Ma꞉tiyu 1:23 - Godokono Wade Tabo

²³ “Buwelete lamituma꞉ eda꞉te dubu gudu kalaimimene, ebene iba꞉te ebeno mailo Ima꞉nuwelama꞉ keka꞉ima꞉na꞉.” Buka ka꞉la꞉mioledawa, modobola a꞉ma꞉ niyatawa me Ima꞉nuwela mailono magumu nitana ‘Godote ago nokolina.’

Godokono Hido Tabo

²³ “Bohelete lamituma꞉ eda꞉te dubu gudu kalahimima꞉ne, ba꞉bene iba꞉te ebeno mahilo Ima꞉nuwelama꞉ koka꞉mima꞉na꞉.” Buka ka꞉lamiholedawa, wadiyala ama꞉ niya꞉tawa ba꞉moe Ima꞉nuwela mahiloeno ipuwa nitana ‘Godote ago bemedena.’

Ma꞉tiyu 1:23 Iomraidhean Croise

Ma꞉tiyu 1:24

Ebema꞉ Yausepete u wata baine maiganate Godokono nopodawate ebe beda꞉ tabo kananiyale, ebete ebe tabamo tuduwatate Ma꞉liko ebeno kamiyalema꞉ ebo lawiya.

Ma꞉tiyu 28:20

ega꞉walo nale la꞉ diyatulamoletiama, ebe tanalo bilibilinomo la꞉le ibi na꞉niyatulamoliyala꞉ iba꞉te naimano tabamo ka꞉tudila꞉oma꞉. Umu numita꞉la꞉! Na uwomua꞉ tetelo la꞉go bokolinamo, me opono uwomu tete da꞉nemaigamene ebe teta꞉mo.”

Luku 20:44

Ebene Ya꞉sute tabo moga꞉melo walo na꞉kegiya, “Modobola, la꞉ me tabo eba malagidilolo na nanana꞉la꞉, Da꞉ibidite ebeno a꞉la꞉mu Kelisoko ebeno Kawodawama꞉ ka꞉milo ebete Godokono tumudi apuamo okolima꞉ giya, ebema꞉ ebe tanalote keba kunu na꞉ka꞉pemaigamene?”

Yone 1:14

Ebene Tabote lumagino apa꞉mo pete ago eba pokolinalo ale ebeno alo kawonomo ebo umiyama꞉, ebako alo Nabiwi Godote ebeno kapiya Gudutamo ikamiya. Ebeno alono pukuilame magumulo ale me tanalo umiyama꞉, ebe Godokono nilakapo tanalo ega꞉walo nanitabo tanalo tabokanomola.

Oelamepino Ododili Komokomo 18:9

Ebene idoko idilo Kawodawa Ya꞉sute Poloko iyolo nanani, “A꞉ma꞉ naimano tabo kiyawaoma꞉ akotoletola꞉la꞉, ega꞉walo tabo gea꞉noma꞉ akoeda꞉la꞉,

Loma 8:31

Ebema꞉ a me wadewade tanalo eba malagidilolelo a beda꞉ tabo na꞉kegelama꞉? Modobola a tabo ma kunu kegelamalema꞉, Godote aimano apulo nanitabolo butina, ebema꞉ ago da꞉gowelaona iba꞉te wato kikopu a꞉kelaema꞉na꞉!

Loma 9:5

Ebene A꞉ibalayamako ega꞉walo kawokawo ewoni nabi epetapi, Yu epo ebe ebe dubuno walone gudila, ega꞉walo kalakala kawonomola, Kelisote ibi magumune opo lumagino apa꞉mo pawokaliya. Nanitabola, Kelisoko ebe Godotela! Iyo, ebeno elawo tanalote epetapi bilibilinomono elawo tanalo nodoilina, ebema꞉ modobola epate uwomua꞉ uwomua꞉ tetelo ebe nemoionakoma꞉na꞉! Taula!

2 Kolini 5:19

Ebema꞉ ale me opo epo bilibilinomatamo tabo ma kunu kiyawaonakoma꞉, Godote Kelisokono osiyodilo tanalodo iba꞉tamo wade woko eba osiyodilonalo ibi ebeno wade namutupima꞉ ebo midiliya, iyo, iba꞉te dopamo kebe kuba kosiyodilolenakiye ebete ebe tanalo bilibilinomo ebeno wokine gito egebolelamiya. Nanitabola, a piyate me woko dosiyodilonama꞉, dopamo tetelo Godote a ebeno nani wokopima꞉ eba ka꞉milo ebete me woko atamo ebema꞉ ikaeamiya, iyo, ebe ubila epate ebeno tabo ado kolowioma꞉.

1 Timoti 3:16

Ebema꞉ nanitabola, a nanitabokobi midipiate Godokono ubi gabodo ebe keba kunu kowaloma꞉tanama꞉, ebe tanalono magumu beda꞉ kawonomola꞉ka꞉! Aimano Kawodawate me opolo lumagino apa꞉mo awokaliya, ebene ebeno tuputupu okoli tanalo kawokalima꞉, ebete ebeno Uliyanano elawamo a꞉e magumune maigate, Godokono nopopiate ebe uwomua꞉ igilago ebo umiya. Ega꞉walo ebe waloma꞉tapiate ebeno tanalo me opo kawonomolo awokalimiya, ebene epo bilibilinomate ebe nanitabokobi eba midilo, ebete Godokono Unu Duliyomolamo ebo odoliya, ebeno ololo apulo kawo alo magumulo ka꞉nokolinama꞉.

2 Timoti 4:22

Modobola Kawodawa Ya꞉sute a꞉imano tepo magumulo nokolinamene, ega꞉walo ebeno nilakapo tanalote a꞉ma꞉ ega꞉walo a꞉ma꞉go daladabutinaka la꞉ bilibilinomagodolo nitanamene. Me ebe naimano tabo uwomula. Taula.