Luku 3:22 - Godokono Wade Tabo

²² Ebene Godokono Uliyanate bigo olamu ebe unamo eba piwisigalo, tabote Unu Duliyomolone ma kunu piwisigiya, “A꞉ma꞉ naimano kapiya Gudunomolata. Na a꞉ma꞉tamo nekalakalitamo.”

Godokono Hido Tabo

²² Ba꞉bene Godokono Gobogobote gimai holamo ebe hunamo ba pihitiga, tabote Hunu Habane ba꞉ma ka꞉na pihitiguya꞉, “Ama꞉ naeno kapiya Gudunomolata. Na ama꞉tamo na꞉kalakalutamo.”

Luku 3:22 Iomraidhean Croise

Ma꞉tiyu 12:18

“Me naimano wade Wokodawala, nale ebe dopamo eka꞉miyamo. Nale ebe nilakapolo eba malagidilonalo ebetamo kawonomamo nekalakalanamo, ebema꞉ nale naimano Wade-talena Uliyana ebe unamo nalibote, ebene ebete iyaiya opo epatamo ibino igilo mula꞉lelame tanaloma꞉ tabo ka꞉kiyawaomene.

Ma꞉tiyu 17:5

Pitate ebe tabo eba kiyawautalo, ebe tetenomolo pukuilame tema iyanomote pete ibi gito panalopamidaliya, ebene tema magumune tabote ma kunu piya, “Me naimano kapiya Gudunomola, na ebetamo nekalakalitamo. La꞉ ebeno tabo nolowiala꞉.”

Ma꞉tiyu 27:43

Ebete negenako, ‘Na Godoko nanitabokobi na꞉midinamo, ega꞉walo na ebeno Gudula,’ ebema꞉ Godote ebetamo nekalakalataleka꞉ ebete ebeno igilo ba꞉mula꞉mena꞉!”

Ma꞉tiyu 3:13

Ebene Ya꞉sute Ga꞉lili opone Yodane Kolomamo Yonetamo piya, ebete ebe obamo kaduba꞉midama꞉.

Ma꞉tiyu 3:16

Ebene Ya꞉sute obone eba pidiwilo, ebe tetenomolo Godote ebeno Unu Duliyomolo a꞉iyamiditalo ebo umiya, ega꞉walo ebete tanalo idi ma kunu kumiya, Godokono Uliyana bigo ola keba kunula꞉ka꞉ eba kunu piwisigate ebetamo gito pokoliya.

Ma꞉tiyu 3:17

Ebe tetelo tabote Unu Duliyomolone ma kunu piwisigiya, “Me naimano kapiya Gudunomola. Na ebetamo nekalakalitamo.”

Maka 1:11

Ebene tabote Unu Duliyomolone ma kunu piwisigiya, “A꞉ma꞉ naimano kapiya Gudunomolata. Na a꞉ma꞉tamo nekalakalitamo.”

Maka 1:9

Ebe tetelo Ya꞉suko Ga꞉lili opono Nasalete duliyomolone pete, Yonete Yodane Kolomolo ebe obamo ebo aduba꞉midiya.

Maka 9:7

Ebene temate pete ibi dapanalopamidaliya, tabote tema magumune ma kunu piya, “Me naimano kapiya Gudunomola, na ebetamo nekalakalitamo. La꞉ ebeno tabo nolowiala꞉!”

Luku 2:14

“Godote ebeno Ununomo Duliyomololo dokolina, la꞉ ebe moiolo nadipata꞉la꞉. Me opolo ebete piyatamo dekalakalana, ebeno igilo mula꞉ tanalote iba꞉godolo nitanamene!”

Luku 4:21

ebema꞉ ebete iba꞉tamo negiya, “Ka꞉lo nale me buka apuno tabo deka꞉la꞉miolemo, ebe tetenomolo ebeno nanitabo tanalote la꞉tamo ebe apawokala.”

Yone 1:32

Ebene Yonete Ya꞉sukono tanalo awokalimilo negiya, “Nale ebeno tanalo ma kunu uimo, Godokono Uliyanate Unu Duliyomolone ebetamo bigo olamu piwisigitalo uimo, ebete ebegodolo ka꞉pokolinama꞉.

Yone 12:28

Ebema꞉ Nabiwi, a꞉ma꞉ a꞉ka꞉tuwa꞉ a꞉imano elawo alo magumudo a꞉ma꞉ nowalogiye.” Ya꞉sute me tabo eba gitalo ebe tetenomolo Godokono Unu Duliyomolone tabote ma kunu piwisigiya, “Na a꞉ka꞉tuwa꞉ na iyalo owalogiyamo, ega꞉walo na a꞉ka꞉tuwa꞉ walo ka꞉kowalogomamo!”

Yone 5:37

Nanitabola, na dapaliboniya ebe Nabiwite naimano nanitabo tanalo eba awokaliminalo, wiyasiya la꞉le ebeno tabo madodo kolowiawenakoa꞉ ega꞉walo ebeno ololo kuma꞉wenakoa꞉.

Kolosi 1:13

mabu ebete aimano igilo eba mula꞉leamelo idoko namutudawano elawo magumune a wagaite, ebene ebeno Gudute Kawo Elawodawama꞉ deda꞉na ebe tanalono kalakala okoli tanalamo ebete a alomoiya. Numa꞉la꞉, ebete ebe Gudu kawonomamo malagidilona, ebe poteleka꞉ aimano kuba osiyodilole magumune a wiya kawonomamo duwateiya ebe Wadedawala, iyo, ebete aimano kuba bilibilinomo egeboleamete iyalo a꞉dodolomatiliamiya.

1 Pita 2:4

Ebema꞉ la꞉le Kawo Igilodawa Ya꞉sutamo na꞉pelama꞉la꞉, ebe epate kubama꞉ gelate iyabaiamo diyatiya ebe dawala, wiyasiya Godote ebe nokola keba kunula꞉ka꞉ ebako wade alonomoma꞉ gelo ebo lawiya.