 11:1 Iomraidhean Croise

Ma꞉tiyu 28:20

ega꞉walo nale la꞉ diyatulamoletiama, ebe tanalo bilibilinomo la꞉le ibi na꞉niyatulamoliyala꞉ iba꞉te naimano tabamo ka꞉tudila꞉oma꞉. Umu numita꞉la꞉! Na uwomua꞉ tetelo la꞉go bokolinamo, me opono uwomu tete da꞉nemaigamene ebe teta꞉mo.”

Ma꞉tiyu 4:23

Ebene Ya꞉sute Ga꞉lili opo kawonomodo da꞉petonaki, ebe tetelo ebete Yu epono iyaiya balidi ibilamole motolo ibi eba iyatulamelo, Godote Kawo Elawodawama꞉ deda꞉na ebete ebe tanalono Wade Tabo iba꞉tamo ebo kiyawaonaki, ega꞉walo epo magumulo piyate iyaiya temetema꞉go dilukulionamiya ebete ibi bilibilinomo wadekobi atumu a꞉ka꞉midiolenaki.

Ma꞉tiyu 7:28

Ebene Ya꞉sute me iyaiya tanalo kiyawao dolopoligiya ebeno tabo olowiopi bilibilinomate nanoanoutiya,

Ma꞉tiyu 9:35

Ya꞉sute Yu epono kawokawo ega꞉walo egege duliyomolodo da꞉petonaki, ebe tetelo ebete ibino iyaiya balidi ibilamole motolo ibi eba iyatulamelo ebete Godokono Kawo Elawodawano tanalono Wade Tabo iba꞉tamo ebo kiyawaonaki, ega꞉walo ebete ibino iyaiya temetema꞉gopi wadekobi a꞉ka꞉midiolenaki.

Maka 6:12

Ebema꞉ Ya꞉suko waloma꞉tapiate tolamete Godokono tabo na꞉kiyawaolamenatiya epate ibino kubane kolobila꞉ma꞉.

Luku 23:5

Wiyasiya iba꞉te elawonomamo walo na꞉kegeliya, “Ebete dopamo Ga꞉lili opone wagilimite mamo pemaiga epo kubanu iyatulamenaki, ma kunu Yudiya opo kawonomolo ebete ibi nanalenako iba꞉te gabamaniatamo gowelao tanalo kosiyodiloma꞉.”

Luku 8:1

Ebene egela epetapi dolopoligiya Ya꞉sute kawokawo ega꞉walo egege duliyomololo Godokono Wade Tabo kiyawaoago eba pata꞉lo, Godote Kawo Elawodawama꞉ deda꞉na ebete ebe tanalo na꞉kiyawaonaki. Ebe tetelo ebeno 12 waloma꞉tapi dubate eba꞉go tolamenakiya,

Yone 15:10

Nanitabola, la꞉ naimano iyaiya totomu tabamo nanitabolo da꞉tudila꞉wenama, ebe gabodo la꞉le naimano nilakapo magumulo bilukulinamata, nale naimano Nabiwino totomu tabamo tuduwatalo ebeno nilakapo magumulo dokolinamo eba kunu.

Yone 15:14

“Ega꞉walo me tanalo idila, la꞉le naimano totomu tabamo da꞉tudila꞉wema, ebe gabodo la꞉ naimano namutupima꞉ keda꞉omamota.

Oelamepino Ododili Komokomo 10:42

ebene tete idilo ebete a anai ale epatamo Godokono Wade Tabo kawokaliminakoma꞉. Ale me tanalo ebema꞉ awokaliminama꞉, piyate igilolo dilukuliona ega꞉walo piyate dopamo da꞉elaiya, Ya꞉sute ebe epo bilibilinomono tanalo kanagilamelelaemene, mabu iyalo tetenomolo Godote ebetamo ebe woko ikamiya.

1 Tesalonaika 4:2

iyo, ale dopamo Ya꞉sugodone uwatete la꞉tamo dikalametia ebe iyaiya totomu tabono tanalo la꞉ iyatawalata.

2 Tesalonaika 3:10

Me mabuma꞉ ale la꞉ ma kunu analiata, “Kebe lumagite woko osiyodilo ubia꞉noma꞉ deda꞉mene, modobola epetapiate ebetamo bae akoikama꞉la꞉.”

2 Tesalonaika 3:6

Ebema꞉ aimano nanitabokobi midipi ekakiala꞉, ale aimano Kawodawa Ya꞉su Kelisokono mailamo la꞉ ma kunu analeta, la꞉ magumulo piyate aimano iyatulame tanalamo tudila꞉oa꞉no ega꞉walo iba꞉te ibi a꞉ka꞉tuwa꞉ walubilima꞉ damolama꞉ deda꞉ona, modobola la꞉ ebako nanitabokobi midipino osiyodilole magumamo ako-opila꞉la꞉.

1 Timoti 6:14

a꞉ma꞉le aimano Kawodawa Ya꞉su Kelisokono pe uwomuamo ebeno iyaiya totomu tabamo wadenomamo na꞉tuduwatanakiye, iyo, modoboa꞉ epetapiate kapiya tanalo da꞉pesonomo idima꞉ a꞉imano woko kubama꞉ kegelama꞉.