Luku 9:51 - Godokono Wade Tabo51 Ebene Ya꞉sute Godokono Unu Duliyomolamo nodolo tete detataliya, ebete ebe tanalo iyatawate ebeno woki kawonomamo ebo iyatiya Yelusalema kawo duliyomolamo ka꞉toma꞉. Faic an caibideilGodokono Hido Tabo51 Ba꞉bene Ya꞉suti Godokono Hunu Habamo nodolo tete da꞉tataliya꞉, ebete ba꞉be komo iya꞉tawate ebeno ukui konomamo ba꞉bo ihatiya꞉ Yelusalema ko habamo kotoma꞉. Faic an caibideil |
Yu epono Aduga꞉la Soliyomu osiyodiloma꞉ kapiya egelate eba nitanalo, Ya꞉sute ebo iyatawiya me tetela, ebete tatalila me opo atepate Nabiwi Godotamo ka꞉tomene. Nanitabola, piyate me opolo ebenoma꞉ deda꞉onamiya, Ya꞉sute ibi nilakapoilamelo kawonomamo malagidilolenami, ebema꞉ ibi ebe nilakapago magatalete uwomunomamo ebo nemaigiya.
“O naimano Wade-talena Nabiwi, tete tatalila na me opo katepamo, wiyasiya me opo ebe naimano waloma꞉tapino ilukuli baila. Ebema꞉ a netewapiate kapiya wokilo keba kunu kokolionama꞉, iba꞉te eba kunu gelebadiago kapimiya kilukulinama꞉ modobola a꞉ma꞉ a꞉imano elawo mailamo ibi wadenomamo nulameniye. Ebe elawo mailo a꞉ma꞉le natamo iyalo ikanamiyata, ega꞉walo nale dopamo iba꞉go eba okolinalo ebe mailamo ibi wadenomamo buiyalatelenaimo. Nanitabola, ibi naimano buiyalatele magumulo kapiya idite kalatidia꞉, wiyasiya a꞉imano Buka apuno tabote nanitaboma꞉ keda꞉ma꞉ kapiya dubunomote kubakobi ebema꞉ olowi, a꞉ma꞉le Ela Opamo dopamo potele toma꞉ degeawiyala, me ebe dubula.
Iyo, sukulu gudute kalakala egelalo elawamo keba kunu ka꞉puliganakole, na woko osiyodilo magumulo eba kunu puliganamo, nale uwomu teta꞉mo da꞉nemaigamo naimano wade wiya ebo ka꞉nelaema꞉. Nanitabola, Godote Unu Duliyomolono kalakala tanalo natamo ikanaema꞉, Ya꞉su Kelisoko magumulo na ebema꞉ ka꞉na꞉miya.
Ebema꞉ nanitabola, a nanitabokobi midipiate Godokono ubi gabodo ebe keba kunu kowaloma꞉tanama꞉, ebe tanalono magumu beda꞉ kawonomola꞉ka꞉! Aimano Kawodawate me opolo lumagino apa꞉mo awokaliya, ebene ebeno tuputupu okoli tanalo kawokalima꞉, ebete ebeno Uliyanano elawamo a꞉e magumune maigate, Godokono nopopiate ebe uwomua꞉ igilago ebo umiya. Ega꞉walo ebe waloma꞉tapiate ebeno tanalo me opo kawonomolo awokalimiya, ebene epo bilibilinomate ebe nanitabokobi eba midilo, ebete Godokono Unu Duliyomolamo ebo odoliya, ebeno ololo apulo kawo alo magumulo ka꞉nokolinama꞉.
Ega꞉walo modobola a tete bilibilinomolo aimano tepo magumuno wokilo Ya꞉suko wadenomamo buminakoma꞉, iyo, ebete aimano nanitabokobi midi tanalono mabuma꞉ eba eda꞉nalo a dopaeamete uwomuamo a wadenomamo kemagataemene. Nanitabola, ebete kewa olotolowalo da꞉iya, ebete kebe kalakala Godogodone walone delaemene ebe kalakala ebeno tepo magumuno wokilo ebo umiya. Me ebe mabuma꞉ ebete ebeno a꞉e tanalono kawokawo ilipo ega꞉walo temeteme tanalo malagidiloa꞉no wato kikopu ebo lawiya, iyo, me tetelo ebete Kawo Elawodawa Godokono tumudi apulo bokolina.
Iyo, dopamo Ya꞉sute a mabuma꞉ Amamate Motono Talena Bainomamo a꞉nopegiya, ebete Godotamo kalimagono ikameo tanalodo aimano kuba osiyodilole tanalo ka꞉negeboleaema꞉, ebema꞉ nanitabola, ebe Godotamo kalimagono ikameopino Unu Watodawanomoma꞉ ediya uwomua꞉ uwomua꞉ tetelo ebe woko gobebobolo kokolinama꞉, Mekisadekate dopamo Godokono wokodawama꞉ keba kunu keda꞉namile eba kunu.
Nanitabola, ebe Igilodawano elawo kawonomola. Ebete Unu Duliyomolamo walo ka꞉nodolote ebolo Godokono tumudi apuamo da꞉nokoliya, ebe tetene wagilimite me teta꞉mo pemaiga nopopi bilibilinomate, Godokono nopopi ega꞉walo Saitanakono nopopi, elawoelawonomo nopopi ega꞉walo elawoelawodopo nopopi, ibi bilibilinomate Ya꞉sukono ubi tanalamo ba꞉tudila꞉onakoma꞉na꞉.