Luku 4:18 - Godokono Wade Tabo

¹⁸ “Godokono Uliyanate nagodolo bokolina, mabu ebete na elaweniya, nale nigologololo dilukuliona ebe epatamo Godokono Wade Tabo katama꞉. “Ebete na apaliboniya idoko motolo dilukuliona ebe epatamo, ebema꞉ nale ibi ka꞉kiyawaolaemamo, tete ebe na꞉pe ibi idoko motone kowagailima꞉, ega꞉walo na balidi tamiolame epo kanalemamo, ibino balidi ka꞉meleoma꞉. “Iyo, nale mibomibago dowapata꞉lamena ebe epo tutunomoma꞉ ka꞉midilimamo,

Godokono Hido Tabo

¹⁸ “Godokono Gobogobote nagodolo bemedena, mabu ebete na a꞉laweniya꞉, nale awaelo demedehona ba꞉bi tawakaluba꞉tamo Godokono Hido Tabo katama꞉. “Ebete na a꞉poenamiya꞉ du genamalo demedehona ba꞉bi tawakaluba꞉tamo, ba꞉bema꞉ nale ibi kokiyalamema꞉nemo, tete ba꞉ na꞉pe ibi du genamane kuluhukulatelema꞉, ba꞉gala na baidi tamiholame tawakalubi kokiyalamema꞉nemo, ibino baiditi ka꞉la꞉minahalelamema꞉. "Iyo, nale menemena꞉go da꞉wapata꞉lamena ba꞉bi tawakalubi tutunomoma꞉ komidilima꞉nemo,

Luku 4:18 Iomraidhean Croise

Ma꞉tiyu 11:5

Balidi tamiopiate balidi a꞉melea ega꞉walo agowa tataipiate nowapata꞉lama꞉! Kukulakukulagopiate wadekobi olowiya ega꞉walo galo tamiolamepiate nolowia! A꞉elaopiate a꞉ene walo a꞉kemaimiya ega꞉walo nigologolo epatamo Godokono Wade Tabote a꞉pe!

Ma꞉tiyu 12:18

“Me naimano wade Wokodawala, nale ebe dopamo eka꞉miyamo. Nale ebe nilakapolo eba malagidilonalo ebetamo kawonomamo nekalakalanamo, ebema꞉ nale naimano Wade-talena Uliyana ebe unamo nalibote, ebene ebete iyaiya opo epatamo ibino igilo mula꞉lelame tanaloma꞉ tabo ka꞉kiyawaomene.

Ma꞉tiyu 12:20

Piyate elawoa꞉noma꞉ deda꞉ona ebete iba꞉tamo nilakapago ka꞉tomene, eba kunu ebete balibali pudo gito akadikanalemene, ega꞉walo wuiki alono mena da꞉pesoma꞉ deda꞉na ebete gito a꞉ka꞉egamidamene. “Nanitabola, naimano Wokodawate wadewade tanalo eba osiyodilolelo Tuputupu Okoli tanalote Kubano wato kikopu kelaemene,

Ma꞉tiyu 4:16

Piyate idoko magumulo dilukuliona, iba꞉te alo kawonomo kuima꞉na꞉, iyo, piyate a꞉e magumulo dilukuliona, wiyasiya igilo alote ibi ka꞉pukuilaemene.”

Ma꞉tiyu 5:3

Ya꞉sute iba꞉tamo negiya, “Piyate ibi a꞉ka꞉tuwa꞉ ibi egegema꞉ gelalo Godoko ibino Kawodawama꞉ degelanaka, modobola iba꞉te nekalakalaonama꞉na꞉, mabu Godote Kawo Elawodawama꞉ deda꞉na, ebe wade duliyomolono tanalo ibinola!

Luku 4:17

Ebene iba꞉te Aisaya buka mokopi ebetamo ikamete, ebete paeamidate buka ka꞉la꞉miole ma kunu ebo wagilimiya,

Luku 6:20

Ebene Ya꞉sute ebeno waloma꞉tapi bilibilinomo eba ulamitalo nanaliya, “La꞉ piyate nigologololo dilukula꞉wenama, modobola la꞉ nekalakalala꞉, mabu Godote Kawo Elawodawama꞉ deda꞉na, ebe wade duliyomolono tanalo la꞉imanola!

Luku 7:22

Ebema꞉ ebete wiya tabo Yoneko waloma꞉tapiatamo negiya, “La꞉ toawete la꞉le kebe tanalo kulamola꞉ema ega꞉walo la꞉le kebe tabo kolowiaema, ebe iyaiya tanalo Yoneko nananala꞉. Balidi tamiopiate a꞉melea ega꞉walo agowa tataipiate nowapata꞉lama꞉! Kukulakukulagopiate wadekobi olowiya ega꞉walo galo tamiolamepiate nolowia! A꞉elaopiate a꞉ene walo a꞉kemaimiya ega꞉walo nigologolo epatamo Godokono Wade Tabote a꞉pe!

Yone 1:41

Ebene duiyanomolo A꞉ndulute tote ebeno naniwi Saimonoko da꞉numiya ebe nananiya, “A Mesayako nanitabonomolo uima꞉!” Buka ka꞉la꞉mioledawa, modobola a꞉ma꞉ me tanalo niyatawa, Yu epate Godokono Alibodawa Kelisoko ibino tabamo Mesayama꞉ ka꞉minaka.

Yone 12:46

Nanitabola, na me opo pukuima꞉ piyamo, ebema꞉ kebe lumagite na nanitabokobi da꞉midinina ebete idoko magumulo a꞉kokolinamene.

Yone 3:34

Nanitabola, Godote dapalibiya ebe Kawodawate Godokono nani tabo kiyawaonako, mabu Godote ebeno Uliyanano elawo kawonomo ebetamo iyalo ikamiya,

Oelamepino Ododili Komokomo 26:18

mabu a꞉ma꞉le ibino balidi ka꞉nepalamililaema꞉ta iba꞉te idoko magumune alamo kolobila꞉oma꞉. Iyo, iba꞉te Saitanakono elawo magumune Godotamo olobila꞉ote na Ya꞉suko nanitabokobi da꞉midinima꞉na꞉, ebe tanalodo Godote ibino kuba egebolelamete ka꞉dodolomatililaemene, ega꞉walo ebete ibi ebeno tuputupupi epetapiago kapiyakobi midilite wade duliyomolo idi iba꞉tamo kikalaemene.’”

Oelamepino Ododili Komokomo 4:26

Iyo, me opolo kawokawo elawodubate ebetamo kuba osiyodiloma꞉ lamota꞉oniya, ega꞉walo watowatopi dubate aladabutiya, iba꞉te Kawodawa Godoko ega꞉walo ebeno Alibodawa Kelisoko iba꞉tamo gowelao tanalo kosiyodiloma꞉.’”

Oelamepino Ododili Komokomo 4:27

Ebene nanitabokobi midipiate towetowe tabo gela magumulo walo na꞉kegeliya, “O Godo, nanitabola, a꞉imano Wade-talena Wokodawa Ya꞉suko a꞉ma꞉le a꞉imano Alibodawa Kelisoma꞉ iyalo a꞉midiyata, wiyasiya Kawo Elawodubu Elodiko ega꞉walo Poniyase Paeleteko, iba꞉te me Yelusalema duliyomololo nanitabokobi midia꞉pi epetapi ega꞉walo Isalaela epago aladabutiya eba꞉go ka꞉gowelaoma꞉.

Kolosi 1:13

mabu ebete aimano igilo eba mula꞉leamelo idoko namutudawano elawo magumune a wagaite, ebene ebeno Gudute Kawo Elawodawama꞉ deda꞉na ebe tanalono kalakala okoli tanalamo ebete a alomoiya. Numa꞉la꞉, ebete ebe Gudu kawonomamo malagidilona, ebe poteleka꞉ aimano kuba osiyodilole magumune a wiya kawonomamo duwateiya ebe Wadedawala, iyo, ebete aimano kuba bilibilinomo egeboleamete iyalo a꞉dodolomatiliamiya.

Ya꞉imesi 2:5

O naimano wadewade ekakiala꞉, modobola la꞉ me tabo wadenomamo nolowiala꞉! Godote inamabua꞉pi nanitabolo uwatiya, iba꞉te me opolo eba ilukulinalo nanitabokobi midi magumulo kawokawopima꞉ keda꞉onama꞉. Nanitabola, walone iba꞉te Godokono Kawo Elawodawano Duliyomololo da꞉pola꞉na ebe inamabu bilibili kuwatema꞉na꞉, mabu Godote nani tabonomo iyalo a꞉kiyawaiya, ebe Duliyomolono wadewade tanalo ebe nilakapolo demalagidilona ebe epatamo kikalaema꞉.

1 Pita 2:9

Wiyasiya la꞉ nanitabokobi midipino tanalo iyanomola. La꞉ ebe Godote ebeno ubilo duwatetiyala ebe epolata, ega꞉walo la꞉ Kawo Elawodawa Godoko amamatelo ebetamo nilakapo inamabu dikameawenakoma, la꞉ ebe wokopilata. Iyo, la꞉ ebetamo talena woko dosiyodilawenama ebe tanebapilata, ega꞉walo la꞉ Godokono iya eponomoma꞉ eda꞉onamata. Nanitabola, Godote la꞉ idoko magumune eka꞉la꞉miyata, mabu ebe ubila la꞉le ebeno wade alonomo magumulo eba ilukulinalo ebeno wadewade osiyodilole tanalo epetapiatamo ka꞉kiyawawenakoma꞉.